لو معندكيس التزامات اسرية الياريس افضل، استهلاكها للوقود احسن وتسارعها احسن وبرستجها مناسب للشباب الصغير، وصوتها انعم من الماتريكس
لو عندك اسرة الماتريكس هتديلك ميزة الصالون الواسع وامكانيه طى الكنبة الخلفية وثبات رائع على الأرض بالمقارنة بثبات الياريس اللى عليه علامات استفهام متعددة، وارتفاع جلستك عن الأرض بيديلك نظرة بانورامية للطريق متاخديهاش من أى عربية تانية ، كما ان التمكن من ادوات السيارة افضل الى حد ما من الياريس
الاتنين محركاتهم كويسة وان كان محرك التويوتا سمعته افضل تاريخيا، والاتنين عفشتهم ممتازة ، وشاسيهاتهم قوية ودرجاتهم مرتفعة فى اختبارات الأمان ، والاتين مطلوبين فى اعادة البيع وقطع غيارهم سهلة
توكيل تويوتا زحمة وتوكيل غبور زحمة، لو عندك مشكلة كبيرة لا ده هيحلهالك ولا ده هيحلهالك، الفرق الوحيد بين توكيل تويوتا وتوكيل غبور ان فى توكيل تويوتا-ككل التوكيلات المحترمة فى مصر- الناس بتكلمك كويس وبتعامل باحترام، وهو ما لن تحصلى عليه فى غبور، لكن فى النهاية مفيش توكيل فى مصر-محترم او غير محترم- بيحل مشكلة كبيرة غير لما تجيبيلهم واسطة من امن الدولة او كارت ارهاب من الشركة الام
فأنا رأييى ان الفيصل الوحيد هو هل انت بطولك وللا ربة اسرة، لو بطولك تبقى ياريس لو ربة اسرة تبقى ماتريكس، وربنا يوفقك
المفضلات