محتاج مساعده حضراتكم فى شراء سياره

**modiali** · 28-05-2015 03:42 AM

السلام عليكم و رحمه الله و بركاته
اولا تحياتى للجميع و ارجوا انكم تساعدوني .....
انا قدامي عربية bmw 316 موديل 1980 او 1979 مش متأكد بالضبط , هيا باب واحد كوبيه صاحبها مهمل فيها يعنى عايزه شويه نضافه و الموتور 1800 سي سي و عجله القياده مش باور اكيد , بس بفرش بلادها الاصلي محتاج شويه تظبيط و وش نضافه و شويه تعديلات بسيطه و كماليات .
اللى انا عايز اعرفه , ياترى لو اشتريتها ممكن اغير الماتور بمكنه حديثه نضيفه ؟ و ياترى ممكن اركبله باور ستيرينج ؟ ولا بالبلدى هتقع فى ارابيزى و مش هعرف اعمل فيها حاجة و ابقى ضيعت وقتي و فلوسي ؟
ارجوا الرد سريعا
شكرا ليكم مره ثانية

**pepo2011** · 28-05-2015 09:09 AM

طبعا ينفع
ميزة bmwانك ممكن تعمل اي حاجة فيها بس دا يتوقف هاتاخدها بكام وهاتصرف كام وتقف عليك بكام؟؟؟لو كده هات حاجة 84 m30

**ali ashraf** · 28-05-2015 10:22 AM

المشاركة الأصلية كتبت بواسطة modiali

السلام عليكم و رحمه الله و بركاته
اولا تحياتى للجميع و ارجوا انكم تساعدوني .....
انا قدامي عربية bmw 316 موديل 1980 او 1979 مش متأكد بالضبط , هيا باب واحد كوبيه صاحبها مهمل فيها يعنى عايزه شويه نضافه و الموتور 1800 سي سي و عجله القياده مش باور اكيد , بس بفرش بلادها الاصلي محتاج شويه تظبيط و وش نضافه و شويه تعديلات بسيطه و كماليات .
اللى انا عايز اعرفه , ياترى لو اشتريتها ممكن اغير الماتور بمكنه حديثه نضيفه ؟ و ياترى ممكن اركبله باور ستيرينج ؟ ولا بالبلدى هتقع فى ارابيزى و مش هعرف اعمل فيها حاجة و ابقى ضيعت وقتي و فلوسي ؟
ارجوا الرد سريعا
شكرا ليكم مره ثانية

يا راجل موديل 1980 يعنى بقلها 35 سنة يعنى بتشترى حديد متهالك وده مش عيب استخدام ده قانون الحياة " القدم و التهالك" عمرها ما هتقفل فمها و هتصرف عليها اضعاف مضاعفة , لسه واحد من الزملاء ربنا يعوض علية خسر كتير فى مرسيدس نفس الموديل تقريبا, ابعد عن الشر و غنى له المستعمل بحد اقصى من 5 الى 8 سنوات استعمال غير كدة خردة على عجل فكررررررررررررررررررررررر رررررررررر الف مرة قبل ما تشتريها و ابعد عنها