الموضوع: ازاي اروح من مدينه نصر للمعادي

ازاي اروح من مدينه نصر للمعادي
عند القريه التكنولوجية. شارع اللاسلكي

أنا عارف ان الموضوع قديم بس أنا قلت يمكن حد يستفيد
أنا كنت شغال في فودافون و أخر شهر ليا اتنقلت المعادي و أنا ساكن برده في مدينة نصر و كنت بروح بعربيتي
كان ليا طريقين حسب الزحمة و الوقت
الأول و كنت بعتبره الأسهل
بطلع كوبري ٦ اكتوبر و أنزل النزلة اللي عند هيلتون رمسيس اللي هي نفسها بتاعت وسط البلد و في التقاطع يمين
بدل شمال مش زي ما بتروح المجمع و تمشي مع كورنيش النيل ربع ساعة و بكدة تبقي وصل الحمد لله.
الطريق التاني و ده كان اغلب الوقت بمشيه بجوجل مابس عشان الذاكرة بعافية اليومين دول للأسف شوية كان الدائري
حسب المزاج برده كنت بطلع الدائري يا اما الطريق العادي من ورا كأنك رايح التجمع الطريق اللي عند المنطقة الحرة لمدينة نصر و المقابر و تكمل علي طول و ورا اليفت تطلع الدائري عند القطامية قبل سيتي سنتر او كارفور المعادي بشوية
الطريق التاني و ده اجدد و كنت بحب اجري فيه اننا اجيب الحتة الجديدة بتاعت الدائري من اولها اللي يبقي علي ايدك الشمال كايرو فيستيفال سيتي عند كوبري التسعين الجديد و تكمل لحد ما توصل الدائري عادي خالص بالنسبة للدائري هتمشي ورا اليفط و تنزل نزلة المعادي و في حتة زحمة كدة و تقاطع هتدخل شمال مش يمين و تكمل حوالي ٣ كيلو و تخش يمين و علي طول لحد ما تربط بكورنيش النيل
هنا بقي المشكلة و احتياجي لجوجل مابس كان في ال٣ كيلو لأن في اكتر من يمين مش دايما كنت بركز و اقدر ال٣ الكيلو و كنت ساعات اخش يمين غلط و توهة ما بعدها توهة
أتمني اني اكون فدت اي حد عايز يروح المعادي من مدينة نصر.