العربية بتسخن لما امشي بالراحة (اكسنت ار بي 2012)

لو سمحت انا النهاردة العربية اول مرة تسخن مني فجأة و انا ماشي و مكنتش ماشي بسرعة و لا حاجة لاني كنت بمشي في شارع جانبي جنب البيت على الضهر كدة المهم روحت و بطلتها و بالليل شغلتها و سيبتها لغاية ما تسخن خالص تبقى قبل النص و انا بصراحة مش عادتي انا في العادي بقعد دقيقة او اتنين بالكتير و بمشي لاني بمشي بالراحة في شوارع جانبية باخد حوالي 10 دقايق لما اطلع على طريق رئيسي
المهم المرة دي سيبتها تسخن لغاية العادي بتاعها قبل النص بشرطة و طلعت بيها لاحظت ان انا طول ما انا ماشي بالراحة العربية بتقعد شوية و بتجيب النص و ده مش طبيعي و لو كملت بتعلى لكن لما بمشي بسرعة نسبيا المؤشر بيبقى طبيعي اللي هو قبل النص بشرطة وجربت فعلا مشيتها على 60 و محصلش حاجة زودت لغاية 110 و محصلش حاجة بردو لكن لما مشيت هادي شوية اللي هو 20 او 10 العربية بتقعد شوية و بترفع و طبعا لو شغلت التكييف بترفع اسرع بس بصراحة مجربتش اشغل التكييف و انا ماشي بسرعة خوفت الصراحة

http://s23.postimg.org/it0vm7lbv/20150525_011108.jpg

بصفه عامه
السخونه على سرعه بسيطه بقى تراجع على سرعه المراوح و حالتها
اما اذا السخونه بتحصل على سرعه عاليه فقط .. يبقى تراجع على الرادياتير

نظف دوره الميه و حط مياه مبرده .. جس الرادياتير فى اكثر من مكان و يجب يكون كله فيه سخونه ( لا يوجد جزء بارد ) .. و اتأكد ان مروحه التكييف بتقوم مع التكييف و سرعتها مظبوطه .. و برده اتأكد من اتجاه الهوا اللى بتضخه المراوح ( ممكن يكون معكوس ) .. و لو الميه بتنقص بيط جدا يبقى راجع على رباط الخراطيم

موش عارف ليه حاسس ان دى مشكلة في حساس او المؤشر بيهيس

وايه اللى فى الصورة ده قميص المراوحة

لا العداد مش بيهيس لاني لقيت فعلا مية الرادياتير فاضية تماما بس مش لاقي اي خراطيم او مواسير مفكوكة على الرغم انا مغيرها من اسبوعين بس و المفروض انها بتقعد معايا بال30 الف كيلو
السؤال هل ممكن المية تفضى يدون ما يكون فيه تسريب يعني بسبب مشكلة تانية و انا بردو هدور تاني اذا كان فيه حاحة مخرومة او مفكوكة المهم حطيت ايدي على العيب بس يارب مايكونش عمل حاجة تاني لما سخنت

لا اللي في الصورة ملوش علاقة بالمروحة خالص ده انا لافيته مفكوك ناحية الرادياتير من برة و مش عارف بتاع ايه

امم كده الامر اختلف بس حضرتك راجعت على الرادياتير لان ممكن يكون التسريب منه طالما غيرت الخراطيم والوصلات وهل لما بتنزل بتلاقي اثار المياه الخضراء تحت العربية

لازم تشوف حل للمشكله بسرعه ومتمشيش بلعربيه خالص علشان تحافظ علي الموتور العربيه ممكن تضرب وش سلندر فخلي بالك كويس وشكرا

انا هحاول احط مية تاني عشان اشوف التسريب منين بس سؤال ممكن يكون غبي شوية هو انا ممكن احط مية عادية بس لغرض اشوف التسريب جاي منين

اقتباس:

---

المشاركة الأصلية كتبت بواسطة zeeka

انا هحاول احط مية تاني عشان اشوف التسريب منين بس سؤال ممكن يكون غبي شوية هو انا ممكن احط مية عادية بس لغرض اشوف التسريب جاي منين

---

بالعكس ..ده حضرتك لازم تحط مياه ملونة عشان تعرف التسريب جاي منين ..المياه الملونة وخصوصا الخضراء لما بتسرب هيبان مكان تسريبها ..إبقى إتأكد من ثرموستات الكوع بالمره

خد نصحتي عربيتك جديدة متبخلش عاليها حتي لو خلصت اكثر من جركن مياة خضراء عشان تحدد العيب فين

المياة مش مشكلة قد ما تعرف التسريب منين وممكن يكون من الفبرة ال فيها غطا الردادير بيكون فيها فى الجنب شرخ وانت مش واخد بالك منة بس المهم العربية لما بتسخن منك اكيد بتحس بالحركة انها تقيلة بالذات فى السحب فمن الاحسن انك تروح لورشة ريداتير وتحلة خالص وتجربة برة وبيعمل علىية الاختبارات الازمة ال حيطلعلك المشكلة فين ويا ريت متمسيش بالسيارة كدة علشان متجبش جوان ريح دماغك احسن

راجع على طلمبة المياة , طالما العربية وهية ماشية بترفع حرارة , واول لما بتمشى بترجع تانى

ودية بتكون اعراض طلمبة مياة

نقص المياة بص من ناحيتها هل فية اثار تسريب مياة

طيب معلش يا جماعة هو انا اليومين دول عندي امتحانات و مش عارف اقف مع صنايعية خالص هو انا لو حطتلها مية خضرا و مشيت بيها عادي و عملت احتياطاتي فيها مشكلة ووهي شكلها بتاخد كذا يوم عقبال ما المية نخلص ولا مروحش ييها اي مشاوير بعيدة من الاساس

ألمشكلة دى حصلت معايا فى الالنترا و طلع ترموستات الكوعة كان قافش و ماكنش بيفتح
اكشف عليه و برضو اكشف على حساس الحرارة

اقتباس:

---

المشاركة الأصلية كتبت بواسطة hacker5

ألمشكلة دى حصلت معايا فى الالنترا و طلع ترموستات الكوعة كان قافش و ماكنش بيفتح
اكشف عليه و برضو اكشف على حساس الحرارة

---

أنا قلت والله ثرموستات كوع ..بس هو برضه يدي الريداتير غسله

كأختبار سريع .. و العربيه بارده الصبح

يمسك الخرطوم الكاوتش قبل ثرموستات الكوع مباشره .. المفروض يكون بارد و الموتور بارد طبعا

مع الوقت الموتور حيسخن .. و المفروض يفتح ثرموستات الكوع .. يعنى نفس الخرطوم اللى كان بارد المفروض انه يسخن شويه .. كده تتأكد ان الثرموستات بيفتح ( لكن طبعا موش ضمان لان الثرموستات بيفتح فتح كامل على الاخر.. انما اختبار سريع يبين لو كان الثرموستات قافش مقفول 100% )