الموضوع: التكييف حارق دمي

الساده المهندسين واصحاب الخبره الافاضل

السلام عليكم ورحمة الله وبركاته

اولا دي اول مشاركه ليا وده اللي دفعني اسجل بالمنتدي الكريم انا من شهر تقريبا اشتريت جهاز شارب 1.5 حصان اسبليت بارد ساخن وطبعا اشتريته بناءا علي توصيات كتير ان شارب العربي احسن حاجه فى السوق
المهم مع بدايات موجات الحر بدات اشغل التكييف وللعلم الفني اللي جه ركب ويدوب شغل المروحه الداخليه اشتغلت وطلعت شوية بروده راح قال تمام كده ومشي
وبعدها مش شغلت التكييف خالص الي ان هجمت علينا الموجات الحاره بدات اشغل التكييف اول يوم حصل الاتي

الجهاز اشتغل لمدة نص ساعه تقريبا والتبريد ضعيف جدا وبعدها الكبروسور فصل وبقا كل لما ييج يشتغل يفصل مع حدوث ضجه كبيره وصوت عالي

فصلت الجهاز واتصلت بالتوكيل بعت لي فني وقال ان الضغط عالي 90 ولازم نظبطه علي 60 وظبطه علي كلامه وبرضه شغل يدوب المروحه اشتغلت وطلع منها نسيم وليس تبريد قال تمام كده وراح مشي وطلب من اشغل الجهاز بالليل علشان اجربه لان الجو كان حر جدا ده امس الاربعاء

شغلت الجهاز وعلي خاصية التيربو كمان الجهاز اشتغل نص ساعه وتبريد ضعيف جدا وراح فاصل الكبروسور وراسه والف سيف ما يشتغل تاني فصلت عنه الكهربا وسيبته نص ساعه وبرضه ما اشتغلش
شغلته تاني بعد حوالي ساعتين اشتغل الحمد لله لكن برضه مفيش تبريد ضعيف جدا والغريب ان الكومبروسو بقا يفصل ويشتغل مع ان مفيش تبريد ومسكت بايدي مواسير دورة التبريد النحاس لقيت الماسوره الرفيعه بارده شويه والتخينه بدرجة حرارة الجو مع اني لما عملت كده فى جهاز اخويا وهو نفس النوع لقيتههم متلجين

فمش عارف اعمل ايه ويا تري ايه الحل ده انا دافع 4000 ج م يا ناس

اسف علي الاطاله بس انا دمي محروق وحبيت اوضح

وشكرا لكم جميعا

لو متحلتش المشكلة اطلب تغيير الجهاز كله