ارجوا النصيحة من المجربين .... انا بفكر اجيب النترا 2006 او 2007 الفرق مش كبير مابينهم عاوز اعرف ايهم افضل من حيث
1- الماتور
2- الثبات
3- حفاظها على السعر و اعادة البيع
شكرا
عرض للطباعة
ارجوا النصيحة من المجربين .... انا بفكر اجيب النترا 2006 او 2007 الفرق مش كبير مابينهم عاوز اعرف ايهم افضل من حيث
1- الماتور
2- الثبات
3- حفاظها على السعر و اعادة البيع
شكرا
ال 2006 الشكل القديم اما ال 2007 الشكل الجديد (قبل الاخير )
بس ال 2007 اول الشكل قبل الاخير التقفيل الكوري جميله وانضف من ال 2009 و ال 2010 اللي تكييفها تاتش وسير الكاتينه جنزير بس متحش بسوط فيها و علبه الدركسيون صاج مش بلستك انا لسه جايب واحدة اول امبارح جميله بمعني الكلمه ورحت كشفت عليها في التوكيل قبل ما اشتريها وقالولي العربيه جديده بسم الله ما شاء الله حاجة تانيه افضل النترا لحد دلوقتي 2007 الشكل الجديد التقفيل الكوريييييييي
اكيد 2007
مبروك virse عاملة معاك كام و مانوال ولا اوتو .....؟
طب كده ان الالنترا 2007 هى بس تقفيل كورى ومن 2008 ل 2011 تقفيل ايه؟؟؟ممكن الايضاح لوسمحت عشان ده كده كلام جديد وعاوز اعرف الفرق بينهم ولك جزيل الشكراقتباس:
المشاركة الأصلية كتبت بواسطة virse
كوري ظول عمرهااقتباس:
المشاركة الأصلية كتبت بواسطة samihanwar
عاوز نصيحتي وده رأي الشخصي
انا معايا النترا 2005 كامله أوتو تكييف تطش
عربيه بسم الله ما شاء الله
لسه مسافر بيها من قنا القاهره ومن القاهره إلى قنا والله أكبر جبت بيها 200 والعربيه فيها لسه تاني على الطريق
وإعادة بيع من غير ما أقول والي معاه العربيه دي يعرف معنى كلامي
العربيه ليها معايا أكثر من 4 سنوات مش عاوز اقلك أن في 5 أو 6 إلى الآن مربطيبن معايا لو بعت العربيه
ده غير كل ما تروح تغسل العربيه تروح تعمل حاجه في العربيه تلاقي اللي يقل مش ناوي تبيع يا كابتن
نصيحه لو العربيتين حالتهم كويسه وزي بعض دوس وخليك في 2006
انا كما افضل النترا 2006
العلم ألّي اتحط في الجيل الرابع من الإلنترا أجدد بكام سنة من العلم ألّي اتحط في الجيل التالت, مش عارف أزاي الناس بتنصح بعربية أقدم من عربية جديدة لنفس الموديل, الكلام دا مبيحصلش إلّا في مصر, أنا معايا إلنترا 2010, وأقدر أقولك أن الجيل الرابع مفيش فيه إلّا عيب واحد بس, هو أن الدركسيون خفيف خالص على السرعات العالية, لكن ممتاز جداً في السواقة الهادية جوا المدينة, ومقارنة بالعربيات ألّي أنا سقتها, العربية خفيفة عالسرعات العالية زيها زي منافساتها من نفس الفئة, لو عاوز تدور على ثبات وكلام من دا متدورش في العربيات التعبانة زي الكورولا والإلنترا والسيراتو واللانسر, وبالنسبة لقطع الغيار أسعار قطع غيار هيونداي رخيصة جداً بالنسبة لمنافساتها, وماكينة الإلنترا هي أحسن ماكينة في ماكينات الـ 1600cc , وسعر الإلنترا ماسك نفسه عشان العربيات التعبانة مرغوبة في بلدنا وليها دراويشها.
