في المخالفات واسطه وكمان في الطفايه واسطه .. كوسه كوسه يعني

السلام عليكم
----
بعد ما روحت جبت شهاده المخالفات من عشر ايام تقريبا ((بالواسطة))
مازالت وستزال .. الواسطه هي الحل
وطلعت عملت شغل في الموتور خلى العربيه جديده
وقولت اتوكل علي الله واخلص الرخصه
طلعت امبارح ع المرور اجيب اورنيك فحص
وسألت الموظف في ورق تاني مطلوب في الفحص (طبعا عشام الموظفيين مش طايقيين حد يتكلم معايا قالي لا )
وانهارده صحيت الساعه 6 ونص ونزلت اروح اقف في الطابور من بدري عشان اخلص والحق شغلي
روحت سألت الجماعه اللى واقفيين ايه الورق .. الصدمه قالولي لزم اورنيك الطفايه ..
سيبت العربيه وطلعت ع هناك واتبعهدلت في الشمس عشان البيه الموظف ..
المهم .. رجعت عملت الفحص والصول بيشوف الطفايه قالي دي منتهيه ..
وهات واحده ب 125 ج من جنبي !!
والراجل اللى بيبع لما صدق .. طبعا استغلال في استغلال
وقفت شويه لقيت ناس كتير تروح تمضي من الضابط انه يعدي الموضوع وكل واحد جايب واسطه معاه !
قولت هي كده كده كوسه مطبوخه ولازم الواحد يستطعم طعم الكوسه احسن ما يتعك في حوسه
كلمت والدي (عميد سابق في المخابرات الحربيه) ومكنتش عايزة يجي ولا حتي استعنت بيه في المخالفات لاني فعلا مبحبش الاسلوب ده والله ((بس لو ظلم يبقي ع الكل بقي مش معني انا اللى اشتري ))
صحي من النوم وجالي .. وبكلمه واحده الطفايه بقت حلوة وجميله ويعيني علي الناس الغلابه اللى عمالين يشتروا والراجل مهيص بيع واستغلال مواقف .
الحمد لله في النهايه خلصت كل حاجه واستلمتها 3 سنين .. بس فعلا يوم مقرف وموظفيين عايزين نظام صحي ورياضه لاحسن ايديهم بتتحرك بالعافيه !!

وفي طريقه تانيه غير الكوسه اسمها رشا بتاعت فيلم عسل اسود
تدي الراجل بتاع الفحص 10 جنيه رشا يحلفلك علي الورقه ان الطفايه مش منتهيه و حلوه و جميله
الروتين و الرشوه و الكوسه و المحسوبيه اصبحوا واقع صعب تغييره للأسف
ربنا يرحمنا

هى الطفاية معاك من سنة كام ؟

اقتباس:

---

المشاركة الأصلية كتبت بواسطة A.Saad

هى الطفاية معاك من سنة كام ؟

---

1998 :E_braces[1]:

هو دة حال البلد ولا اعتقد انة هيتغير

واضح ان المشكله الكبيره في البلد مكنتش في الرئيس .. كانت في الموظفيين اللى ماسكين البلد فعلا لان بلدنا عقيمه كلها موظفين وورق في ورق وكل العالم بقي كمبيوتر !

اقتباس:

---

المشاركة الأصلية كتبت بواسطة a3sar

واضح ان المشكله الكبيره في البلد مكنتش في الرئيس .. كانت في الموظفيين اللى ماسكين البلد فعلا لان بلدنا عقيمه كلها موظفين وورق في ورق وكل العالم بقي كمبيوتر !

---

الرئيس الترس الكبير..والموظف الصغير ده أصغر ترس في المنظومة ..فيه في النص بقى مجموعة تروس ..التروس دي كلها بتلف مع بعضها ..عشان تحقق في الاخر منظومة فساد ورشوه متكاملة ..فقط في بلاد الشيتلاند ...الرشوه لها نظام يحميها

اقتباس:

---

المشاركة الأصلية كتبت بواسطة abo_mazen

الرئيس الترس الكبير..والموظف الصغير ده أصغر ترس في المنظومة ..فيه في النص بقى مجموعة تروس ..التروس دي كلها بتلف مع بعضها ..عشان تحقق في الاخر منظومة فساد ورشوه متكاملة ..فقط في بلاد الشيتلاند ...الرشوه لها نظام يحميها

---

انا واخد الرخصه امبارح ولسه ادامي تلت سنين وكام يوم عشان اجددها تاني
والله قلقان من اليوم ده لو ليا عمر .. عشان النظام العقيم ده وقله الضمير وقله الادب كمان

اقتباس:

---

المشاركة الأصلية كتبت بواسطة a3sar

انا واخد الرخصه امبارح ولسه ادامي تلت سنين وكام يوم عشان اجددها تاني
والله قلقان من اليوم ده لو ليا عمر .. عشان النظام العقيم ده وقله الضمير وقله الادب كمان

