استفسار عن مياه ريداتير

**Mostafaa89** · 25-05-2015 12:06 AM

كنت في البنزينه اللي بعد مول العرب اتجاه اكتوبر ... المهم عامل المحطه قالي خدمه من البنزينه نبص علي الزيوت و نعمل تشيك ... تمام مفيش مشكله .. مياه الريداتير كانت فعلا مغيره و مكنتش غيرتها من زمان و مره زودتها بمياه عاديه ... فقولت اغيرها ...
غسل الريداتير .. و غيرها .. انا كنت اعرف مياه موبيل الخضرا اللي الجركن بحوالي 85 ... ف سألته قالي مش موجوده ... المهم بعد ما خلص ...

لقيته بيقولي الجركن ب 25 ج !!!! .... دا كان[جركن صغير نص لتر و كان مكتوب عليه بالظبط ( oil cooling leopard with antirust ) الفهد ... بقوله ازاي و مش ازاي ... قالي هو سعره كدا و اسأل في اي بنزينه مكنش في قدامي غير ان ادفع 250 ج لمياه ريداتير !!!

ياتري حد يعرف النوع دا .. و هل دا فعلا سعره ؟؟ و نوع كويس و لا تحت السلم .. و في فرق انه مكتوب oil ... , يعني هو بردو مياه و لا زيت ؟!!

و شكرا مقدما علي الرد :)

**Mostafaa89** · 25-05-2015 04:36 AM

اي يا جمااعه و لا رد كدا !!!!

**pepo2011** · 25-05-2015 11:01 AM

ياباشا اه ينفع طبعا بس سعرة مش كده طبعا انت استعجلت كنت سيبه وروح اشتري اي حاجة تاني او كنت زود مية مقطرة عموما حصل خير وسيبك من موضوع خدمة من المحطة مجانا مفيش حد بيعمل حاجة مجانا

**Mostafaa89** · 25-05-2015 07:30 PM

المشاركة الأصلية كتبت بواسطة pepo2011

ياباشا اه ينفع طبعا بس سعرة مش كده طبعا انت استعجلت كنت سيبه وروح اشتري اي حاجة تاني او كنت زود مية مقطرة عموما حصل خير وسيبك من موضوع خدمة من المحطة مجانا مفيش حد بيعمل حاجة مجانا

شكرا علي الرد اولا .... انا بس كنت عايز اعرف هو في زيت و في مياه .. و اي الفرق ,, يعني جركن موبيل مش مكتوب عليه oil

و لو الفرق كبير و النوع دا موجود بره انا اعرف اجيبه و ارجعه للبنزينه لأني انا مكنتش عايز ادقع و قولتله انل بجيب ال الجركن الكبير ب 80 ج ... ف هو لو حوار نصب .. عند بعند انا ممكن اشتريه من بره و ارجعه ... بس اعرف سعره