حل الطنابير الامامية ؟

**gamalo** · 26-05-2015 12:55 PM

اخواني الكرام في يوم من ذات الايام حسيت بخشونة تحت رجلي وانا سايق قلت يمكن العجل مريح شوية
نزلت بصيت لقيت المقاس كويس بس لقيت ان فيه دواير خفيفة علي الطنابير الامامية فرحت التوكيل عندنا قلت المشكلة لقيته بيقولي ان علشان تغير الطنابير لازم تغير التيل قلت بان التيل لسة سليم انا معملتش غير 24 الف بس والتيل مليان وبحالته والفرامل زي الفل قالوا والله هو كدة علشان التيل يطبع عا الطنابير ماعلينا طب والسعر كام قالي بان الطنابير 525 +170 تيل +150 مصنعية --- كل دة فقلتله يعني ممكن امسح الطنابير قالي لا احنا بنغير بس قلتله طيب ممكن لو عملتها برة اخرج م الضمان قالي ياباشا كدة كدة انت خرجت م الضمان لان دول ضمانهم 5000 كيلو بس طب والحل --
شفهم عفشجي قالي نحلهم ومخرطة تمسحهم لان التيل لسة بحالته والفرامل زي الفل انا اصلا مش عارف هل 24 الف ممكن تبوظ الطنابير او تجرحها
رجاء لو فيه حد مر بالتجربة دي يفهمنا رجاء
وااسف عا الاطالة

**Abo_Mazen** · 26-05-2015 02:31 PM

يا باشا ..الأصول إنك بتمسح الطنابير وتغير التيل ..أو تغير الطنابير وتغير التيل..يعني أي إصلاح في الطنبور أو تغيير يستوجب تغيير التيل حتى ولو لسه فيه لحميه ..هما في التوكيل مش عايزين يدخلو في حوار إن التيل وحش فبوظ الطنابير ..هتقولي أصل التيل عندي كويس ولسه جديده ..هقولك برضه مش مشكلة ..وإيه يعني ..ما لو التيل وحش هيتلف الطنابير اللي إنت لسه ماسحها أو مغيرها مسافة مشي عشرين كيلو بس وأكيد التيل عندك في عالي وواطي لإن أكيد الطنبوره طبعته على الشكل الحالي بتاعها ..حصلت مع كذا واحد وشفت مشاركة قبل كده لواحد كل ما يسمح الطنابير تعمل معاه نفس المشكلة ..غربله في العربية كلها مع الفرامل على سرعة ..والراجل عامل المشاركة وبيحلف إنه ماسح الطنبوره مرتين ..وبعد ما سألناه ..طلع مغيرش التيل والتيل هو اللي بيتلف الطنابير ..عموما ..مش عاوز تغير التيل ..ماشي ..دي حاجه ترجعلك .بس خلي بالك ..إن التيل ممكن يبوظلك الطنابير تاني بعد المسح وخصوصا إن التيل حاليا واخد شكل وريجة الطنبوره الحالية برضه ...اللي هو بعد المسح هتلاقي الطنبوره بقت واخده شكل مستوى وفلات والتيل شكل تاني ..تضمن بقى إن الطنبوره هي اللي تاكل في التيل لغاية ما تساويه وإن التيل ما يكالش الطنبوره ويبوظ الطنبوره تاني؟؟؟؟ ..أو الإثنين ياكلوا في بعض لغاية ما يطبعوا وهتلاقي المشكلة برضه ظهرت تاني.. ؟؟؟؟؟لإن أكيد طبعا هيكون تيل مش مستوى بياكل في طنبوره مستويه أو فلات يعني ؟؟؟؟

**miam0502788391** · 26-05-2015 03:26 PM

لو مفيش رجه مع حضرتك فى الفرملة خصوصا مع السرعات العالية سيب الوضع على ما هو عليه وخليك بالتيل والطنابير لحد ما تجيب اخرهم

لو فى رجه مع الفرملة قدامك حل من اتنين
1- تمسح الطنابير فى مخرطة كويس مع شرط ان السمك يكون جيد قبل المسح علشان الطنبورة تفضل محملة مع طبعا تغيير التيل بواحد جديد
او
2- تغير التيل والطنابير بأخرى ةتريح نفسك

سؤال
هو ضمان التيل والطنابير 5000 كيلو بس ؟؟؟
ايه النصب ده
هو بيبيع استيراد ولا حاجة

