الموضوع: مساعدة فى موضوع شخصى

مش عارف ابتدى ازاى افكارى مش مرتبة بس الموضوع هو انى عمرى 34 سنة ومش متجوز ومسبقش لى الاتباط غنسان غير اجتماعى وصداقاتى محدودة .
مرة واحدة بس سبق ليا الإعجاب ببنت كانت زيميلتى فى كورس – الموضوع ده كان من حوالى 10 سنيين – البنت كانت فى نظرى فتاة احلامى عندها شخصية مرحة وجاذبية شديدة وكانت جميلة جداً فى نظرى - المهم وقتها مكانش ينفع افكر فى انى اشترى جزمة جديدة مش انى اخطب واتجوز طبعاً انا كنت مش بشتغل وظروفنا المادية كانت سيئة وكان فى قبول شديد من طرف البنت بس انا قدرت ابعد عنها على الرغم من صعوبة ده علياً وتعبى النفسى بسبب ده بس كان عندى قوة وعزيمة وقدرت والحمد لله والايام قدرت تداوى جروحى. خصوصا انا انا مش بتاع علاقات وصحوبية والكلام ده .
انا لحد دلوتى متجوزتش بسبب الظروف المادية وبعض الظروف العائلية الاخرى ومش بفكر فى الارتباط إلا لما الظروف تتحسن ده لو اتحسنت على الرغم ان كل الناس بتسألنى انت ليه متجوزتش والموضوع ده ابتدى يضايقنى جداً.
من فترة اشتغلت معانا موظفة جديدة لما اتعاملت معاها حسيت بإنجذاب شديد ليها عندها شخصية مرحة وجذابة وجميلة وطيبة ومتزنة وفيها صفات كتير جميلة المهم انا عرفت انها فى الاربيعينات ومتجوزة من 25 سنة وعندها ولاد فى الجامعة مع انها مايبانش عليها ده خالص.
انا عارف ان ده غلط بس انا مش عارف امنع نفسى من التفكير فيها على الرغم ان عارف انى مش هعمل حاجة اكتر من كده ودايماً بفكر فيها –قبل كده كنت قوى وعندى عزيمة لكن دلوقتى حاسس بالضعف.
ياريت لو حد منكم عنده نصيحة ليا يتكرم على بيها مع العلم انى مش متدين قوى يدوب انا بصلى وبصوم رمضان ومش باذى حد وعايش فى حالى

عدم قدرتك على الزواج لأسباب مادية لا يبرر النظر أو التفكير في زوجة شخص آخر، فهذا لا يصح أبداً. هل تقبلها على نفسك؟ أو على أحد من محارمك؟

لا يخفى عليك أن هذا الموضوع بالذات سلف ودين، والعاقل من عفّ وغض بصره.


فهمت من كلامك أنك موظف، وهذه نعمة كبيرة حتى لو كان مرتبك منها ضعيفاً.

أخلص النية في موضوع الزواج وستجد تيسير كبير بإذن الله. ابدأ في خطوات البحث عن بنت الحلال التي تناسب ظروفك. وأنصحك أن تبدأ البحث في محيط العائلة والأهل أو الزملاء ممن يعرفونك ويفهمون وضعك، وبإذن الله ستجد من تناسبك.


لا تضع المستحيل أمامك وتنتظر تحسن الوضع المادي سنة وراء سنة، أو تصر على أشياء معينة ليس الآن وقتها مثل شراء شقة تمليك، الخ. سهل الأمور على نفسك.

هناك الكثير من البنات لا يتوقفن كثيراً عند الماديات ولا يتمنين سوى رجل محترم يتقي الله ويشعرن معه بالأمان.

توكل على الله واسلك طريق الحلال لأنك الآن في بداية طريق الندامة

الموضوع واضح زى الشمس... ده مش اعجاب ... دى شهوة واضحه ... و كونها عجبتك واحده فاضلها خمس سنين و ينقطع عنها الطمث يبقى لازم توسع دائرة معارفك لان البلد مليانه بنات صواريخ فى كل مكان و جميع الاعمار و الالوان .... الست دى صلاحيتها 5 سنين بالظبط ... و جوزها و ولادها و زمايلك فى الشغل لو عرفو حتمسح بيك الارض لو عاكستها او لو تسببت ف هدم اسرة .... ده غير ان ربنا عقابه فى الدنيا و الاخرة و كما تدين تدان ... ممكن ييجى اليوم و واحد يغوى مراتك او بنتك ....

اتق الله

أدعو لك الله بأن يصلح أحوالك ويقيك شر نزغات الشيطان ومداخله وان ييسر لك سبل الزواج الحلال وان يسعد به قلبك ويحصن به نفسك أمين
تحياتى

يعني اكبر منك ب 10 سنين مثلا و كمان متجوزه و عندها عيال ؟؟؟ حرام عليك و الله