| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 5 من 6 الأولىالأولى 1 2 3 4 5 6 الأخيرةالأخيرة
النتائج 41 إلى 50 من 55

  1. #41

    الصورة الرمزية ashouhdy

    رقم العضوية : 36989

    تاريخ التسجيل : 01Apr2009

    المشاركات : 10,392

    النوع : ذكر

    الاقامة : Alexandria

    السيارة: كروز 2014

    السيارة[2]: Car Enthusiaset

    دراجة بخارية: :))

    الحالة : ashouhdy غير متواجد حالياً

    افتراضي -

    hasad">

    تحديثات جديدة


    الحمد لله تم حل جميع مشاكل الفتيس بصفة نهائية بأذن الله للسيارة كروز من عام 2014
    تم كتابة هذا البوست لضمان اقصي معلومات وافضل مصداقية لكل باحث عن افضل سيارة بالفئة دى بالسوق.
    البوست منقسم الي:
    طريقة تغيير زيت الفتيس / انواع الزيوت للفتيس النتوافقة بالسوق المصري / معلومات عن الكروز2016 وكل كماليتها / اكثر الاسئلة شيوعا / اماكن للصيانات ومراكز صيانة متجربة / اسعار قطع الغيار
    والافضل للسيارة هو الاهتمام بالصيانات في مواعيدها وغيارات الزيت, وهنا ستجد كيفية تغيير زيت الفتيس بنفسك والموتور اذا كنت بعيدا عن مراكز الخدمة وحان موعد تغيرة.
    مع تحيات ‫#‏أدمنز‬ كروز تيم
    تحذير
    هام جدا البوست دة فية عصارة خبرات الجروب,
    هذا البوست المثبت بة كل ما تحتاجة لتكون مالك ذو خبرة في الكروز وخاص وحصري بجروب كروز موتورز تيم CruzeMotorsTeam واعضاؤة وغير مسموح نهائي بالنسخ او النقل.
    اولا الجزء الخاص بالفتيس:
    موضوع هام خاص بالفتيس واي موضوع خاص بالفتيس حيكون في البوست دة وتعليقاتة فقط او حيتم المسح.
    تابع التحديثات دايما في البوست بالتاريخ من اسفل.
    ************************************************** *********
    الطريقة دي لتغيير الزيت بنفسك في اي بنزينة للصيانة الوقائية ولو حسيت بأي نوع من القلق في مراكز متخصصة لتغيير الزيت بكل سهولة.
    طريقة تغيير زيت الفتيس للكروز والاسترا j
    * اعادة كتابة للبوست بطريقة مبسطة وسهلة و متوافقة مع كلة *
    لازم يتغير كل 30الف كيلو بنوع محترم
    ==================================
    بيتغير علي مرتين للعربيات بكيلومتر قليل 40 او 50 الف مثلا او 30ال لكن العربيات اللى عاملة مثلا 80الف وبقالها سنين لها طريقة اخري عبارة عن تفريغ كامل كمية الزيت 9لتر ونضافة دورة التبريد (اسأل عنها)
    ولازم يكون مواصفات الزيت (ديكسرون٦) ودة بيبقي مكتوب عالعلبة بتاعت الزيت.
    والموبيل 330 اللي في البنزينات مش متوافق مع العربية.
    طريقة التغيير للكيلومتر المعتاد من زيرو الى 50الف
    الطريقة سهلة جدا ، في 3 طبات ( لو مش عارف فين اماكن الطبات اسأل في التعليق )
    واحدة بنفضي منها وواحدة بنقيس منها واحدة بنعبي منها
    دور العربية وسيبها تسخن وهات كل النقلات واقف على كل نقلة 3 ثواني وبعدين هات البارك
    اقفلها
    ارفعها بالتساوي يعني في البنزينة او من 2 كوريك قدام وورا
    نفتح طبة التفريغ ونسيبها تنزل كل الزيت
    بعدين اقفلها
    زود 4 عبوات (4 لتر)
