| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 34 1 2 3 4 5 6 11 ... الأخيرةالأخيرة
النتائج 1 إلى 10 من 334

  1. #1

    الصورة الرمزية sherif_habeb

    رقم العضوية : 22267

    تاريخ التسجيل : 15Oct2008

    المشاركات : 271

    النوع : ذكر

    الاقامة : alexandria

    السيارة: هيونداى ماتريكس

    السيارة[2]: 127fiat

    دراجة بخارية: no

    الحالة : sherif_habeb غير متواجد حالياً

    Thumbs up قائمه بالمواتير الشائع تسقيطها فى السيارات ((((منقول)))) - Facebook Twitter whatsapp انشر الموضوع فى :

    المره دي حبيت أعرف الناس على أغلب المواتير و المواتير الشائعه اوي انها تتسقط و الموضوع حيبقى إني حكتب أسم العربيه و تحتها المواتير إلي ينفع تركب عليها


    فيات

    فيات 125

    دي بيركب عليها موتور البولونيز و مفيش حاجه بتحتاج تتغير في عمليه التسقيط.



    فيات 127


    دي ليها كذا موتور يسقط عليها, أولهم موتور 1050 ألماني و ده فيه منه إتنين, واحد عادي بيدي 50 حصان بس و التاني إسبور. الإسبور أشد و بيعمل 70 حصان. بس الموتور ده قديم و مش محبذ.

    فيه موتور لانشيا 1300 سي سي و ده معقول جدا على العربيه و بيركب على العربيه بكل سهوله, بعكس ال 1600 اللانشيا برضه فهو بيركب بس الحوض ضيق قوي فبيخلي التعامل مع العربيه في التصليح مقرف. و برضه الموتور ال 1500 ريجاتا بيركب.

    أشد موتور لل 127

    أكيد طبعا الأونو التربو ال 1300 سي سي أو ال 1400. الموتورين دول جامدين جدا, بس عايز انك تبقى فاهم انت بتعمل ايه علشان متركبش عربيه زي دي و أنت مش عارف ايه إلي أنت راكبه ده, لإن المواتير التربو محتاجه شويه خبره و متابعه و الموتور ده مش منتشر أوي.

    المواتير دي كلها قبل ما تسقط لازم يتعمل تقويات للشاسيه بإستثناء الموتور ال 1050 العاده




    فيات 128
    برضه هي هي نفس مواتير ال 127 بتركب عليها, بس عيوبها ان الشاسيه مش قوي و عايز تقويات كتير و برضه بيتشرخ في الآخر.





    فورد
    العربيه دي أحسن حاجه فيها ان مواتيرها شديده و بتستحمل الشغل الكتير و الحرق عليها.

    فورد فييستا موديل 96-97

    العربيه دي بتنزل بموتور 1100 كاربيراتير, الموتور ده عيوبه صوت التاكيهات العالي و 1100 يعني مش بتاع جري و مشاوير كتيره و بهدله.

    أفضل موتور ليها هو موتور الإسكورت ال 1600 زيتيك, ده إنجكشن و يعتبر أفضل موتور ليها بس محتاج تعديل في طرمبه الباور. و لو جبته موتور الفييستا مباشره مش حيحتاج تعديل في حاجه.

    في موتور تاني أشد و هو ال 1800 و ده فيه منه نوعين واحد بيعمل 105 حصان و التاني 130 حصان, ال 130 حصان مش متوفر أوي في مصر, و أصلا الموتور ده قطع غياره نادره حبتين ف الأفضل الموتور ال 1600.

    آخر موتور هو المونديو 2000 سي سي. هو حيركب بس محتاج تعديل في حاجات كتير فملوش لزمه.


    فييستا موديل 98-99

    العربيه دي بتنزل بموتور 1300 إنجكشن, موتور معقول عليها و كويس مش وحش.

    الموتور الوحيد إلي ينفع يركب على العربيه دي هو موتور فورد بوما 1700 سي سي.


    إسكورت

    دي بقى شغلانه, لإنها بتنزل بموتور 1300 كاربيراتير أو 1600 كاربيراتير أو ال 1600 زيتيك.

    التسقيط على أول موديلين مكلف لإنهم كاربيراتير و حتغير حاجات كتير. و أفضل موتور ليها هو ال 1800 أو ال 2000 الزيتيك.


    مونديو

    دي ملهاش غير موتور واحد بس يسقط عليها و هو موتور جبار بصراحه, الموتور ده 2500 سي سي 6 سليندر. بيعمل 170 حصان و فيه الأحدث منه بيعمل 200 حصان.



    سيات
    أشهر عربيه في السيات هي الإبيزا, العربيه دي بتنزل بموتور 1000 أو 1300. و ليها موتورين يسقطوا عليها

    واحد 1600 و ده كويس بس أنا مرشحوش لحد علشان طالما ناوي أصرف طيب ما أجيب ال 2000 سي سي أحسن و ال 2000 سي سي بيسقط على الإبيزا عادي و بيحتاج شويه تعديل بسيط. بس الموتور يستاهل. و بيدي 150 حصان.