**akmm** · 26-05-2015 04:13 PM

المشاركة الأصلية كتبت بواسطة Abo_Mazen

يا باشا ..الأصول إنك بتمسح الطنابير وتغير التيل ..أو تغير الطنابير وتغير التيل..يعني أي إصلاح في الطنبور أو تغيير يستوجب تغيير التيل حتى ولو لسه فيه لحميه ..هما في التوكيل مش عايزين يدخلو في حوار إن التيل وحش فبوظ الطنابير ..هتقولي أصل التيل عندي كويس ولسه جديده ..هقولك برضه مش مشكلة ..وإيه يعني ..ما لو التيل وحش هيتلف الطنابير اللي إنت لسه ماسحها أو مغيرها مسافة مشي عشرين كيلو بس وأكيد التيل عندك في عالي وواطي لإن أكيد الطنبوره طبعته على الشكل الحالي بتاعها ..حصلت مع كذا واحد وشفت مشاركة قبل كده لواحد كل ما يسمح الطنابير تعمل معاه نفس المشكلة ..غربله في العربية كلها مع الفرامل على سرعة ..والراجل عامل المشاركة وبيحلف إنه ماسح الطنبوره مرتين ..وبعد ما سألناه ..طلع مغيرش التيل والتيل هو اللي بيتلف الطنابير ..عموما ..مش عاوز تغير التيل ..ماشي ..دي حاجه ترجعلك .بس خلي بالك ..إن التيل ممكن يبوظلك الطنابير تاني بعد المسح وخصوصا إن التيل حاليا واخد شكل وريجة الطنبوره الحالية برضه ...اللي هو بعد المسح هتلاقي الطنبوره بقت واخده شكل مستوى وفلات والتيل شكل تاني ..تضمن بقى إن الطنبوره هي اللي تاكل في التيل لغاية ما تساويه وإن التيل ما يكالش الطنبوره ويبوظ الطنبوره تاني؟؟؟؟ ..أو الإثنين ياكلوا في بعض لغاية ما يطبعوا وهتلاقي المشكلة برضه ظهرت تاني.. ؟؟؟؟؟لإن أكيد طبعا هيكون تيل مش مستوى بياكل في طنبوره مستويه أو فلات يعني ؟؟؟؟

نعم القول .............................................

**Mecha** · 26-05-2015 04:13 PM

او تعمل حاجه نص. تمسح تيل وتاخد التيل علي مبرد خشابي وصنفره ورده عدل ويبا معاك قدم صلب .المبرد الخشابي هينحر في التيل زي الحلاوه السمسميه ويرجع لاصلو.

**gamalo** · 26-05-2015 11:27 PM

المشاركة الأصلية كتبت بواسطة miam0502788391

لو مفيش رجه مع حضرتك فى الفرملة خصوصا مع السرعات العالية سيب الوضع على ما هو عليه وخليك بالتيل والطنابير لحد ما تجيب اخرهم

لو فى رجه مع الفرملة قدامك حل من اتنين
1- تمسح الطنابير فى مخرطة كويس مع شرط ان السمك يكون جيد قبل المسح علشان الطنبورة تفضل محملة مع طبعا تغيير التيل بواحد جديد
او
2- تغير التيل والطنابير بأخرى ةتريح نفسك

سؤال
هو ضمان التيل والطنابير 5000 كيلو بس ؟؟؟
ايه النصب ده
هو بيبيع استيراد ولا حاجة

اة والله طلعلي من كتيب الصيانة مايدل ان التيل والطنابير ضمانهم 5000 ك واشمعنا يعني دول دا دول اساسيات العربية

