انا مش محامي ولكني هقولك نصيحه تجربه شخصيه
للاسف من مرور من مشكله متشابهه مع شركه الكهرباء اقدر اقولك مش هيقدروا فعلا يعملوا حاجه لحين صدور الحكم...للاسف ايصال الكهرباء بيعتبر سند ملكيه قوي وبيتاخد به في اي مكان كسند ملكيه اساسي علشان كدا بتكون شركه الكهرباء حذره جدا في التعاقدات علشان لو عملولك تعاقد ورجعت بعد كدا خسرت القضيه يبقي من حق المالك القديم يرفع عليهم قضيه وتبقي الشركه دخلت كطرف في نزاع هي ملهاش علاقه به
بص حاول انك تروح بالتوكيل اللي معاك وعقد الشقه الاصلي (اللي بيسموه العقد الازرق وده لازم يكون معاك)علي الشركه صاحبه المبانى بتاعتك...اعمل بالتوكيل ده نقل ملكيه لك....هيكلفك شويه في حدود 2000 او 3000 جنيه...وبعد لما يتعملك نقل ملكيه اطلع بالعقد الجديد على شركه الكهرباء واطلب رفع العداد واعمل تعاقد جديد لأن العقد الجديد اللى معاك يعتبر سند قوي برضو لانه بيكون مختوم من المحافظه بختم النسر...دي محاوله يمكن تنجح ويمكن لاء...و برضو ممكن متعرفش تعمل نقل ملكيه لان شركه المبانى ممكن تشترط امضاء المالك الاصلي اللي مسجل الشقه عندهم بأسمه ومياخدوش بالتوكيل...
شراء شقه بتوكيل بقي مش وسيله امنه حاليا بصراحه
تحياتى
المفضلات