النترا 2007
شكل اشيك واوسع وشبابى اكتر وموتور اقوى وانعم واعادة البيع للاتنين جيدة جدا
مجرد استفسار
النترا 2010 .. 2011 تقفيل مصرى
ممكن مصدر المعلومه ديه
ﻷن اللى اعرفه ان النترا كورى وبس ولا هندى ولا مصرى
لو مكانك اختار 2007
الالنترا طول عمرها كورى
السلام عليكم ورحمة الله .
بص حضرتك انا اقتنيت كلا السيارتين فتره من الزمنو بكده اقدر بفضل الله اقولك تقييم حيادى و عملى لحد كبير .
اولا الموتور : النترا 2007 موتور احدث تكنولوجيا و كمان هورس باور اعلى
ثانيا الثبات : النترا 2006 تتفوق بشكل قاطع و غير قابل للجدال انا كل مشاويرى سفر كنت بامشى بيها 180 ومش حاسس بالسرعه اما الموديل 2007 فمشكلته ان الباور كهرباء بيخلى العربيه خفيفه جدااااااااا ع السرعات
اعادة البيع : الاتنين سعر إعادة بيعهم كويس لكن من وجهة نظرى 2006 هتكون أفضل علشان هى اخر موديل فى الشكل ده لكن 2007 المشترى هيحس ان فيه موديلات اعلى منها في نفس الشكل لحد 2011
الوسع الداخلى و اناقة التصميم : النترا 2007 تكسب
التكييف : 2007
العفشه : متقاربين جدا بس باحس أن عفشة 2007 انعم و مفيش إحساس بالمطبات
طبعاً حضرتك لازم تبقى عارف ان فيه فرق سعر بين الاتنين مش اقل من 5000 جنيه
نصيحتي لو بتسافر كتير و بتحب الجرى يبقى خليك في 2006
لو غير كده يبقى 2007
و طبعا الفيصل الاهم هو الحاله العامه للسياره بعد الكشف الدقيق بواسطة متخصص
اتمنى اكون افدتك ان شاء الله
ال٢٠٠٦ كانت بتنزل gls فيها تكييف ديجيتال تاتش وباركنج سنسور وسي دي تشانجر ومسند يد امامي خلفي وجراب نضارة
صيانتها سهله جدا قطع غياراها ماليه الدنيا واسعارها معقوله جدا
بس عربيتي عمرها ما وصلت ال٢٠٠ اخرها كان ١٨٠ بس متحسش بيهم بصراحه
اهم حاجه اتاكد ان قواعد الموتور سليمة
ال٢٠١١ فوجئت كنت حاجيب واحده لقيتها مفيهاش مسند يد امامي وطلع ان فيها فئات بس اعتقد ان في فئه كان فيها abs والباور كهربا اعتقد انه امن لانه المفروض انه بيتقأل علي السرعات
بس العربيتين فيهم مشكله لو انتا بتجري وبتعمل مناوره انا لحد ما بيعت العربيه معرفتش احلها
ظهر العربيه بيعوم بشكل مش طبيعي في المناورات ومرتين عملت معايا الموضوع ده لدرجه ان في مره طلعت الرصيف بضهري بعد ما لفت كتيير معرفش ده عيب في تصميم العفشه الخلفيه ولا من ايه بس كنت ناوي اغيرلها المساعدين بمساعدين غاز واغير السوست بسوست انشف واركبلها stablization bar
بص يا باشا السيارتين محترمين جدا الصراحة والاخوة الاعضاء افادوك بس لازم تعرف ان المقارنة بين السيارتين قريبة جدااا مش هتلاقي اجابة صريحة لان واحدة منهم مميزات وعيوب ...
استخير وربنا يسرلك الحال ويباركلك فيها ويديلك خيرها ويكفيك شرها
مش عارف اذا كانت النقطه ديه هاتفرق معاك فى حاجه ولا ﻷ
النترا cdx مستعمله فى امريكا بتتياع ب 1500 دولار
النترا hd مستعمله بتتباع ب 5000 دولار
يبقى فى رأيك انهى الاحسن