-
فرامل الشارك ضعيفه
انا عندي مشكله حسيتها من اول يوم استلمت فيه العربيه
انا معايا شارك فيها abs و لما اضطريت ادوس جامد ال abs اشتغل ٢٠١٥ لسه ٣٠٠ كيلو
دواسه الفرامل فيها خفيفه جدا و فيها مسافه فاضيه لا الاستوب بينور فيها و لا العربيه بتهدي
يعني داخل البلد بضطر ادوس بشده علي الدواسه عشان العربيات تهدي
مش مجرد اني اريح رجلي علي الفرامل العربيه بتهدي خالص
و ده مش مطمني تماما
هل المشكله دي عامه ؟
و لو عندي انا بس ايه الحل فيها ؟
جزاكم الله خيرا
-
محدش عنده اي تفسير للموضوع ده !
-
طيب فرامل اليد معاك ايه اخبارها لان فى صيانة الاف عملم رجلاش على الفرامل والدواسة رفعت والفرامل الحمد الله كويسه
-
انا كنت ناوى ع العربيه دى بس انا مشترك ف الجروب بتاعها ع الفيس وبجد مبقتش عارف في ايه
شكاوى كتير من ضعف الفرامل وضعف التكييف وضعف السحب والصاج غير المشكلتين الشهيرتين ضعف العزل في الصالون وضيق الشنطه ..ده غير الشتايم ف الوكيل دايموند
انا شكلى هصرف نظر رغم انى مش شايف ف فئتها السعريه عربيه تانية :(
-
ممكن حضرتك تركبها الاول وتجرب بنفسك وللعلم كل المشاكل السابقة بتختلف من شخص لاخر بمعنى واحد كان راكب المانى فئة سعرية فوق 200 الف فبالتالى هيحس بفرق فى العزل او السحب ...بالنسبة للتكييف معظم مشاكله اللى على الجروب بسبب انه الفلتر بيكون محتاج تنظيف زيه زى اى عربية ..وبالنسبه للسحب تحت ال 80 اللى بيكون عادة داخل البلد اصلا مابتعديش 60 فطبيعى مع حجم العربية تحس بتقل بسيط وده للعلم موجود فى بعض السيارات الاخري زى سكودا او حتى نيو سيراتو ..بعد 80 انت مش هتحس انك ممكن توصل ل 130 او 150 بسهوله وهتلاقيها ممكن كمان تجيب دا غير الثبات بتاعها على السرعات... فياريت تجرب بنفسك لو عربية صديق لك او تطلب تجربة قيادة وبالنسبة للوكيل ممكن تشوف الخليجى خصوصا الشرق الاوسط وتشتري ضمان تربيل a وبالتوفيق فى قرارك
-
فعلا عملو الرجلاش الفرامل ظبطت جدا
فرامل اليد كانت خفيفه جدا و العربيه دلوقتي ما شاء الله فراملها قويه جدا
و بخصوص ان تكييفها ضعيف ده اوهام بصراحه للعربيه يوم الاربع اللي فات كان الجو ٤٨ و شغلت التكييف علي الهادي و كانت تلاجه
و اللي بيقول ضعف سحب ده برضو ظالم العربيه
العربيه سحبها حلو جدا جدا بس انت سيطر عليها لانها فعلا بتجري جدا
و العزل زيها زي اي عربيه من فئتها بس الصوت واضح فيها لان الكاوتش بتاعها الاستوك نوعه سئ جدا و ناشف لو غيرت لبريدجستون هتلاقي مفيش صوت
و الصاج زيها زي اي عربيه عادي جدا
المشكله اللي فيهل ضيق الشنطه و حلوها بموضوع الاستبن الصغير
و دياموند مش لازم تجيب ضمان منه هات من aaa ناس محتزمه جدا جدا
-
العربية مفيش مشكلة فيها غير الشنطة والعزل والفرامل تمام انا معنديش abs لكن الحمدلله الفرامل تمام وربنا يسترها علينا جميعا وموضوع العزل هنتعود عليها مفيش مشكلة المشكلة بس عندي في الشنطة ومش مقتنع بالاستبن الصغير ده
-
الحمد لله الفارمل عندي ممتازه ، كمان موضوع العزل وضيق الشنطه مش بالدرجه دي .
اظن ضيق الشنطه عشان يسيب مساحه لخزان البنزين ال60 لتر والعفشه الخلفيه المتطورة مع جنوط 16 او 18 بوصه.
سحب العربيه ما شاء الله الموتور المافيك 1600 اكثر من رائع ، لدرجه بتحس بتأثير معدل التسارع عليك(تحس بان الكرسي يدفعك للامام وجسمك بيميل للحلف) والتسارع بعد ال80 كم تحس كان الموتور اتجنن ... بسهوله بتعدي اي عربيه ، كمان لا تشعر بانك ماشي بسرعه غير لما تبص للعداد... فعلا العربيه جميله خاصه على الطرق السريعه ، فقط ما لم يعجبني ثقل الدركسيون نسبيا بالمقارنه مع عربتي السابقه .
Content Relevant URLs by
vBSEO 3.6.0 PL2