موتور المياه ضروررررررررررررى
ياجماعة مساعدة ضرورى بعد إذنكم
طبعاً عارفين الصيف إبتدى بس بصراحة بداية صعبة الجو حار جداً
وكمان المياه بدأت تضعف أو تنقطع
فكنت عاوز أركب موتور مياة لوحدى
وبصراحة مش عارف أجيب أيه بالضبط كنت عاوز واحد إيطالى ويكون حنين غير كالبيدا
أنا ساكن فى ثالث بالكونة والمياه فى الشتاء بتكون رائعة على عكس فى الصيف
والعماره إللى أنا فيها فيها 10 شقق فقط
فكنت عاوز أعرف نوع موتور يكون حمال الأسيه وكمان حنين فى السعر وكمان يكون فيه إمكانية مثلاً فى الشتاء أنا مش هحتاجة وبالتالى لو فصلت الكهرباء عنه من المفتاح بتاعة ميعوقش المياه من الصعود
وأيه حوار البالونة والأتوماتيك هل هم أفضل أم الفلوماك
أرجو الإفاده ولو حد يعرف أسماء محلات موثوق فيها فى القاهرة سواء فى ش الجمهورية أو السبتيه يقول
ولكم جزيل الشكر والإمتنان