السلام عليكم ورحمة الله وبركاته
من حوالي شهر نويت بعد استخارة المولى عز وجل ان اشتري سيارة فلورنس الفئةالاولى اتوماتيك وبحثت عنها فى السوق كله مالقيتهاش عند اى حد ومن حوالي اسبوع او عشرة ايام عديت على اباظة فرع التجمع قالي انه عنده الفئة التانية اوتماتيك واخر واحده وهايجبهالى من فرع الغردقة بعد تفكير ومراجعة حسابات قولت ماشي وبعد كام يوم كلمني وقالي تعالي العربية جت '''''' روحت اتفرجت عليها لقيت فيها بعض الخدوش البسيطة جدا فرفضت استلم العربية وقلتلهم انى هاستنى الشحنة الجديدة قالتلى هاتيجى كمان اسبوعين قلتلهم ماشى مش مستعجل في سبيل ان الواحد ياخد حاجة كويسة مفيهاش اى غلطة وياريت تكون الفئة الاولى اتوماتيك. بعد ٢٤ ساعة لقيت اباظة يكلمني قالي عايز العربية لونها ايه قولتلك الشحنة الجديدة وصلت قالي جت وموديل ٢٠١٦ قولت خير اجى استلم امته قالي يومين بالكثير بكلمات محمد زكى وسالته على العربية قالى جالى من كام يوم عربيتين وخرجوا لانهم كانوا محجوزين فسالته عن الشحنة الجديدة قالي كمان اسبوعين قولتله دا ٢٠١٦ وصلت فى السوق قالي مافيش الكلام ده ٢٠١٦ هاتيجى فى شهر ٩ روحت لاباظه تانى استفهم منه قالى دا اناجايلي ٤ عربيات بس فانا دلوقتي خايف لاتكون العربية فيها مشكلة ولا حاجة والتوكيل صلحها وباعها تانى فانا فى حيرة دلوقتي اكمل واخد العربية ولا استنى الشحنة الجيدة احسن افيدوني