    هوندا


    طبعا عربيه غنيه عن التعريف و أنا حتكلم عن السيفيك بس موديل من 92-94.. العربيه دي بتنزل بموتور 1500 كاربيراتير و 1600 إنجكشن كامه واحده و 1600 إنجكشن كامتين.

    العربيه إلي بتنزل بالموتور ال 1600 الكامتين دي مش محتاج تسقط عليها حاجه لإن الموتور شديد و بيدي 170 حصان, الموتور ده VTEC. العربيات التانيه بيسقط عليها الموتور ال 1600 ده و اسمه SIR و ده أشهر أنواع المواتير إلي بتركب على السيفيك و أحسنهم.



    بي إم دبليو
    مش حتكلم عن الشارك و حبدأ كلامي علطول من الموديل إلي بعدها لإني مش بحبذ حد يصرف على الشارك لسببين, انها موديل قديم جدا, ثانيا ان قطع غيارها قليله.



    بي إم E30 82-90
    العربيه دي بتنزل بموتور 1600, 1800, 2000, 2500.

    إلي عنده الموتور ال 2500 إلا حد ما مش محتاج يسقط موتور تاني, بس الموتور بتاع الدبانه ال 2500 أقوى منه بكتير و ده بيتقال عليه 25 أسود و بتاع ال E30 بيتقال عليه 25 أبيض. ال 25 الأبيض بيدي 170 حصان و الأسود بيدي 190 حصان.

    المتور ال 25 الأسود فيه منه موديلين, واحد ب حاجه إسمها VANOS و التاني من غير, إلي منغير ده القديم و ده موديل 92, ال VANOS من موديل 93.



    بي إم الدبانه موديل 92-98
    لو أنت أقل من 2500 سي سي يبقى ألإضل شىء هو ال 25 الأسود أو ال 2800 و ال 2800 بيدي نفس قوة الحصنه 190 حصان بس بيرفق في العزم بس. لو أنت 4 سليندر حتغير الكورونه و عمود الكردان, ممكن تفضل بيهم و العربيه حتلاقيها حاميه على السرعات البطيئه و تجميعها سريع بس حتفقد السرعه دي على أر بي إم عالي و حتستهلك بنزين أعلى و حتنقل كتير. و السرعه القصوى حتقل جامد.

    الموتور ال 2800 VANOS برضه. عيوب ال VANOS ان ليه صوت مقرف حبتين و بيتتاكل بسرعه و الصوت بيعلى أكتر و الصوت ده أشبه بعربيه ديزل, بالرغم ان الصوت مقرف فعلا إلا ان ده مش معناه ان الVANOS باظ.


    تقبلوا تحياتى شريف

    تم تعديل لون المداخلة, اللون الاحمر مخصص للادارة فقط

    يرجى مراجعة قوانين المنتدى

    مشرف القسم



    ====================

    تحذير للعضو لمخالفتة القاعدة رقم 2

    مشرف القسم


  2. #2

    الصورة الرمزية ehabbasha30

    رقم العضوية : 17535

    تاريخ التسجيل : 30Aug2008

    المشاركات : 1,584

    النوع : ذكر

    الاقامة : mansurah

    السيارة: بدور

    السيارة[2]: كتير اوى - ولسة ان شاء الله

    الحالة : ehabbasha30 غير متواجد حالياً

    افتراضي -

    استاذ والله
    معلومات غنية ووافية
    كمل جميلك بقى وياريت تحط الاسعار كمان
    انا اللى يهمنى اسعار البى ام اللى عندى مو 90
    ولو تعرف اسعار الكراسى الرفيعة بتاعت السيارات السباق يبقى كتر خيرك
    وياسلام لو تعرف حد بيبيع تابلوة ديجيتال لعربيتى
    انا من المنصورة يعنى بورسعيد و القاهرة نفس المسافة تفريبا
    جزاكم الله خير


  3. #3

    الصورة الرمزية classboy

    رقم العضوية : 4103

    تاريخ التسجيل : 12Jan2008

    المشاركات : 333

    النوع : ذكر

    الاقامة : MaNsouRa

    السيارة: DaeWoo LaNoS 2003 TuNiNG

    السيارة[2]: fiat 128 TuNNing 78 1300cc

    دراجة بخارية: no

    الحالة : classboy غير متواجد حالياً

    افتراضي -

    تمام ياباشا

    الموضع جامد شكرا علي المعلومات


  4. #4

    الصورة الرمزية محمد جلال

    رقم العضوية : 23774

    تاريخ التسجيل : 31Oct2008

    المشاركات : 641

    النوع : ذكر

    الاقامة : السويس

    السيارة: Peugeot 208 2014

    السيارة[2]: renault logan auto 2013

    دراجة بخارية: لا يوجد

    الحالة : محمد جلال غير متواجد حالياً

    افتراضي -

    اسلوبك فى سرد الموضوع بيدل على انك فاهم الله ينور عليك بس ممكن تقولى ايه المحرك اللى يركب على لادا 2105 وبكام واجيبه منين وفى المرور ميقولوش حاجة ولك الف شكر .





