ممكن تساعدونى بجد محتارة بين نيسان صنى وبيجو301 2015
ياريت تفيدونى بسرعة
وشكرااااااااااااااااااااا اااا
تم تعديل العنوان
م.ع 7
عرض للطباعة
ممكن تساعدونى بجد محتارة بين نيسان صنى وبيجو301 2015
ياريت تفيدونى بسرعة
وشكرااااااااااااااااااااا اااا
تم تعديل العنوان
م.ع 7
العربيتين عليهم جدال كتير الان .
انا لو في مكانك الان حختار السياز .
لو الاختيار منحصر بين الصني والبيجو 301 . فانا عديت علي هذا الاختيار من قبل واخترت البيجو ( كفاية شكل الصني )
استخير ربنا واختار الي يشرح قلبك وانت راكب .
شكراااااااااااااا لاهتمامك وسرعه ردك الف شكر
فعلا العربيتين عليهم مشاكل او جدال واختلاف كتير ولكن بالبحث هاتكون البيجو افضل طبعا
كفاية القضية ومشكلة نيسان في الفرامل
الاختيار بين النيسان صنى و بيجو 301 يصب فى مصلحة البيجو
لكن لو تقدر تزود الميزانية شوية فى حاجات تانية احسن ( سينترا او كرولا)
و بالتوفيق ان شأ الله
301 طبعا .. صراحه شكل الصني القديم عاجبني جدا عن الجديد
وفي الاول و الاخر دي اذواق .
أنا بأيد كلام الإستاذ باسم, اللى يخليك تدفع المبلغ ده كله, زود شويه - حتى لو هاتقسط المبلغ البسيط الباقى - و هات فئة أعلى و أخرج من الفئة اللى توكيلاتها للإسف بتهمل فيها و فى عملائها, و ربنا يوفق حضرتك لحسن الإختيار.
هى الصنى لسه فيها مشكلة فرامل؟
شكراااااااااااااااااا لكل من اهتم ورد
بصراحة من احسن الاماكن اللى ممكن تفيدك فى مواضيع كتيرة وتقدر تسأل وتلاقى اللى يحاول يفيدك
اشكركم جدااااااااااا
لو المقارنه بين بيجو وصني
الصني افضل
أعلم أن إجابتى خارج الموضوع ولكن ربما تفيدك . . . . فكرى فى البروتون بيرسونا و السوزوكى سياز
والله ياباشا بعد اللي اتعرض عنها ومشاكلها المميته وانتشارها الضعيف
تخلي اي حد يغيررائيه فيها
اﻻنتشار الكاسح والرهيب للصني مع مشاكل بسيطه ترفع قيمتها بقوه
حتي الفيس ليفت للصني باع بكميه كبيرةفي فتره بسيطه
اثنين من اقاربي وصديق اشتروا صني 2015
بيشكرو فيها جدا وتقريبا مفيش منها اي شكوي الا الصاج الضعيف وانها خفيفه شويه
حضرتك من الناس الي انا باعجب باراءهم . بسبب موضوعيتك
حتى في نقضدك جميل .
انا اشريت الصنى 2015 للشركة لقيتها ضيقة وشكلها مش حلو خالص ومن جوا سيئة جداً وبعد مارخصتها بإسبوع قررت ابيعها وكانت عاملة 2500 كم. وخسرت فيها 8000 جنيه وقولت احسن ماتدبس فيها واخسر اكتر من كدة وجبت البيجو 301 بعدها بيومين وبصراحة فرق شاسع فى الشكل واتساع السيارة والتقفيل والخامات المستخدمة والشنطة واسعة جداً بشكل غريب فعلاً، السيارة كلها اسبانى وثابتة على الطريق، من الاخر البيجو افضل بمراحل وبالتوفيق.
السياز هندى .. و موتور 1400 .. و ب 124 الف جنيهاقتباس:
وأعتقد إن السياز لازم تدخل في المقارنة وبقوه كمان
موش عارف ايه سبب الاقبال عليها اصلا ؟؟
لانها عربية جميلة سحبها ممتاز ولو كنت راكب عربية 1600 قبلها مش هيتحس بفرق يذكر بين الأتنين
وموفرة جدا في البنزين
والتكيف بتعها ممتاز لا يؤثر على السحب
ثباتها رائع على السرعات لغاية 140 وفي الملفات وفي ناس قفلت عداد السرعة 200 وكانت ممتازة معاهم
ومسألة أنها صناعة هندي فهي مكوناتها ياباني وحتى لو كانت هندي طيب ما البروتون ماليزي وأثبتت وجودها
بس السياز أوسع من الجين 2 والبيرسونا وعفشتها أنعم ومريحة جدا دا غير الرفاهيات اللي فيها
أنصحك تركبها وتجربها علشان تحكم بنفسك
وهي العربيات الهندي ملهاش تاريخ سيئ عندنا في مصر عشان ناخد موقف منها ..وبعدين بقى بصراحه ..وبعد إرتفاع أسعار البنزين اللي حصلت واللي لسه هتحصل ..حكاية توفير الوقود دي بقت بند مهم جدا جدا جدا ..أنا شايف أصلا إن حكاية السعات اللترية العالية دي بقت موضه قديمة ومطلب لا يتناسب سواء مع ظروف البلد أو مع التقنيات الحديثه المستخدمه في صناعة السيارات ..وخصوصا بعد وجود نظام التربو تشارجر ..دي شركة سوزوكي منزلة عربية التو 600 سي سي ..بالتربو تشارجر بتاعها تديك عزم سيارة 1000 سي سي أو 1200 تقريبا .....مع إحترامي لأراء الآخرين ..حكاية إن العربية دي تلاتة سلندر إخييييه ..العربية دي 1200 سي سي ..إخيييه ..متشتريش عربيه تلاتة سلندر متشتريش عربية 1200 سي سي...المكنة بتاعة العربية المونيوم ..يبقى ضعيفة ..بلاش منها ..مش هتستحمل معاك ....متهيألي الكلام ده كلام مصري قديم ومبقاش ينفع دلوقتي
انا لو من رأي رينو لوجان 2015 لان البيجو 301 صوتها عالي شويه
والنيسان صني فيها عيوب زي عيب الفرامل وطبعا دي حاجه مش فيها هزار
للإسف موضوع الصوت العالى و تأثير التكييف على المحرك و غيرها كانت حاجات الواحد بيتحملها فى البيجو, لكن لما الموضوع يوصل للفرامل و تتكرر, يبقى يشوف فئة أعلى بعيد عن العربيات الرخيصة اللى توكيلاتها بتسترخص حياة عملائها (و مش باتكلم عن البيجو 301 لوحدها), معرفش اللوجان عامله إيه لغاية دلوقتى هيا و السياز. ربنا يسترها علينا جميعاً.
انا سألت .. بدأ من الفيس لفت 2015 .. تم تغيير التيل و الطنابير و الماستر كماناقتباس:
والنيسان صني فيها عيوب زي عيب الفرامل وطبعا دي حاجه مش فيها هزار
و اللى قبل كده .. كانوا بيغيرو التيل و الطنابير فى التوكيل لحل المشكله
انا اختى حتشترى صنى هاى لاين خلال اسبوع .. ان شاء الله
لو حد معاه ال 2015 فيس لفت .. ارجو منه النصيحه قبل ما نقوم بالشراء لو موضوع الفرامل لسه لم يحل
شكرا
لو المقارنة منحصرة فى الاتنين تبقى ال 301 وانصحك بالزيادة وتجيب سيراتو خليجى اى فئة فيها عوامل الامان