السلام عليكم
.....................................
تم غلق إستفتاء 2007 و فتح إستفتاء 2008 فى قسم المقارنات
الإدارة -3
عرض للطباعة
السلام عليكم
.....................................
تم غلق إستفتاء 2007 و فتح إستفتاء 2008 فى قسم المقارنات
الإدارة -3
الباجيرو طبعا --وبدون تفكير
انا صوت لنيسان باترول على اساس ان استخدامها للبر لان فعلا العربية مصنوعة عشان تمشى فى الصحراء مش فى الطرق الممهدة اما اذا بستخدمها جوه المدينة باخد X3 اكييد
هو للأسف لو أنا بأفكر أشترى 4x4 حالياً مش حأشترى ولا واحدة من دول لسبب واحد ان كلهم أسعارهم مبالغ فيها جداً بسبب الـ 135% اللى الدولة بتلهفهم ... لكن لما الجمارك تقل عليهم ان شاء الله يبقى بالنسبة لى لاند كروزر بدون تردد ... انما حالياً يمكن دايهاتسو تيريوس
السلام عليكم
فين يا جماعة أستاذ سبعاوى اللى أنا مقتبس منه الفكرة ؟؟؟؟؟؟؟؟؟؟
هو زعل إنى عرضت فكره هنا :cry:
لاء يا احمد
بس سبعاوي مشغول حاليا جدا جدا
وفي الغالب مش هايدخل النتدي كام يوم وغلبا ممكن يكون مسافر
كريم منير
تويوتا لاند كروزر احسن عربيه للجبل وعن تجربه انا الحمد لله هاوي قيادة الجبل اما سفر جميل وناعمه وراسيه في الطريق باجيرو التويوتا علي فكره مش حلوه علي الطريق بالنسبه للسرعه
السلام عليكم
أنا رأى الشخصى طبعا BMW X3
السلام عليكم
حاجة غريبة مافيش غير واحد بس بيفكر ى الباترول
يا جماعة أنا والدى فى الكويت و مهندس فى مواقع صحراوية وبيقولى جربوا اللاند كروزر و الباترول و لقوا إن السيارة الوحيدة اللى بتستحمل معاهم فى الرمل و الشد هى الباترول :shock:
انا مبحبش الجيب لانى بمشى جوة البلد بس... و على راى المثل: الجيب اتعمل عشان الجبل
MMamdouh
والله العربية دى فى الصحراء تغلب ابو الsuv الامريكى كله مع انهم متفوقين عليها فى الفئة دى و دى اول suv يابانى يعجبنى الباقى مع احترامى لمحبينهم ملهمش لازمة لاند كروزر بتمنها اشترى يوكون دينالى افخم suv فى جنرال موتورز غير كدة لسة سعرها غالى و السنة الجاية شكلها الجديد نازل يعنى :oops: بلاش اتكلماقتباس:
المشاركة الأصلية كتبت بواسطة sharky
ابس عيب الباترول انه اسمها على مسمى :D
على فكرة الميتسوبيشى الجييب ف الخليخ مطلوب اكتر من الشروكى لكفائتة ولانة مصنع خصيصا للخليج وعموما ميتسوبيشى ف العربيات ال4*4 افضل من اى شىء اخر واقفضل من الهامر كمان :lol:
سيبك همر اساسا مش حلو ابدا عاملة بالظبت زى البنت الجميلة جداا بس متخلفة عقليا :mrgreen: و برضة الباجيرو حلو بس اقل البقية يعنى اقل من الاند كروزر و اقل من الباترول طبعا و اقل من عربيات كتير بتنافسها
افضل سيارة فيهم هى الباجيرو وافضل سيارة 4*4 من وجهة نظرى هى رنج روفر سوبر اتشرجر افضل سيارة دفع رباعى فى العالم
السلام عليكم
يا ترى من حيتصدر الفئة دى اللاندكروزر أو الباجيرو أو BMW X3
انا صوت لل X3ولو فى يعنى ممكن اخد X5بالصلصه :D
الشيروكى وحشه جدآ جدآ و ضيقه جدآ جدآ
انا افضل الباترول مع انى ماجربتهاش بس يعجبنى شكلها و الأمكانيات اللى قرأت عنها فى المجلات الخليجيه من زمـــــــــــان
طبعا BMW X3 بلا منازع دى كفاية انها BMW
Jeep is good, good shape, relative good price
Bmw X3 طبعا
أنا أشهد للاند كروزر بالكفاءه في الصحراء
إحنا كنا راكبين في لاند كروزر 13 بني آدم في صحراء سينا والعربيه أصلا المفروض تشيل 8 بس والعربيه ما عملتش معانا أي موقف قله، مع إننا كنا بنطلع مرتفعات ومنخفضات ومناطق الرمل كثيف فيها.
