السلام عليكم ورحمة الله وبركاته
هل حد نزل وسط البلد من بعد ما منعوا الركنه فى الشوارع فيها
هل مثلا جراج دار القضاء العالى بيبقى فيه مكان فاضى ولا بيبقى زحمه علطول وهل زودا سعر الركنه اوى ولا ايه
عرض للطباعة
السلام عليكم ورحمة الله وبركاته
هل حد نزل وسط البلد من بعد ما منعوا الركنه فى الشوارع فيها
هل مثلا جراج دار القضاء العالى بيبقى فيه مكان فاضى ولا بيبقى زحمه علطول وهل زودا سعر الركنه اوى ولا ايه
ممكن تشوف جراج التحرير الجديد اللي فتحوه ..
على حسب اليوم والوقت ايام العمل الاسبوعيه ولا جمعه وسبت والصبح ولا بالليل
فى جراجات عند شارع معروف حوالى اتنين او تلاته هناك
وفى جراج حلو جدا قبل اكاديميه السادات اول شارع رمسيس من ناحيه ميدان عبد المنعم رياض وممكن عند قصر عابدين
خلف الجامعة الامريكيه هناك راوية الركنة ب5 ج او جراج البستان او التحرير
باب اللوق امام الغرفة النجارية والبن البرازيلي
انا شغلي قصاد دار القضاء العالي بالظبط
بركن في الترجمان وبدفع ٧ جنيه ، معرفش متاح للكل ولا عشان الشركه متعاقده معاهم وعربيات الشركه بتركن هناك
يا تركن في الشارع الصغير اللي مابين جراج دار القضاء وبنك مصر بخمسه جنيه
يا تركن في الشوارع الجانبيه في ٢٦ يوليو ، عندك الشارع اللي قبل جاد فيه سايس بياخد ١٥٠ جنيه في الشهر
انا بركن فى جراج الاوبرا اول ساعه ب 3 جنيه وابتدا من الساعه التانيه ب 2 جنيه