ارجوكو يا جماعة الخير افتونى
محتار جدا بين البيرسونا والسياز ..... مع العلم انى مش ناوى اغير قريب
السياز شكل واوبشنز اعلى بس موتور اضعف وانا بسافر كتيير
لو حد قدر يوصل لمقارنة عادلة بينهم يرد عليا وليه الاجر و الثواب عند الله
عرض للطباعة
ارجوكو يا جماعة الخير افتونى
محتار جدا بين البيرسونا والسياز ..... مع العلم انى مش ناوى اغير قريب
السياز شكل واوبشنز اعلى بس موتور اضعف وانا بسافر كتيير
لو حد قدر يوصل لمقارنة عادلة بينهم يرد عليا وليه الاجر و الثواب عند الله
البيرسونا بقالها كتير نازلة فممكن تعرف مميزاتها وعيوبها بسهولة ... السياز بقالها تقريبا خمس شهور ؛ بس انتشرت فى الشوارع .. وليها مستقبل جيد ..
بالنسبة للبيرسونا , عربية قوية ورياضية وثباتها عالى جدا لكن تقيلة فى الباور وبتستهلك بنزين كتير شوية ..
السياز عربية جميلة مليانة اوبشنز موتورها ناعم والباور بتاعها ناعم ( باور كهرباء ) واستهلاك بنزين اقل بس لسة مش عارف مميزات وعيوب بشكل مفصل عنها ؛ لكن معروف ان سوزوكى شركة محترمة و مواتيرها كويسة . ( بالنسبة للسفر , كل العربيات الجديدة بتسافر ..)
شوف الانسب ليك واتكل على الله ...
بسم الله الرحمن الرحيم
اخى الفاضل طالب النصح الرشيد
ما اصعب ما تطلىه. . . . . انا شخصياً واقع فى هذه الحيره منذ فترة من الوقت و مازلت عالق فيها ولذلك ساشاركك بما لدى مع انى لم اصل لقرار لصالح اى منهما:
1 - اولاً و قبل ان ابدا اود ان ابلغك باننى من ملاك السوزوكى (جديده منذ 6 سنوات)
2 - اكاد لا استخدم سيارتى الا فى السفر و لذلك عندى (لله الحمد و المنه) كل خبرات السفر (الطويل و القصير)
3 - بما انعم الله على من خبرة اود ان ابلغك ان من كثير السفر يعنيه فى المقام الاول اعتمادية السياره وهذا ما اشهد انا به للسوزوكى و كذلك بشهد ملاك البيرسونا لها بالاعتماديه لذلك ارى ان الاثنين متساويتان فى الاعتماديه.
4 - ثم ياتى فى المقام الثانى من اهتمام كثير السفر وهذه نقطة فى منتهى الخطوره ولقد مررت بتجربة عصيبة الاسبوع الفايت واحمد الله و اثنى عليه ان نجانى منها و رحمنى انا و اهلى من عذاب توقف السياره على الصحراوى بسبب نفاذ الوقود. . . .. . .. وهنا تتفوق السياز بجداره واستحقاق كامل
5 - ياتى فى المقام الثالث من اهتمام كثير السفر الثبات (وذلك لان ثبات السياره يحتاجه من يسافرون على سرعات تتخطى السرعات القانوينه و احمد الله اننى لست منهم فانا اقود قيادة هاديه مطمنه). . . . . . . . وعند هذه النقطه فان البيرسونا نالت الكثير و الكثير من شهادات التقدير من ملاكها فى نفس الوقت الذى لم يشهد ملاك السياز لها بالثبات (حتى الان. . . . . ربما لاننا لم نجد المالك الذى جرب السفر بها على السرعات العاليه. . . او ربما لان السياره جديده والملاك فى مرحلو التليين الاوليه و يخشون السرعات العاليه فى هذه المرحله. . . . ... . مجرد استنتاجات و الله اعلى واعلم)
6 - اما بالحديث عن الفخامه و الاناقه و الرفاهيه و المحرك شبه الصامت حتى لا تسمعه ابداً و الكماليات التى تحيل السياره لمكان ممتع. . . . . . . فان السياز تتربع على عرش،التفوق.
هذا ما عندى لعله يفيدك
هداك الله لارشد امرك و اقومه
السلام عليكم و رحمة الله و بركاته
افادكم الله . شكرا على سرعة الرد
انا بستخير وابتديت اميل للسياز وربنا يقدم اللى فيه الخير