الموضوع: هنا تقرير الالف كيلو قريبا لسياره byd l3 قريبا

بسم الله الرحمن الرحيم

السلام عليكم ورحمة الله وبركاته

ان شاء الله تقرير بسيط للالف كيلو وعمليه اختيار السياره وعمليه الشراء
بدايه كنت ابحث عن سياره تكون وسائل الامان فيها كافيه ثم الكماليات تكون معقوله
واخيرا الشكل العام

بدات بالبحث عن طريق الانتر نت وطبعا عقلى كان بيقولى اشترى عربيه تكون لشركه جديده فى السوق
وتكون سمعه الشركه جيده ...مش لازم ماركه مشهوره لان المشهور بيبيع على حس سمعته
اما الجديد اكيد عايز يثبت جدارته فى الاسواق فاكيد هيهتم كتير جداااااا بكل كبيره وصغيره

كانت امامى الفيرنا والاسبرانزا وجيلى والبرليانس والافيو ولانسر واللوجان والنسيان والبى واى دى وغيرها ...

حقيقه بعد الدخول على المنتديات والفيس ...وايضا النزول على ارض الواقع فى المعارض الخاصه ببيع
العربيات ...عملت مقارنه مع نفسى وبعقلى وطبعا وصلت للبى واى دى ....وطبعا بعض الاخوه هنا
مثل الاخ ابو ياسمين ....والمهم قولت ياواد بدل الاف متاخد ال الا 3 اوتوماتيك
بالفعل استقريت على الال 3 اوتوماتيك بعد الحرب الشرسه على العربيه ...وده كان اول سبب وسبب رئيسى انى اعند واقرر انى اشترى البى واى دى ال 3 اوتو
بالفعل نزلت اتفرجت على المانيول لان هى الى كانت موجوده حجزت العربيه وكنت عايز لون كحلى ملوكى

للاسف حصل ماحصل وصبر اربعه اشهر حتى جائت اللحظه الحاسمه واستلمت العربيه يوم 13 مايو
قبل الاستلام باسبوع قررت انى اغير نوع العربيه لاكن بصراحه كل ما اشوف مواصافات اى عربيه اخرى
القى نغسى بقول لا ...بى واى دى افضل

حجزت مع المتحده وهو موزع للامل ....المهم مافيش فايده كل اسبوع يقولى الى بعده
لحد ماكلمت شركه الامل وجزاها الله خيرا الاخت ايناس والاخ محمد عبد العال ...
ولاكن مكنش موجود عير اللون الفيرانى ....قولت مش مهم فيرانى فيرانى لانه بالفعل كان اللون البديل
هو والموكا ...الى عجبنى الفيراتى لان لون الموكا مش
موكا ..لونه كده كاكاوى ...ههههههه

ماعلينا استلمت العربيه ومعاها كوريك ومفتاح عجل والمثلث ...ووصله الايه يو اكس ...اما الكارت بعد ما ارخص بالنسبه لى الحمد لله لا اهيب اى سياره لانى سائق من 30 سنه ومتعود على المانيوال والاوتوماتيك
على اول بنزينه وفولت دفعت 125 جنيه ....بدايه ماشاء الله العربيه ناعمه جدااا وكانا عامله 47 كيلو فقط
روحت من عند النادى الاهلى بمدينه نصر للهرم ...ولا يوجد ادنى مشكله غير ملحوظه سنه شمال
تانى يوم رخصت والحمد لله .....من ناحيه البنزين انا كنت دائما داخل البلد ماعدا مشوار واحد فقط
بعد ماوصلت لل 900 كيلو اخدته على مصر اسكندريه الصحراوى
ثبات ممتاز للعربيه قولت اشوف كده سرعه العربيه طبعا انا بسايس العربيه وليس قرص عليها
المهم لاقيت العربيه على 160 ك ولسه انا معملتش خاجه فضلت انزل بالسرعه الى ان وصلت لل 90
كانت مجرد تست فقط ولو كنت دوست اكتر اعتقد كان ممكن تجيب 180 او 200 ....ولاكن انا فى غنى عنهم
دخلت صيانه الالف وانا عامل 1030
وملاحيظى كانت كالاتى