    tamergalal سابقا


  5. #5

    الصورة الرمزية faragalla

    رقم العضوية : 19138

    تاريخ التسجيل : 16Sep2008

    المشاركات : 166

    النوع : ذكر

    الاقامة : الاسكندريه

    السيارة: A620

    السيارة[2]: skoda fabia

    الحالة : faragalla غير متواجد حالياً

    افتراضي -

    موضوع جميل فعلا
    بس كنت عايز اسال على الاسكودا الفابيا انا معايا موتورها 1000 و ده ضعيف عليها فممكن اسقط لها موتور ايه بحيث انى معدلش كتير
    وكمان اجرات المرور سهله و لا متعبه


  6. #6

    الصورة الرمزية waled369

    رقم العضوية : 12588

    تاريخ التسجيل : 09Jun2008

    المشاركات : 1,014

    النوع : ذكر

    الاقامة : Al-Mansoura / Kuwait

    السيارة: Mercedes

    السيارة[2]: Honda

    الحالة : waled369 غير متواجد حالياً

    افتراضي -

    شكرا لك ع المعلومات دي

    عندي سؤال يا ريت تجاوبني عليه .

    ايه أنسب موتور يتسقط في تويوتا كرولا 1997 بس يكون بيدي هورس باور عالي جدا .

    و شكرا لك


  7. #7

    الصورة الرمزية ASSASSIN

    رقم العضوية : 8078

    تاريخ التسجيل : 28Mar2008

    المشاركات : 498

    النوع : ذكر

    الاقامة : Sheikh Zayed

    السيارة: Hyundai

    السيارة[2]: NubiraII--------SOLD

    دراجة بخارية: I Hope

    الحالة : ASSASSIN غير متواجد حالياً

    افتراضي -

    Ma sha2 ALLAH motshakren ya 3amoona


  8. #8

    الصورة الرمزية shankosi

    رقم العضوية : 11879

    تاريخ التسجيل : 30May2008

    المشاركات : 542

    النوع : ذكر

    الاقامة : Alexandia

    السيارة: Toyota Yaris 2008

    السيارة[2]: Matiz 99

    الحالة : shankosi غير متواجد حالياً

    افتراضي -

    لو سمحت عايز اعرف دايو ماتيز 800 سي سي ممكن يتسقط عليها مواتير ايه ؟؟

    وكمان أوبل أسترا
    وكمان فيات تمبرا
    وكمان فورد كا

    مع التحية على المعلومات الغنية بس يا ريت لو كنت تقولنا كما نالأسعار كمان في المتوسط بتكون كام عشان الواحد يعرف يحط ميزانية للتعديل.


  9. #9

    الصورة الرمزية hotboja

    رقم العضوية : 16457

    تاريخ التسجيل : 15Aug2008

    المشاركات : 611

    النوع : ذكر

    الاقامة : giza

    السيارة: opel V 1994

    السيارة[2]: vw

    الحالة : hotboja غير متواجد حالياً

    افتراضي -

    جامد جامد الموضوع

    شكرا ليك على المعلومات

    بي إم الدبانه شكلة اية ؟؟؟




  10. #10

    الصورة الرمزية mramzy

    رقم العضوية : 15875

    تاريخ التسجيل : 06Aug2008

    المشاركات : 1,196

    النوع : ذكر

    الاقامة : cairo - helipoiles

    السيارة: noune

    السيارة[2]: اسبرانزا 516

    الحالة : mramzy غير متواجد حالياً

    افتراضي -

    انا معايا 127 توب ,اسقطلها ال 1300 الانشيا ولا هيشرخ الشاسيه؟؟ و بكام تقريبا لو سمحت؟



 
صفحة 1 من 34 1 2 3 4 5 6 11 ... الأخيرةالأخيرة

المواضيع المتشابهه

  1. المواتير الشائع تسقيطها للسيات ابيزا
    بواسطة Mohamed.Ramah في المنتدى ســـيات
    مشاركات: 6
    آخر مشاركة: 27-07-2015, 02:33 PM
  2. مشاركات: 21
    آخر مشاركة: 21-02-2011, 03:23 AM
  3. مشاركات: 0
    آخر مشاركة: 04-07-2010, 11:03 AM
  4. قيمة السيارات الحقيقيه (منقول)
    بواسطة JAM في المنتدى المنتــــــدى العـــــــــــام للسيــارات
    مشاركات: 8
    آخر مشاركة: 26-05-2009, 10:35 PM
  5. نصائح لقائدي السيارات (منقول)
    بواسطة ASD peugeot في المنتدى القــــسم التعلــــيمى
    مشاركات: 14
    آخر مشاركة: 17-04-2008, 03:29 AM

الكلمات الدلالية لهذا الموضوع

عرض سحابة الكلمة الدلالية

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2