---

يدينا ويديك طولة العمر

حضرتك عملت زى اغلب الشعب ما بيعمل اما بيتزنق بيشوف واسطة هيا البلد كلها ماشية كدا لو حضرتك مكنتش بتحب كدا كان فى داهية الفلوس كل الناس بتقول البلد فيها رشوة وفيها فساد وفيها الى فيها وفى الاخر اما تقولة طب ماتبدأ بنفسك يقولك انا اخر واحد لو اتصلحت اتصلح طب متبدأ اى حاجة بتبتدى بخطوة بطوبة بس حالك كحال اغلب الناس انت غلطان والموظف الى بيدفع واحد وبيسيب واحد عشان هو مين او يعرف مين غلطان والى بياخد فلوس غلطان .
فى النهاية لو مفيش حد عايز يبدأ بنفسة هتنضف ازاى حضرتك بتتكلم على الموظف هو الموظف دا جاى من بلد تانية اعارة دا من مصر وفى الاخر دا نتاج مجتمع كلنا منة يعنى مش هو السبب فى كل شئ وكلنا لينا اب او ام او اخ موظف يعنى مش العيب منهم بس العيب منى ومنك ومن كل الناس الى عايزة تكون اخر واحد يبقى صالح كلنا عايزين نكون الاخر ميبن هيكون الاول

طيب انت لقيت حد ينقذك فى الموقف ده
فى باقى المواقف هتلاقى مين ؟
طيب غيرك اكتر واحد يعرفه و فخور بيه ممكن يكون سواق تاكسى طيب ده يجيب مين يتوسطله ؟
على فكرة انت مش غلطان و اى حد مكانك كان هيعمل كدة
بس دى بلد مهما تتنقع فى مساحيق غسيل هتفضل زى ماهيا
انضف حاجه فيها بقعه تقيله اوى تحتها بالظبط الضمير الى قلبه وقف و اتدفن و اتحلل و مبقاش حد بيفتكره سواء بالخير او بالشر يمكن الناس نسيت اسمه لانه من قديم الازل مكانش له اثر و محدش حس بيه

اقتباس:

---

المشاركة الأصلية كتبت بواسطة hady312000

حضرتك عملت زى اغلب الشعب ما بيعمل اما بيتزنق بيشوف واسطة هيا البلد كلها ماشية كدا لو حضرتك مكنتش بتحب كدا كان فى داهية الفلوس كل الناس بتقول البلد فيها رشوة وفيها فساد وفيها الى فيها وفى الاخر اما تقولة طب ماتبدأ بنفسك يقولك انا اخر واحد لو اتصلحت اتصلح طب متبدأ اى حاجة بتبتدى بخطوة بطوبة بس حالك كحال اغلب الناس انت غلطان والموظف الى بيدفع واحد وبيسيب واحد عشان هو مين او يعرف مين غلطان والى بياخد فلوس غلطان .
فى النهاية لو مفيش حد عايز يبدأ بنفسة هتنضف ازاى حضرتك بتتكلم على الموظف هو الموظف دا جاى من بلد تانية اعارة دا من مصر وفى الاخر دا نتاج مجتمع كلنا منة يعنى مش هو السبب فى كل شئ وكلنا لينا اب او ام او اخ موظف يعنى مش العيب منهم بس العيب منى ومنك ومن كل الناس الى عايزة تكون اخر واحد يبقى صالح كلنا عايزين نكون الاخر ميبن هيكون الاول

---

انا محبتش ابقي ضحية او مجني عليه لو كل الناس كانت بتدفع كنت دفعت لكن ابدء بنفسي ده هيغير ايه يعنى الغلبان اللي دفع مستريح دلوقتي وبيقول الحمد لله انا بدات بنفسي ! انا كمواطن مش ملزم انى احاسب نفسي على انقاذ نفسي من هوجة المحسوبية لازم الدولة يبقي ليها نظام ومحاسبة الفاسدين من اى مقصر من العاملين مش من المواطنين وع فكرة انا لو معتمد ع والدى كنت خدتة معايا في كل صغيرة وكبيرة بس اتضحلى انى لوحدى غلبان زى اى مواطن وبحس انى مكسور ومعاملة سيئة جدا .. ياريت كنت بلاقي معاملة إنسانية من غير واسطة

اقتباس:

---

المشاركة الأصلية كتبت بواسطة egyarmy

طيب انت لقيت حد ينقذك فى الموقف ده
فى باقى المواقف هتلاقى مين ؟
طيب غيرك اكتر واحد يعرفه و فخور بيه ممكن يكون سواق تاكسى طيب ده يجيب مين يتوسطله ؟
على فكرة انت مش غلطان و اى حد مكانك كان هيعمل كدة
بس دى بلد مهما تتنقع فى مساحيق غسيل هتفضل زى ماهيا
انضف حاجه فيها بقعه تقيله اوى تحتها بالظبط الضمير الى قلبه وقف و اتدفن و اتحلل و مبقاش حد بيفتكره سواء بالخير او بالشر يمكن الناس نسيت اسمه لانه من قديم الازل مكانش له اثر و محدش حس بيه

---

انا متشكر انك فهمت قصدي وحسيت بكلامى ، لما الواحد بيتعرض لموقف ويقف ف الشمس ويلاقي حد يجيبة ويودية بيتكلم عن الواقع مش عن الخيال

اقتباس:

---

المشاركة الأصلية كتبت بواسطة abo_mazen

الرئيس الترس الكبير..والموظف الصغير ده أصغر ترس في المنظومة ..فيه في النص بقى مجموعة تروس ..التروس دي كلها بتلف مع بعضها ..عشان تحقق في الاخر منظومة فساد ورشوه متكاملة ..فقط في بلاد الشيتلاند ...الرشوه لها نظام يحميها

---

الرئيس هو الترس الكبير والموظف هو الترس الصغير....بس لما الترس الصغير وسط تروس كتير يتكسر ولا يقف يحصل إختلال من منظومة حركة التروس كلها بما فيهم الترس الكبير
حضرتك مشكلة الرشوه في العالم قديمه بنفس عمر أقدم مهنه في التاريخ....مش مرتبطه برئيس دي مرتبطه بالسلوك البشري بشكل بحت.....
النفس البشريه أماره بالسوء وطالما شايف إن فيه فلوس بالآلاف رايحه وجايه قدام عينه بدون رقيب ولا حسيب هو كمان حينضم للقافله ويتحايل علي وظيفته ويقبل الرشوه وينيم ضميره بحجة قلة المرتب والبيت إلي محتاج فلوس و ده مايمنعش إن المرتبات قليله والدنيا بتغلي كل يوم..........

وبما إنك عضو فضي يعني إنسان له قدره الإجتماعي داخل الجروب ومكانته المميزه لازم تبقي محايد.....أرجو أن كلامك يكون موضوعي بدون إسفاف وتحترم مكانة الرئيس حتي لو مش راضي عنه.....

مع كامل احترامي وتقديري ليك بس اية اللى حضرتك عملتة بالظبط !!! انت بعيد عن انك استغليت منصب الوالد وسلطتة , انت بتستهتر بحياتك بعدم وجود طفاية صالحة للاستخدام فى موقف خطر , يعني لاسمح الله العرية حصل فيها حريق تقوم مطلع طفاية من سنة 1998 وطبعا مش هتشتغل وتعرض حياتك للخطر !!! انا بعتذر لك بس لايمكن يكون ده صح .

اقتباس:

---

المشاركة الأصلية كتبت بواسطة ahmedjemy

مع كامل احترامي وتقديري ليك بس اية اللى حضرتك عملتة بالظبط !!! انت بعيد عن انك استغليت منصب الوالد وسلطتة , انت بتستهتر بحياتك بعدم وجود طفاية صالحة للاستخدام فى موقف خطر , يعني لاسمح الله العرية حصل فيها حريق تقوم مطلع طفاية من سنة 1998 وطبعا مش هتشتغل وتعرض حياتك للخطر !!! انا بعتذر لك بس لايمكن يكون ده صح .

---

ياسيدى الفاضل وهو فى ايه فى بلدك صح الطرق ومكسرة وكل نقرة ومطب فيها اد كده وتكاتك بتمشى على الطرق السريعه ومفيش خدمات طريق يبقى طفايه ايه اللى الواحد يهتم بيها....

اقتباس:

---

المشاركة الأصلية كتبت بواسطة strongxx

الرئيس هو الترس الكبير والموظف هو الترس الصغير....بس لما الترس الصغير وسط تروس كتير يتكسر ولا يقف يحصل إختلال من منظومة حركة التروس كلها بما فيهم الترس الكبير
حضرتك مشكلة الرشوه في العالم قديمه بنفس عمر أقدم مهنه في التاريخ....مش مرتبطه برئيس دي مرتبطه بالسلوك البشري بشكل بحت.....
النفس البشريه أماره بالسوء وطالما شايف إن فيه فلوس بالآلاف رايحه وجايه قدام عينه بدون رقيب ولا حسيب هو كمان حينضم للقافله ويتحايل علي وظيفته ويقبل الرشوه وينيم ضميره بحجة قلة المرتب والبيت إلي محتاج فلوس و ده مايمنعش إن المرتبات قليله والدنيا بتغلي كل يوم..........