بس الشهاده لله أنا ما جربتش أي عربيه تانيه في الصحراء بس أنا باحب اللاند كروزر جدا
أنا باتكلم عن لاند كروزر 70 سيريس
Land Cruiser 70 series
متهيالي كده الجيب الشيروكي يكسب لاني غالبا معرفش غيره
انا أختار النيسان باترول
ممكن بارجيرو
نيفا يوزد ..ههههه
هاشتري يوزد مش زيرو .. هاجيب بي ام اكس 3 او اكس 5 لو الماليه تسمح ..
شيروكي موديل 2000 سودا تكون فيها موتور كبير لو الماليه ماتسمحش ..
تيوتا هايلوكس لو فضلت متجند في العزبه عندنا ..
تويوتا لاند كروزور .. معجب بيها جدا
أحب أشترك معاكم ، أنا سوقت معظم العربيات دى فى تجارب حقيقية فى الجبل فى أكتر من دولة بحكم شغلى جيولوجى مواقع ، ممكن نعمل ترتيب حسب قوة الإحتمال والقيادة الوعرة ، وترتيب حسب الرفاهية والراحة
الأقوى إحتمالاً على الإطلاق هى الأسطورة نيسان باترول نجمة الراليات ، ودى جربتها فى شمال العراق لمدة 4 شهور وكانت بتقطع الواير لما بتسحب عربية غارزة ، وبتيجى وراها لاندكروزر الشهيرة اللى اللزمن مش بيأثر فيها ، ثم نسختها المصغرة برادو ، وبعدين شيروكى ، وبعدين الجى ام سى يوكن ، ووراها شيفروليه تريل بليزر صاحبة ، وفى آحر القائمة باجيرو الأكذوبة الكبرى اللى كسفتنا فى الجبل فى باكستان
بالنسبة للراحة والرفاهية ، المقارنة صعبة بين باجيرو ولاند كروزر بس باجيرو أريح من وجهة نظرى ، وبعدهم فى المركز التالت يوكن ، وبعدين برادو ، ثم بليزر ، وشيروكى الناشفة وضيقة ، وبعدين باترول فى آخر القائمة برفاهيتها المتواضعة وإمكانياتها الجبارة
عشان مانظلمش باترول ، فى نسخة منها إسمها سفارى بمحرك 4800 بدل التانى الصغير ال 4500 !! دى كاملة فيها كل حاجة ، إنما الباترول (الصغيرة) أفضل كتير لأنها مانيوال
أما بى إم ولاند روفر ماحصليش الشرف وركبتهم ، لاند روفر الأغلى على الإطلاق إنما مش بالضرورة ده مقياس للأداء ، إنما هو مقياس للتكنولوجى ، وشوفوا على سبيل المثال سعر الباترول الرخيص مقابل أدائها
انتو بتتكلموا فى اية اية الى مدخل بى ام مع توسان معلاندكروزر
باترول بدون كلام كتير بالنسبالي يعني..
مش محتاج ابداء اسباب لأن في الخليح العربيات اللي بتثبت نفسها هي اللي بتفضل ف السوق هناك..
انا اخر مرة كنت هناك كانت اللاند كروزر و الباترول هما الاكتر انتشار.. ناهيك عن الجي ام السوبربان و الحاجات العملافة دي..
انا عن نفسي ارشح الباترول.. اللي ايمعه ان النيسان اقوي واشد مواتير ف الياباني عموما..
نمرة واحد لاند كروزر ... نفسى فيها من زمان بصراحة .. بعد كده الفورد اكسبيديشن ... ماعرفش ليه مش موجوده وبعدين الباجيرو
بالنسبة الي mini 4*4 اختار x3
بالنسبة الي grand 4*4 اختار لاندكروزر
أمال فين النيسان الأرمادا يا جماعه دي حووووووووووت وأكبر من الباترول كمان
أنا من رأى الاخ جندى مجند
و فكرت فترة فى التيريوس 2 , بس برده سعرها غالى عليا !!!