الموضوع: خطوات الفحص وتجديد العربية 3 سنين

الف تحية لكل اعضاء المنتدى النهارده فحصت وجدت العربية 3 سنين واليكم الخطوات
1 - شراء ملف الفحص والتجديد من الشباك وكان ب 60 ج بالحافظة و 45 ج من غير الحافظة
2 - خدت رقم ثم طلعت الدور الثانى عند المخالفات واخدت رقم بس المرة دية للمخالفات
3 - روحت فحصت العربية واول حاجة رفعت بصمة الموتور والشاسيه
4 - وقفت فى صف العربيات لحد ما جاء دورى عند مهندس الفحص بص عليها وكتب شوية حاجات فى ورق الفحص وبص على الطفاية وشنطة الاسعافات والمتلت العاكس
5 - دخلت على الظابط مضى على الورق وراجعه على فكرة نسيت اول ما جيت افحص لازم الظابط يأشر بعد كدة برفع البصمة
6 - روحت جبت شهادة المخالفات انتظرت تقريبا تلت ساعة لحد ما جه دورى ولو ما اخدتش الرقم من اول ما جيت قبل الفحص كنت انتظرت اكتر من كدة والحمد لله دفعت 10 ج بس لموظف كمبيوتر المخالفات وانتظرت شهادة المخالفات تقريبا 10 دقايق لحد ماطلعت من عند وكيل النيابة
7 - عملت وثيقة التامين 3 سنين ب 263 ج
8- يسجل الفجص على الكمبيوتر فى المكتب اللى تحت
9 - روحت على الشباك لتسليم الملف راجعه الموظف ودبس الورق الجديد فى الدوسيه اللى جابه من الملفات ثم حولنى على المراجع
10 - روحت على المراجع راجع الملف وكتبلى ورقة روحت بيها على الخذنة دفعت 517 ضريبة 3 سنين ورجعتله تانى اديته ورقة دفع الضريبة حطها فى الملف وقالى انتظر الرخصة
11 - روحت على شباك تسليم الرخص تقريبا 5 دقايق ونادى على الرخصة بتاعة العربية اديته البطاقة للتاكد وادانى الرخصة
الحمد لله كل ده تقريبا خد ساعة ونص بس من تسعة ونص لحد الساعة 11 خلصت كل حاجة واستلمت الرخصة الجديدة فشكرا لمرور السويس اللى فعلا حدث فيه طفرة عن العذاب اللى كان موجود الاول ودية كلمة حق الواحد لازم يقولها مع تحباتى للجميع

المشاركة الأصلية كتبت بواسطة mohamed~adel

ألف مبرروووك على الرخصة
طب بالنسبة لشهادة المخالفات طلعتها من نفس المرور ؟!

ايوة من نفس المرور عشان ده تجديد وفحص مش نقل ملكية