1- حدفه بسيطه ناحيه الشمال اعتقد انه لايلاحظها غير سائق قديم
انا مثلا 30 سنه سواقه مانيوال واوتوماتيك من القرده الى الرولز رايز بالطلب
2- كيفيه غلق الكاسيت ( يعنى لابد وان يكون فيه زر لغلقه
3- بدال البنزين ليس فى مستوى بدال الفرامل
4- عند فتح النور الصغير ..يتسحب نور الكاسيت
5- فتحه السقف ( وتم اصلاحها سابقا
6- اضائه النور الاخضر والاخمر والبرتفالى اثناء استخدام المرشيدير غير موجود على الشاشه
7- نور ازرار الكاسيت غير مضيئه
8- سؤال عن صحه مفعول زيت ايزى العبوه الحمراء

اه نسيت بعد الاستلام تانى يوم فتحه السقف علقت اتصلت بالقطاميه اخدت ميعاد يوم السبت

وتم عمل اللازم ....
فى مركز الصيانه استقبال معقول وكويس ...وتم تسليم العربيه وصعدت فى الاستراحه
وبعد حوالى ساعه ونصف ...جاء المهندس محمد فاروق وقالى تعالى نجرب العربيه
طلعنا بره وجربنا العربيه ...وبصراحه الراجل قالى لو لاقيت الحدفه الشمال زى ماهى اعمل زوايا
بره ومافيش مشكله
بالنسبه لواحد موضوع قفل الكاسيت المهندس او الفنى الى استلم العربيه قالى هو كده بيقفل مع
قفل العربيه قولتله مش منطقى ومش مقتنع ...لاكن المهندس محمد فاروق قالى بيقفل ازاى
انك تضغط على زر تعليه او خفض الصوت لمده 3 ثانيه للقفل والفتح
بالنسبه لرقم 2 ...لايوجد مهندس غير مايقول ان البدال هو كده ولايمكن التعديل فيه
ياعم هو انا اول مره اركب اوتو يقولى لايوجد امكانيه التعديل فى بدال الفرامل او البنزين
بالنسبه لرقم 4 ...و رقم 6 الراجل المختص فى اجازه عند عمل صيانه ال 5 الف يبقى يشوفه
والبعض قال ده طبيعى
بالنسبه لرقم 7 تم اصلاحه عن طريق المهندس محمد فاروق

اما رقم 8 انا سالت المهندس محمد فاروق بعد ان وثقت فى شخصه على الزيت ايزى العبوه الحمراء
قالى كويس هيفيدك المهم عملته وهو الى حطه بنفسه فى العربيه دفعت للزيت ده بس حوالى 150 جنيه
+ 187 جنيه تغير زيت وفلتر لصيانه الالف
اما تربيط العفشه وزياده زيت الباكم والباور ومياه المساحه وغيره ...لم تكلفنى شىء لان صيانه الاف كده
بالمناسيه انا غيرت زيت موبيل ....وسالت فى التوكيل على موضع الزيت التخليقى كان الرد سيبك من كلام
المنتدبات او الفيس بوك ...لاكن لو عايز زيت تخليقى موجود موبيل برضه ممكن تغيره فى الصيانه الجايه
وانتهيت من الصيانه

ملحوظه
وانت داخل من على البوابه هيديلك مشمع وورق مطبوع عليهم الماركه واعتقد انه يخص الصيانه
لحمايه صالون العربيه من الاتساخ
ايضا حاولت ان اهدى لهم اى شىء رفضو تمام

انطباعى للسياره

اولا السياره طبعا التقفيل بتاعها طبعا مش ممتاز ....نعتبره جيد جدا مثلها مثل اى سياره متقفله فى مصر
بلنسبه للصالون بصراحه ممتاز واسعه الكنبه الخلفيه فعلا مرتاحه فى قاعدنها ويوجد مخدع بها
شكل العربيه من ناحيه المظهر طبعا كلكم عارفينه ممتاز
الجى بى اس هنج معايا مرتين ...اعمل ريستارت للجهاز وشغال بعدهل عادى
نكيف العربيه اكتر من رائع
حرق البنزين داخل وخارج مع المكيف حوالى 7 لتر وحته صغيره احياننا تصل ل 8 لتر لك 100 كيلو
السماعات رتئعه جدا صوت نقى فعلا
المفروض ان يوجد جهاز انظار بحلاف الايموبلايز معرفتش اوصله والمهندس قال هو مانع السرقه فقط
المهم حبيت اجرب موضوع انى اسيب العربيه دايره ومفتوحه وامشى المهم فعلا سيبتها وبعد تقريبا
30 ثانيه العربيه بطلت وجهاز النظار اشتغل وانوار العربيه وفجاه لاقيت العربيه بطلت واغلقت الابواب
لوحدها
ايضا بالنسبه للكاوتش عبيته نتروجين لاكن كل اسبوع القى المقاس مختلف
العربيه تم تجربه الفتيس اوتو ورياضى وعادى ولايوجد ادنى مشكله لافى تسقيف ولاتنتيشه ولا احساس
بالغيار كما اشيع ....ونقطه صغيره من نفس المهندس الخلوق قالى لما تدخل البلد اشتغل مانيوال افضل
ااحفاظ على الفتيس ...
اخيرا وبصراحه العربيه تستاهل اكتر من تمنها للاوبشن والمكاليات الى فيها
تلفيزيون دش شغال جى بى اس شغال راديو سى دى فلاش الوصله كله شغال
كل يوم عن يوم احس بنعومه اكتر فى الماتور احس ايضا بعفشه العربيه انها احسن
اخيرا طولت عليكم
تحياتى للجميع