**gamalo** · 26-05-2015 11:30 PM

المشاركة الأصلية كتبت بواسطة abo_mazen

يا باشا ..الأصول إنك بتمسح الطنابير وتغير التيل ..أو تغير الطنابير وتغير التيل..يعني أي إصلاح في الطنبور أو تغيير يستوجب تغيير التيل حتى ولو لسه فيه لحميه ..هما في التوكيل مش عايزين يدخلو في حوار إن التيل وحش فبوظ الطنابير ..هتقولي أصل التيل عندي كويس ولسه جديده ..هقولك برضه مش مشكلة ..وإيه يعني ..ما لو التيل وحش هيتلف الطنابير اللي إنت لسه ماسحها أو مغيرها مسافة مشي عشرين كيلو بس وأكيد التيل عندك في عالي وواطي لإن أكيد الطنبوره طبعته على الشكل الحالي بتاعها ..حصلت مع كذا واحد وشفت مشاركة قبل كده لواحد كل ما يسمح الطنابير تعمل معاه نفس المشكلة ..غربله في العربية كلها مع الفرامل على سرعة ..والراجل عامل المشاركة وبيحلف إنه ماسح الطنبوره مرتين ..وبعد ما سألناه ..طلع مغيرش التيل والتيل هو اللي بيتلف الطنابير ..عموما ..مش عاوز تغير التيل ..ماشي ..دي حاجه ترجعلك .بس خلي بالك ..إن التيل ممكن يبوظلك الطنابير تاني بعد المسح وخصوصا إن التيل حاليا واخد شكل وريجة الطنبوره الحالية برضه ...اللي هو بعد المسح هتلاقي الطنبوره بقت واخده شكل مستوى وفلات والتيل شكل تاني ..تضمن بقى إن الطنبوره هي اللي تاكل في التيل لغاية ما تساويه وإن التيل ما يكالش الطنبوره ويبوظ الطنبوره تاني؟؟؟؟ ..أو الإثنين ياكلوا في بعض لغاية ما يطبعوا وهتلاقي المشكلة برضه ظهرت تاني.. ؟؟؟؟؟لإن أكيد طبعا هيكون تيل مش مستوى بياكل في طنبوره مستويه أو فلات يعني ؟؟؟؟

شكرا ياباشا علي مشاركتك طب انا لو غيرتهم برة التوكيل يتكلفوا كام ولا اغيرهم ف التوكيل اضمن وادفع 850 ج

**Abo_Mazen** · 27-05-2015 08:58 AM

المشاركة الأصلية كتبت بواسطة gamalo

شكرا ياباشا علي مشاركتك طب انا لو غيرتهم برة التوكيل يتكلفوا كام ولا اغيرهم ف التوكيل اضمن وادفع 850 ج

الرأي اللي هقوله لحضرتك ده رأي عام ..يعني مش عشان خاطر نوع عربيه معينة ..لو حضرتك تضمن إنك تجيب الحاجه الأصلية من السوق وعن تجارب ناس سابقة إشترت من نفس المكان نفس قطعة الغيار ..يبقى خلاص ..إعمل الشغل بره ووفر فلوسك ووقتك كمان ..إن مكانش ..يبق حضرتك هتروح التوكيل

**hemaa_82** · 07-06-2015 11:17 AM

الطنابير بتاع 450 و التيل بتاع 60-80 و تركيب سكة 75 جنيه ...

احسن رائ انا شايفة ..... تيل جديد "كدة كدة سعره حنين" و مس الطنابير ب 40 جنيه و تدفع فك و تركيب....

**swimmer25** · 07-06-2015 11:36 AM

المشاركة الأصلية كتبت بواسطة miam0502788391

لو مفيش رجه مع حضرتك فى الفرملة خصوصا مع السرعات العالية سيب الوضع على ما هو عليه وخليك بالتيل والطنابير لحد ما تجيب اخرهم

لو فى رجه مع الفرملة قدامك حل من اتنين
1- تمسح الطنابير فى مخرطة كويس مع شرط ان السمك يكون جيد قبل المسح علشان الطنبورة تفضل محملة مع طبعا تغيير التيل بواحد جديد
او
2- تغير التيل والطنابير بأخرى ةتريح نفسك

سؤال
هو ضمان التيل والطنابير 5000 كيلو بس ؟؟؟
ايه النصب ده
هو بيبيع استيراد ولا حاجة

+1

هو فيه مشكلة في الفرامل ولا لأ أصلا؟ خشونة دي إزاي يعني؟
لو معندكش رجة مع دوسة الفرامل يبقى معندكش مشكلة في الفرامل مش بس بشكل الطنابير

خشونة ممكن يكون معناها بلي عجل

الموضوع: حل الطنابير الامامية ؟

LinkBack

أدوات الموضوع

عرض

-

-

-

-

-

-

المواضيع المتشابهه

سكودا أوكتافيا a7 الطنابير الآمامية (السكينة) او الديسكات الامامية

الطنابير

الطنابير

غيرت الطنابير الامامية في الشاريد 90

مشكلة الطنابير الامامية للافيوا

الكلمات الدلالية لهذا الموضوع

المفضلات

المفضلات

ضوابط المشاركة