    دور العربية و سيبها دايرة .. *مهم جدا جدا جدا جدا انك تدور العربية قبل اللى جي*
    افتح طبة القياس ( اوعي تفتحها والعربية مقفولة ..مهم جدا تكون العربية دايرة)
    لو طبة القياس لقيتها بتنقط زيت (بتنقط يعنى ما بين كل نقطة والتانية ثانية)
    يبقي كدة تمام اقفل كلة وانت خلصت.
    لو منزلتش حاجة يبقي
    عبي زيت من فوق وافضل زود لحد ما طبة القياس تنقط زيت
    اول ما تنقط وقف تعبئة زيت
    اقفل طبة القياس وطبة التعبئة
    العربيات لحد 2014 حتاخد 5 لتر الا ربع
    من 2014 وطالع في حدود 4 لتر الى اربعة ونص
    والاهم ان طبة القياس تنزل لان دة المقياس
    تكرر العملية بعد 200 الي 300ك
    بس خلاص
    يكرر عملية تغيير الزيت كل 20الف كيلو
    فيديو للطريقة
    http://www.youtube.com/watch?v=ipdcU24uXxU
    =================================
    زيت موتورك :
    5w30 or 5w40 Acea A3/B3 SN
    او
    Dexos2 Approved Oil Acea A3
    5w30 ودة اللزوجة المطلوبة للعربية او 5w40
    لو العربية عاملة كيلوهات عالية 80 الف ك وطالع يفضل زيت لزوجة 5w40
    الكمية مظبوطة ٤ لتر و نصف فقط بالفلتر او ٤ لتر وربع فقط بدون تغيير فلتر دة للموتور الجديد من اول موديلات 2013
    الموتور القديم ما قبل 2013 بياخد 4 بالفلتر ...
    لو عملت كل الكلام دة زيت فتيس و ماتور...بأذن الله تعالي انسي اي مشاكل او اعطال
    العربية وحش عالطريق قوة وفرامل و ثبات ماشاء الله وتكييف رائع وعفشة قمة في النعومة مقارنة بكل فئاتها من سيراتو و فلوينس غير التقفيل و العزل اللي معدي الفئة دي بسنين ضوئية
    المرسيدس السي كلاس الجديدة جابت مواتير و التوكيل شال ايدة وقالهم اخبطوا راسكم في الحيط و الفلوينس بعض مواتيرها بتجيب زيت وهي زيرو ... تقريبا كل الفولكس والجتا والسكودا اللي بفتيس DSG بتحيب فتيس في اول سنة ودة في كل العربيات تقريبا مش موديل وموديل.
    الكمال لله .... اتبع التعليمات الصح وانت تعيش مبسوط ... عصر الاعتماد علي التوكيل في المعلومات انتهي في كل العالم ... انا مشترك في منتديات اجنبية وكلة بيسأل بعضة و التوكيل اخر حاجة بيرحوها.
    ************************************************** ******
    تحديث 9 ديسمبر 2014
    حصر للزيوت المتوافقة مع مواصفات ديكسرون 6 بمصر:
    موتول atf dexron6
    ليكوى مولي toptec1800
    اي سي ديلكو ديكسرون6
    موبيل ديكسرون6 العلبة الزرقا
    فالفولين ماكس لايف
    وولف اوفيشيال تك atf vi
    الجزئية اللى جاية تفاصيل فنية اوي لمواصفات الديكسرون6 ممكن تعديها وتروح للجزئية اللى بعديها smile emoticon
    اولا مواصفات ديكسرون6 الاساسية ان الزيت يكون لزوجة 6.4 عند درجة حرارة 100
    و منحنى اللزوجة 154
    و اى لزوجة اعلى تكسر رقم 7 يبقي دخلنا في الديكسرون3 الغير متوافق مع العربية.
    حصر لأنواع الزيوت المتوافقة مع ديكسرون 6 في السوق المصري:
    1-
    زيت فالفولين ماكس لايف سعر العبوة الواحدة 90 جنية
    لزوجة 6 عند درجة حرارة 100
