الموضوع: ايه رأيكم في فلاتر المياة الموجوده حاليا

بص ..هو بيقال ..والكلام ده أنا قريته في بعض الجرائد الرسمية ..إن الفلاتر دي ..خطر جدا جد جدا جدا ..وإن مياه الحنفيه صحيه عنها ...بصراحه ..كلام مش منطقي..ويحسسك إن الحكومة عايزه تخلص مننا بدري بدري عشان نخف العدد شوية ..أي مياه مهما إن كانت ..أحسن من مياه الحنفية اللي بتنزل ريحتها مجاري ..المهم عشان مطولش عليك ..الفلتر اللي عندي بسبع مراحل ..أول تلات مراحل فلترة ضد الريحه والحديد والشوائب والأربع مراحل الأخرانيين فلترة ضد البيكتريا والكائنات الحية وفيهم شمعة من خلال مرور المياه عليها ترسب أملاح بنسب معينة طبعا ..وده عشان تعوض الأملاح اللي المياه فقدتها خلال مراحل الفلتر دي كلها ..كككككككككككككككككككككككك كل الفلاتر اللي موجوده في البلد نوع واحد وفكرة عملها واحد ..فكك بقى من أمريكي وماليزي وخبره بتنجانيه وخبره حلزقوميه ..كلها واحد ..والدليل على كده إنك بتروح تجيب شمعة مثلا للمرحلة الرابعة ..بتركب على أي فلتر فيه مرحلة رابعه ...بس شرط يكون سبع مراحل برضه ..الموتور بتاعه لو إتحرق .,بتروح تجيب موتور يركب عندك عادي ..المهم بقى المبدأ ..حضرتك مقتنع إن المياه تمر على المراحل دي كلها عشان تتنقى ..ولا بتحب تشرب مياه حنفيه بالكائنات الحيه اللي فيها ..ولا بتتجنب كل ده وبتقضيها مياه معدنية زي ما ناس كتير بيعملوا .؟؟؟شوف كده وقول ..على فكره .طعم المياه الغريب اللي حضرتك بتقول عليه ده نتيجة إن الشمعات بتبقى لسه جديده ومطعمة في المياه فعلا ..لكن حضرتك مع الإستخدام بتتعود على طعم المياه كده والطعم ده أصلا بيبدأ يخف كتييييييييييييييييييير عن الأول ..عموما ..لما حد يتصل بيك حاول تسمع منه عن مراحل التنقيه ..هتلاقيه بيقول كلام علمي فعلا ..والشمعات اللي بتتباع لو حضرتك شفت علاقتها بالوظيفه اللي هو بيقول عليها هتلاقيها منطقيه فعلا ..بس برضه ..حضرتك مقتنع بالموضوع ولا لأ ؟؟؟؟...قبل ما أنسى ..قطع غيار الفلاتر دي موجوده عادي جدا عندنا في إسكندرية ..حاجه تانيه ..ما تدفعش أكتر من 1000 جنيه في الفلتر لو كاش ..عشان هتسمع أرقام غريبه بخصوص الموضوع ده

بص الموضوع شائك وعامل بالضبط زى اضرار شبكات المحمول تلاقيها راكبه فى اوروبا وهنا يقولك بتجيب ايه وعندهم حق لانها هنا بتركب اكيييييييييييد مخالفه للاشتراطات الصحيه
نفس الكلام للفلاتر
ملحوظه هامه عندى فلتر 3 مراحل اتأخرت فى تغير الشمع ..فلقيت طعم المرار اللى موجود فى الحنفيه زاد جدا جدا جدا فى الفتر وده معناه ان جزء من الشوائب والبلاوى المتجمعه بيرجعلك تانى !!!!!

الفلتر صحى جدا وعن تجربه 4 سنين من فلتر امريكى 7 مراحل كاربون

ولكن هو بالفعل خطر فى حاله عدم التزامك بتغير الشمع بتاع الفلتر بالاخص المرحله الاولى والتانيه لان كلهم صدى واملاح وكلور وبيتسبب اختلاط بالمياه فى عدم تغيرهم يعنى التلوث مضاعف والمياه غير صحيه

زى العربيه بالزبط لو متزمتش بمواعيد تغير الزيت والفلتر بتاعه والصيانه العامه الموتور كله هيطير

فحبيت اوضح النقطه ديه الى فيها الللبس بس

نصيحه اى فلتر اقل من 3 او 4 مراحل متجبوش لانه مش هيفيدك اوى ويستحسن تجيب 7 لانه بيعالج نقص معادن المياه كمان