مطلوب a620
اتوماتيك فابريكا بدون رش
فتحه سقف
عرض للطباعة
مطلوب a620
اتوماتيك فابريكا بدون رش
فتحه سقف
انا د احمد الغنام من المنوفية معى a620 فابريكة خالى فى القاهرة كان المالك الاول لها واخذتها منة منذ عام عاملة 20 الف كيلو وهية دلوقتى عاملة 40 الف كيلو سمراء فابريكة بالكامل ما عدا الاكصدامين رشين نظافة السيارة ما شاء اللة عليها وخالى عاملها كسوة من يوم ما استلمها 2010 كل الصيانة فى توكيل ابو رواش ومعى جميع الاوراق حتى التيل بركبة هناك مع انة غالى جدا وزيت موبل وان 10000 كم والان شل 10000 5w على 40 تكييف تلاجة العربية مريحانى جدا جدا جدا فى كل حاجة ما عدا ان كرسى السواق واطى وتاعبنى جدا لانى مركب مفصل صناعى فى الفخد ومع كثرة السفر لاحظت هذة النقطة ونصحنى الطبيب بسيارة كرسيها عالى مثل الكارينز انا سجلت السيارة باسمى بعد ما اشترتها من خالى وهى الان باسمى لانى ما كنتش ناوى افرط فيها خالص بالنسبة للثمن اقسم باللة انى كنت واخدها منة ب 80 الف وما رضيش ينزل شلن وانا الان عارضها على 72 الف وانا تحت امرك لو تلزم حضرتك واسف للتطويل على سيادتكم
شكرا على ردك على يا د احمد بس انا اسف انى نسيت اكتب الموديل اللى بدور عليه او المبلغ المتاح للشراء
انا بدور على واحده فى حدود الخمسينات يعنى 2007/2008
اسف مره تانيه دى غلطتى انا
بس لو تسمح تفيدنى فى العربيه وتقولى رايك فى الاختيار ده 620 اسيرانزا
ممكن تكلمنى على 01000338111
انا من ملاك ال 620 من اقل من عام ( ماشيه 12 الف بس )
هى فئه واحده فقط .. و فيها فتحه سقف
مريحه جدا فى الركوب و الكماليات و التكييف .. و ثابته على السرعات .. العفشه كويسه و ناعمه نسبيا بالمقارنه مع باقى الاسبرانزا .. بس ناشفه شويه صغيره ( موش زى عفشه ال 516 الناشفه .. او التيجو المانيوال )
استهلاك البنزين عالى معايا .. فيه ناس كتير بتقول ممكن من 160 الى 180 جوه البلد .. انا عندى 130 فقط جوه البلد بدون تكييف و موش عارف ايه السبب برغم عمل صيانات كامله
و فيه ناس بتشتكى من عيب سخونه فى ال 620 .. عموما وجهه نظرى ان الصينى الافضل الواحد يركبه جديد لحد 70 او 80 الف بالكتير و يبيع قبل المشاكل الكبيره
و طبعا ككل الصينى بصفه عامه .. اختبارات الامان هى بين 3 و 4 نجوم
فيه موضوع كبير عن ال 620 فى المنتدى
و ده الرابط
كل شئ عن 620