بدال البنزين والفرامل حاجه مقلقه دى حياة ناس وممكن نغير العربيه بسببها

ألف مبروك أ خالد
أرجوا الله أن يعطيك خيرها
ولكن بعد أذنك سؤال؟
أنا تسلمت العربية byd l3 أوتوماتيك من أسبوعين ولى عليها بعض الملاحظات:
1- السيارة عندى سحبها بطئ جداً أى أنى عندما أدوس فرامل لتعدية مثلاً مطب وأحب أن أتسارع السيارة تنخنق والسحب يبقى قاتل مما كان سيتسبب لى فى مشاكل كبيرة خاصه على الطريق الدائرى مع وجود السيارة النقل
2- السيارة وصلت بها لسرعة 100 بالعفيه ولما حاولت أن أتخطاها لم تستحيب وأحسست بهوة عنيفة فى الدركسيون أخافتنى ولم أجازف.
3 عزم السيارة قاتل أنا لدى سيارة موديل 1977 أقل موتور 1300 cc ومع ذلك عزما أقوى منها هل هذا معقول.
أرجوا الافادة حيث أن سيادتك تقول أنك خبرة كيفية التسارع فى تلك السيارة؟
حيث أنى مكتئب جداً من هذا الموضوع وعزفت عن قيادة السيارة حيث أحسست أنها ليست السيارة التى كنت أتمنها وأنى أضعت مالي ولم يكن أختيارى صحيح.
برجاء الإفادة مع الشكر

مبروووووووك

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

أنا عضو جديد معاكم في القسم و ناوي اشتري ال l3 بإذن الله لما يدبر المبلغ

يأخواننا ليه مفيش حد رد على العضو المحترم في المشاركة دي

ياريت عمالقة القسم يردوا لو كان عندهم علم بالموضوع

أنا متابع الموضوع بشدة

المشاركة الأصلية كتبت بواسطة islamboshy

بصراحه انا سحبت فلوسي ورجعت في قرار الشرا...عشان اكتشفت ان العربية لم يوجد لها قطع غيار علي الاقل في التوكيل....والموجود بس حاجات مشتركة مع f3 مثل الاكصدام....وده انا عرفته مؤخرا...وللاسف رجعت للحيرة تاني

المشاركة الأصلية كتبت بواسطة ahmed mrzo

ألف مبروك أ خالد
أرجوا الله أن يعطيك خيرها
ولكن بعد أذنك سؤال؟
أنا تسلمت العربية byd l3 أوتوماتيك من أسبوعين ولى عليها بعض الملاحظات:
1- السيارة عندى سحبها بطئ جداً أى أنى عندما أدوس فرامل لتعدية مثلاً مطب وأحب أن أتسارع السيارة تنخنق والسحب يبقى قاتل مما كان سيتسبب لى فى مشاكل كبيرة خاصه على الطريق الدائرى مع وجود السيارة النقل
2- السيارة وصلت بها لسرعة 100 بالعفيه ولما حاولت أن أتخطاها لم تستحيب وأحسست بهوة عنيفة فى الدركسيون أخافتنى ولم أجازف.
3 عزم السيارة قاتل أنا لدى سيارة موديل 1977 أقل موتور 1300 cc ومع ذلك عزما أقوى منها هل هذا معقول.
أرجوا الافادة حيث أن سيادتك تقول أنك خبرة كيفية التسارع فى تلك السيارة؟
حيث أنى مكتئب جداً من هذا الموضوع وعزفت عن قيادة السيارة حيث أحسست أنها ليست السيارة التى كنت أتمنها وأنى أضعت مالي ولم يكن أختيارى صحيح.
برجاء الإفادة مع الشكر

و جزاكم الله خيرا