    منحنى اللزوجة 163
    2-
    زيت موبيل ديكسرون6 العلبة الزرقا
    لزوجة 5.83 عند حرارة 100
    منحنى اللزوجة 145
    3-
    زيت موتيول Motul Atf Vi
    لزوجة 6.1 على درجة حرارة 100
    منحنى اللزوجة 152
    4-
    زيت ولووف البلجيكي اوفيشيال تيك atf dvi
    سعر اللتر 90 جنية
    لزوجة 6 عند حرارة 100
    منحنى اللزوجة 151
    كدة يبقي الاقرب والافضل لمواصفات ديكسرون6 الاساسية هو زيت موتيول atf vi
    ************************************************** *********
    مراكز الخدمة المتجربة :
    تحديث 20 مايو 2015
    حصر لمراكز الصيانة والعفشجية و الميكانيكية المتجربين من الاعضاء , ومنقول كلامهم بالنص كالتالي للي خرج من الضمان او حابب التعامل بعيد عن التوكيل:
    1-
    عبد الرحمن شغال في توكيل سموحة بالاسكندرية اللى بيعمل الصيانات
    و دة رقمة ومعرفش ورشتة فين برة
    01224534844
    2-
    محمد ... شغال في توكيل رابعه العدويه ... ورشته مدينة نصر الحي السادس
    3-
    محمد جابر
    كهربائي و متخصص كروز في أسكندرية
    راكبلي داي لايت بيعلى ويوطي ذى الفابريقة مع نور التابلوة
    و ويلكوم لايتز تنور الفوجات مع السنتر
    فاهم جدا ومحترف كروز ونضيف بهبل
    مكانة قدام جنينة الشلالات في اسكندرية في الشارع اللى فية حلوانى مانا للجاتوة
    01220061285
    4-
    مركز عصفور كار كلينيك للفتايس الاوتو تصليح وعمرات
    و تجديد
    Asfour Car Clinic
    مهندس اشرف عصفور
    ٠١٠٠١٦٠٥٥٥٤
    ٠١٢٢٤٦٨١٩٢٤
    Asfour Car Clinic
    عنوان المركز علي البوست المثبت
    هو في الكبلو ،٢٣ طريق مثر اسكندريه الصحراوي.
    مدخل عبد القادر
    طريق البتروكيماويات
    اسكندريه
    5-
    مركز فالفولين للزيوت بأكتوبر
    المحور المركزى مول اجياد بعد ميدان النجده الساحه الى بعد بنك فيصل
    ناس فاهمين جدا وممتازين
    01061015026
    6-
    مركز (تم الحذف)
    7-
    الأسطي ياسر المخ
    سمكري ايدة تتلف في حرير عالمي بجد بتعامل معاة من سنيين طويلة
    الاسكندرية قبل مستشفي طلعت مصطفي قبل المطب طريق المطار وانت رايح على كارفور
    قبل توكيل بيجو و بروتون في داخلة صغيرة
    ثالث ورشة عالشمال
    01001520261
    8-
    محمد العفشجي
    اسكندرية الابراهيمية
    تاني شارع يمين بعد الاشارجي العالي
    01223654305
    9-
    مركز اوتو برو
    حضر المقابلة معانا و كان راجل متميز بالعلم والذوق والاخلاق
    شكر فية كثيرون من اللي تعاملوا معاة
    بلوك12 شارع الجيزة متفرع من شارع9 ميدان المفارق مساكن الزلزال المقطم القاهرة
    م. أشرف مكي
    01153831609
    10-
    احسن عفشجى فى 6 اكتوبر ؛ بوجى فالحى السادس سنتر وادى الملوك
    11-
    المهندس طارق الميكانيكى الورشة اسمها اليابانى فى ميامى شارع اسكندر ابراهيم ناحية القطار كشف بالكمبيوتر ومتجرب وبيفهم فى السيارات الحديثة ورقمه ضاع ان شاء الله هجيبه
    12-
    جمال شبل.. عرب المعادي... بوهيجي وعنده سمكري تبعه .. امانه لا توصف باتعامل معاه من 10 سنين باسبيله العربيه وامشي بجد رقمه
