السلام عليكم
انا عملت موضوع قبل كده بخصوص الشغل لمن لديه لغه انجليزيه قويه....الحقيقه زوجتي زهقت من القعده فى البيت وقررت تشتغل....خبرتها فى مجال التدريس لغه انجليزيه ومتمكنه منه جدا والحمد لله ... وكانت بتدي كورسات فى معاهد معتمده دوليا بره مصر مش فاكر اسمها ومعاها شهاده خبره
لما فكرنا ندور على شغل كلمنا مدارس انترناشونال...وكان الجواب (احنا يافندم مش بناخد غير مدرسين اجانب وجنسيات بريطانيه فقط) مش فاهم ايه الفكره...طب مش مهم عندكم الكفائه يعنى !!! ولا يمكن الموضوع عايز واسطه
كلمنا معظم المعاهد اللى بتدي كورسات انجليش ولغات وزورنا كذا واحد للاسف حجات مرتباتها وحشه وتحت السلم واي كلام وفي شقق كده مطمنش وما اكثرهم فى مصر...بقي الموضوع اي واحد يعملك كشك يقلك كورسات تقويه
وطبعا المدارس الحكومة لا تعليق عليها
فاحترنا بصراحة
هي زوجتي قررت انها تاخد كورس اسمه سيلتا ...انا مش بفهم فى الشهادات دي بصراحه بس يقال انها معتمده دوليا وشهاده قويه جدا فى مجال التدريس والله اعلم ودي سعرها 14 الف ...وممكن كمان متتقبلش فيها.لان بيكون قبلها اختبارات عشان تتقبل. طب هل فعلا مهمه...الله اعلم!
...معلش طولت عليكما بس كنت عايز اعرف ايه الاماكن اللى نقدر نقدم فيها وتكون كويسه...لو فيه لينكات او ارقام تليفونات اكون شاكر جدا
المفضلات