وبما إنك عضو فضي يعني إنسان له قدره الإجتماعي داخل الجروب ومكانته المميزه لازم تبقي محايد.....أرجو أن كلامك يكون موضوعي بدون إسفاف وتحترم مكانة الرئيس حتي لو مش راضي عنه.....

---

أختلف معك تماما ..وحرصا مني على عدم الإتجاه بالموضوع إلى الجانب السياسي ..فإني التزم الصمت

انا مقرتش كل الردود
بس لاحظت ان طفايتك منتهيه من 1998
يعني برده مخطئ
وخدت حق غير حقك زيك زيهم
ايه المشكله لما تدفع مادام منتهيه مش فاهم
حتي لو اللي واقفين مش راضيين يدفعوا
والبلد ماشيه كده انا بسرق عشان غيري بيسرق
علي فكره انا مره اتعرضت لموضوغ الطفايه ودفعت برده
طب الظابط والي واقفين قابلين علي نفسهم السرقه والتزوير
قلت ابدأ بنفسي
يمكن غيري يفكر كده
وعمري ما استعنت بواسطه حتي ايام تكليفي رغم ان معظم زمايلي نقلوا
ممكن عشان مش حابب
وممكن عشان معنديش واسطه
بس ربنا بيعوض في حاجات كتير
بس لو البلد ماشيه بالتفكير ده عمرها ما حتتقدم

اقتباس:

---

المشاركة الأصلية كتبت بواسطة ahmedjemy

مع كامل احترامي وتقديري ليك بس اية اللى حضرتك عملتة بالظبط !!! انت بعيد عن انك استغليت منصب الوالد وسلطتة , انت بتستهتر بحياتك بعدم وجود طفاية صالحة للاستخدام فى موقف خطر , يعني لاسمح الله العرية حصل فيها حريق تقوم مطلع طفاية من سنة 1998 وطبعا مش هتشتغل وتعرض حياتك للخطر !!! انا بعتذر لك بس لايمكن يكون ده صح .

---

عارف حضرتك الحل اللي الكل بيعمله لو معندهوش واسطه .. بيروح شركه الطفايه نفسها يدقوا عليها تاريخ صلاحيه جديد ب 60 جنيه .. انا عارف انك بتتكلم عن مصلحتي الشخصيه بعيدا عن المرور والكلام ده وكلامك صح بس احنا كشعب اتعودنا خلاص علي مشي حالك حتى لو كانت ضد مصلحتنا .. حضرتك عندك في بيتك طفايه حريق .. افرض لقدر الله حصل عندك حريق ((ربنا ما يجيب)) هتعمل ايه .. !

اقتباس:

---

المشاركة الأصلية كتبت بواسطة micromoud

ياسيدى الفاضل وهو فى ايه فى بلدك صح الطرق ومكسرة وكل نقرة ومطب فيها اد كده وتكاتك بتمشى على الطرق السريعه ومفيش خدمات طريق يبقى طفايه ايه اللى الواحد يهتم بيها....

---

+1111111111
طفايه السجاير علي راي احمد حلمي

اقتباس:

---

المشاركة الأصلية كتبت بواسطة abo_mazen

أختلف معك تماما ..وحرصا مني على عدم الإتجاه بالموضوع إلى الجانب السياسي ..فإني التزم الصمت

---

انا شايف ان الترس الصغير اهم وادق من الترس الكبير

اقتباس:

---

المشاركة الأصلية كتبت بواسطة romioromio

انا مقرتش كل الردود
بس لاحظت ان طفايتك منتهيه من 1998
يعني برده مخطئ
وخدت حق غير حقك زيك زيهم
ايه المشكله لما تدفع مادام منتهيه مش فاهم
حتي لو اللي واقفين مش راضيين يدفعوا
والبلد ماشيه كده انا بسرق عشان غيري بيسرق
علي فكره انا مره اتعرضت لموضوغ الطفايه ودفعت برده
طب الظابط والي واقفين قابلين علي نفسهم السرقه والتزوير
قلت ابدأ بنفسي
يمكن غيري يفكر كده
وعمري ما استعنت بواسطه حتي ايام تكليفي رغم ان معظم زمايلي نقلوا
ممكن عشان مش حابب
وممكن عشان معنديش واسطه
بس ربنا بيعوض في حاجات كتير
بس لو البلد ماشيه بالتفكير ده عمرها ما حتتقدم

---

+111111111
كلامك عجبني رغم انه مش مؤيد للي عملته وده لاني مش راضي عن اللى عملته - يمكن وقت الموقف دمي اتحرق وحبيت مكنش ضحيه - رغم انها جت بالسلب عليا بس هاوعدك انى فعلا هاجيب طفايه جديده حتى اهم من الكوريك والاستبن والاتنين لسه جايبهم جداد ومش استخصرت .. عندك حق