عرض للطباعة
السلام عليكم جميعا...
عايز اشتري عربية في حدود 75 الف ومحتار في واحدة من الاربعة دول ...بيرسونا- النترا-ماتريكس-بوما
بقالي فترة كبيرة باقرأ عنهم بمميزاتهم وعيوبهم ولكن مازلت محتار......مع العلم ان كل مشاويرى داخل البلد ولو حاجة تستاهل ممكن المبلغ يوصل ل 80 الف بس ده الاخر خالص....... الموديل هيكون بداية من 2008 منتظر روددكم
وجزاكم الله خيرا
بص يا باشا انا كان معايا الماتريكس وهي جامدة جدا وعائلية حلوة لاسره مكونة من 5 افراد ومبتشتكيش من حاجة وحدها بس المشكلة في شكلها الي قبل 2010 شكله قبيح ده لو يهمك الشكل ده بالنسبة للماتريكس
و الالنترا عربية جميلة وواسعة حلوة بس واطية حبتين
والبوما محدش يقدر يتكلم عنها بس مشكلتها قعدتها تحس انك قاعد في حمام وواطية
لكن نصيحة بلاش بيرسونا فكر في العربية الي تعرف تبيعها بسهولة والبيرسونا ملهاش سوق اوي زي التلاتة الباقيين
ده الي اعرفة عن العربيات دي اما انا لو هختار
هختار الالنترا بس لو مش هيفرق معاك الشكل يبقا عليك بالماتريكس عملية وعائلية ومبتشتكيش من حاجة
بس اهم حاجة الحالة الكويسة
الالنترا الشكل ده بالذات عربيه تقتني
شنطتها واسعه موتور وفتيس محترم اعتماديه عاليه عفشه مريحه . تسارع ممتاز
عيبه بس انها بتتسرق :)
توكل واستخير ودور علي حاله كويسه وركب انذار بوحده فصل
طيب بالنسبة لإستهلاك البنزين..كان إيه نظامه معاك ؟؟؟وكنت حضرتك بتحط بنزين إيه ؟؟؟ ..عشان أن سمعت من كذا واحد ركبوا الماتريكس إنها حفافة بنزين ..يمكن أكتر عربية بتستهلك بنزين في الهيونداي بالنسبة للفئة ال 1600اقتباس:
المشاركة الأصلية كتبت بواسطة @mohsen
بص يا باشا عشان مفتيش انا كان معايا الماتريكس 2010 اوتوماتيك وكان استهلاكها للبنزين عادي زي اي عربية 1600 ومبستهلكش بنزين كتير لكن الموديل الي قبل 2010 معرفش ايه نظامو في البنزين وكنت بعبي بنزين 92 بس الي اعرفه انهم مغيروش في الماتريكس غير الشكل الخارجي فقط على حد علمي
تصميم الماتريكس مش بيقلل مقاومه الهواء
تقريباً