    بعد مكتبة المعادي يمين .. في مربع جوه مليان صنايعيه
    01223341611
    13-
    اسطي هلال سمكرى...في الدقي في الشارع الجانبي اللي جنب جاد بتاع شارع التحرير....تليفونه 01220635637
    يتبع
    ************************************************** ***********
    تحديث 18 اكتوبر 2015
    مواصفات شيفورلية كروز 2016
    في يوم الاتنين الموافق 5 اكتوبر
    منصور و جي ام مصر اطلقوا حفل الكروز2016
    مع حركة حلوة انهم دعوا ادمنز واعضاء 15 فرد جروب الكروز تيم من الفيسبوك لحضور الاحتفال ومناقشة كل ما يهمهم عن الكروز
    ودي تعتبر اول مرة في السوق المصري ان مسئول ال customer satisfaction يدعوا اصحاب العربية نفسهم من كل الموديلات من 2010 لحد 2015 لحضور الاحتفال والمناقشة والكلام و الوعود اللى شفنا منها شوية حاجات بالفعل بالتطوير وراحة الناس
    ( ونتمني اكتر واكتر ولسة في سلبيات طبعا بس الوضع جميل وفية تفاؤل )
    العربية تزيد عن ال 2015
    الاتى
    فوج لايت امامي عدسة وخلفي
    جنوط بشكل جديد
    مفتاح شنطة داخلى ولوك الباب اتنقل للباب
    اكصدام امامي جديد وفوانيس خلفية جديدة
    العربية 2016 كورى بالكامل ... والشكل الجديد كليا (المختلفة خالص مش اللى في الموضوع ) لسة منزلش في العالم كلة واحتمال ظهورة في مصر في اكتوبر2017
    العربية حتنزل 2 فئة واحدة ب 148 وواحدة ب 157
    اللي ب 148 حتقل عن الهاي لاين انها حتبقي بايرباج واحد ومفيش مالتى فانكشن او جنوط او فوج لايت او دريكسيون تليسكوبك
    لكن الجميل ان كل مواصفات الامان اساسية في الفئتين من esp tc abs ebd ba
    والهاي لاين 2 ايرباج
    والعربيتين طبعا ايمبويليزر ...
    ملحوظة ان السعر دة يعتبر سعر اطلاق وممكن يزيد في الاسابيع الللى جاية.
    والجدير بالذكر ان العربية من اول عام 2014 محدثة تماما بموتور 116حصان وفتيس حديث بكنترولات وكمبيوترات جديدة , وال 2013 بموتور جديد فقط وماقبل 2013 بالماتور القديم ال 107حصان
    ‫#‏مواصفات_كروز‬ 2015 لو في حاجة ناقصة نضيفها.
    الجدير بالذكر ان ال 2016 الهاي لاين بها كل الاتى في الفئة الهاي لاين.
    موتور 1600 بقوة 116حصان و عزم 155نيوتن بيشتغل عادى جدا ببنزين92 حديث
    فتيس 6 سرعات ستيبترونيك حديث مطور بكود 6t30 من اول 2014
    4 ازاز كهربا بلمسة واحدة
    اشارات بالمرايا
    تصفيح بالكامل اسفل السيارة
    فولو مي لايتس لما تنزل تضرب رعاش تفضل منورة لحد 2 دقيقة
    فوج لايتس اصلي
    اصوات تنبية عند ترك فرامل اليد مرفوعة والسير بالعربية
    اصوات تنبية عند ترك الاشارة مضاءة فترة كبيرة
    اصوات تنبية عند ترك اى انوار مضاءة ونزلت من العربية
    صوت الانتظار بعد فترة جوة العربية والمفتاح متشال بيقلب صامت
    سنترلوك بأنذار فابريقة مش راكب في التوكيل
    ايمبوليزر الجيل الخامس احدث جيل
    طارة مالتي فانكشن
    حامل اكواب متحرك
    كاسيت سي دى ام بي 3 ب aux
    كاسيت العربية auto volume الصوت بيعلي و يوطي اوتوماتيك حسب الضوضاء
