لو عندك وصلة نت غير شرعية الحق الغيها

بسم الله الرحمن الرحيم

لكل واحد واخد وصلة نت غير شرعية
يعنى ايه غير شرعية ؟
يعنى بيبقى سايبر او مكتب كمبيوتر شارى راوتر باعلى باقى وبيوزع وصلات نت للناس عن طريق السويتش

بيان موزع علي جميع السنترالات بخصوص الوصلات

http://up.egy4motors.com/uploads/1432667187651.jpg


(1) تكلف لجان المسح الشامل والتفتيش الهندسى بالتنسيق مع السادة مديرى السنترالات بتكليف لجان مسح شامل على التوصيلات غير الشرعية التى تقوم بامداد الغير بخدمات ADSL دون موافقة على ذلك على ان يتم اخطار مباحث التليفونات بضرورة تواجد احد افرادها ضمن لجان المسح الشامل المعدة لهذا الغرض
(2) فى حال اكتشاف احد العملاء سواء منزلى او غير منزلى بالاشتراك فى خدمة ADSL وقيامه بعمل برج لاسلكى او استخدامه SWICH ROUTER وتوزع ADSL على العملاء يتم قطع
الحرارة فورا على كافة التليفونات المستخدمة فى هذا الغرض وفصل تلك الخطوط من الفريم مع التاكيد على عمل محاضر الشرطة لهؤلاء العملاء وتسليم صوؤتها الى عضو مباحث التليفونات المرافق
للجنة وذلك لما لحق بالضرر الجسيم على الشركة واعمالا بما جاء بنص القانون رقم 10 لسنة 2003 مع اخطار العميل تلغرافيا بنوع المخالفة وقيمتها مع تغيير فئة الخطوط المتعاقد عليها بالفئة المنزلية
الى الفئة الغير منزلية من تاريخ المحضر واضافة قيمة المخالفة على اقرب مطالبة
(3) يكلف السادة مديرى السنترالات من التاكد من قطع الحرارة على العملاء وفصل خدمة ADSL عن تلك الوصلات مع الزام لجان المسح الشامل والتفتيش الهندسى بدوام المرور والتاكد من قيام
العميل بازالة المخالفات وجمع الوصلات والمعدات والاجهزة التى استخدمت فى ارتكاب تلك المخالفة وفى حال عدم ازالتها تكلف مباحث التليفونات ازالتها ومصادرتها
(4) يتم اضافة قيمة اشتراكات ومصاريف تركيب دائرة نقل معلومات باثر رجعى سنة او من تاريخ التعاقد على التليفون ايهما اقربعلى كافة الحالات التى تقوم بامداد الغير بخدمة ADSL بطريقة غير
شرعية وذلك فى حالة ثبوت قسام هؤلاء العملاء باستخدام تليفونات لامداد الغير بالخدمة
(5) يتولى السادة مديرى ادارة المبيعات بالتنسيق مع مديرى مبيعات المناطق عرض كافة المخالفات الواردة بهذا البيان على السادة مديرى القطاعات مع ارفاق مذكرة تقديرية لخسائر الواقعة معتمدة
من السادة مديرى السنترالات واخطار بقيمة مخالفة المسح الشامل وتاريخ اضافة القيمة على العميل بالاضافة الى محضر الشرطة ومحضر لجنة المسح الشامل وذلك تمهيدا لرفع الدعاوى القضائية على السادة المخالفين ولاتتم المصالحة باى شكل من الاشكال مع الشركة الا بعد حصول الشركة على حقها بالطرق القانونية
رأيك ؟

مفيش رقم تليفون عشان في كذا محل في المنطقه عندنا بيوزعوا وصلات نت و عاملين مشاكل مع الناس ؟؟؟

سياسه متخلفه بدل ما يقضو على الوصلات بذكاء وبدون تكلفه كل الفكره انه بدل ما يخلو اقل سرعه فى النظام الجديد 2 ميجا ب90 جنيه المتخلفين يخلو ال512 ب30 جنيه المتخلفين ولاد المتخلفين وحيقضو نهائيا على الوصلات الغير شرعيه ولاكنهم متخلفين يسعو دائما الى التخلف ويتبوئو مراكز عليا فى التخلف

انا مش عندى وصلات الحمد لله بس الاول يخلو النت و التليفون موجود فى كل حته سكنيه و بعدين يعملو حمله على الوصلات فى ناس نفسها تتشرك فى النت لوحدها و مش عارفين يدخلو تليفون ارضى

متخلفين فعلا ....

يعنى لو كبرنا دماغنا عن الخدمة الزبالة و الاسعار العالية اللى مش موجودة الا عندنا

فيه ناس كتير جدا مش بيرضوا الا انهم يدخلولهم تليفون هوائى و ده مش بينفع معاه adsl ، طيب هل طبيعى ان حد يعيش حياته على usb modem ..

كفاية تخلف بقى لما يظبطوا النت و يبقى كل واحد يقدر يشترك لوحده يبقى يجى يحاسب اللى يعمل وصلة .. انما انت مش مخلينى اعرف اشترك لوحدى و عايز تقطع عنى الوصلة كمان

الشعب المصري مش هيغلب في حاجه زي دي

كلام فارغ!
انا عندى راوتر لاسلكى وبدخل عليه من كذا جهاز..هيعرفوا ازاى اذا الاجهزه المتصله دى بتاعتى او بتاعه الجيران؟

كالعادة حكومة متخلفة ..دايما بتحط الحلول الغبية وتشتغل عليها

في حلول كتير جدا اسهل من كدا وبدون العناء دا كلو لان مصر كلها وصلات اصلا


مفروض يعمل اسعار منافسة ويعمل التوصيل بدون رقم ثابت او ارضي مثلا وبعد كدا مش هيلاقي حد اصلا موصل

يعني لو عمل اسعار 512 ب 30 ولا 40 جنية وعمل 1 ميجا 60 جنية و 2 ميجا 100 جنية ....ألخ الناس من نفسها هتوصل

انما دايما الحكومة ماشية بمنطق ...ودنك منين يا جحا !

طب انا اغلب جيراني معندهمش تليفون ارضي و انا موصل لهم من عندي و مقسمين الفلوس بيننا بما يرضي الل. ده نا حتي ساعات بدفع زيادة عنهم و جايب شويتش بيقسم السرعات.

ابقى انا كده بتاع نت غير شرعي !!!!!

نفسي افهم مزعلاهم في ايه الواصله؟

انا كمان موصل لناس فى الشارع عندنا واير ووايرليس عشان استحاله ادفع تمن الاشتراك لوحدى ايه المشكله فى كده
وكمان ده كل الشوارع فيها وصلات هايعرفوا ازاى مين داخل مع مين والوايرليس ده هايعرفوه ازاى ؟؟؟

مش كفايه اللى بيعملوه فينا

مفيش حاجه اسمها وصله غير شرعيه٠٠اشتريت حاجه وبتقسمه مع غيرك