بقيت تيداوي والحمد لله... شوية استفسارات ع السريع
الحمد لله بعد طول بحث ربنا رزقني بعربية تيدا هاتشباك موديل 2007، وكان ليا بعض الاستفسارات السريعة من الإخوة في القسم:
1 - صاحبها كان جايب جلبتين للمقصين اللي قدام، فهل أي ميكانيكي يغيرهم ولا لازم حد متخصص؟
2 - مكتوب على التنك من جوة بنزين 95، فهل ده كلام هجص و92 يمشي عادي ولا ايه الحكاية؟ (لأن أكيد من ساعة ما نزلت مصر محدش حطلها 95 أساسا)
3 - فراملها ممتازة (بما إني كان معايا قبلها 128 اتعلمت عليها السواقة :grin02: )، لما لما بادوس جامد شوية بحس بصوت من عند الفرامل كده زي ما تكون حاجة محشورة فيها، فده معناه ايه؟
4 - هل أي حد يشتغل فيها ولا لازم مركز متخصص؟ وايه هي أشهر مراكز أو المتخصصين في التيدا في الجيزة (أنا من الهرم)؟
وشكرا مقدما على سعة صدركم