    تحكم منفصل للاكواليزر واعدادت صوت الكاسيت للراديو والسي دي وال aux
    أمكانية ضبط صوت الكاسيت العلو عند الفتح اوتوماتيك عشان لا تفاجأ بعلو الصوت
    كاسيت العربية صوت قوى جدا بأربع سماعات 45وات في 4 سماعات
    تحكم في اعدادت العربية من الكاسيت مثل الاشارات الانوار وصوت الكلاكس مع الغلق
    فصل اوتوماتيك لكل كهربا العربية بعد 10 دقايق لضمان الحفاظ عالبطارية
    تكييف بحساس الكنرونى لقياس مدى نسبة الاوكسجين بالكابينة
    ازاز العربية حرارى 30% عزل حرارة
    عفشة بتصميم رياضي
    تصفيح للموتور كامل امامي
    مرايات تحكم كهرباء بدون ضم
    فتح الشنطة بالكامل فتحة كاملة من ريموت العربية
    دركسيون تليسكوبي بيتحرك برة وجوة وفوق وتحت
    كرسي السائق 6 اتجاهات وبيعلى ويوطي
    كمبيوتر كامل بيتحكم في العربية يقرا اى اعطال وينبهك ليها
    كمبيوتر رحلات
    كمبيوتر لحساب استهلاك البنزين اللحظي ولكل 100ك متر
    كمبيوتر يحسب الكيلومترات المتبقية بالبنزين اللي في العربية
    دواسة البنزين كهربا مش على سلك واير
    عزل مضاعف للعربية في الكابوت والشنطة والابواب على 2 كاوتش تخين و موكيت شمواة
    عزل اسفل الابواب لمنع دخول المياة بكاوتش مخصوص
    جنوط مقاس 16 بكاوتش عريض 205 على 60
    مسامير الجنوط صلب مش زهر ذى الكورولا الجديدة
    تصميم رياضي للعفشة من المساعدين والسوست الخلفية للثبات
    ارتفاع العربية 16 سنتي عن الارض
    ديسكات فرامل امامية وخلفية بقطر كبير
    ABS نظام مانع للانغلاق
    EBD توزيع الكتروني للفرامل على كل فردة كاوتش على حدى
    TC تراكشن كنترول لمنع انزلاق السيارة او الكاوتش
    ESP نظان اتزان الكترونى لمنع تعويم العربية عالملفات والغرز او الطرق الزلقة
    Brake Assist معزز فرامل للطوارئ
    2 Airbags
    مخدع امامي بدرج كبير متحرك
    حامل اكواب في كل باب
    2 مخرج كهرباء امامي وخلفي للركاب الخلفيين
    شنطة العربية واسعة جدا ماشاء الله بحر وعريضة
    الدرج الامامي بلمبة اضاءة وواسع جدا
    اضاءة انوار السيارة والتابلوة عند فتح الباب
    اضاءة انوار صالون السيارة عند فتح العربية من الريموت
    غلق اوتوماتيك للسنتر عند الوصول لسرعة 10كيلومتر
    ************************************************** *******
    أكثر الأسألة شيوعا FAQ :
    سؤال: العربية بتفضل جايبة 5 مع الحرق ومش بتنقل 6 طول ما انا حارق او لو جايب مانيوال وعالسادس لما السرعة بتزيد عن 180 العربية بتنزل للخامس
    .
    .
    .
    اجابة: الترس السادس ترس ايكو للتوفير عزم قليل عشان يريح الموتور في الجري الهادى ويوفر بنزين لما العزم بتاع الموتور بيزيد عن قدرتة العربية بترجع للخامس الاقوى عزما واداء عشان تدي الاداء المطلوب
    .
    .
    .
    سؤال 2: العربية اخرها 190
    أجابة: حقيقة ال 2014 وطالع اخرها فعلا 195
    .
    .
    .
    سؤال3: هل العربية كوري
    اجابة: الشيفورلية كروز عربية أمريكي بتتقفل في كذا منطقة ذى استراليا كندا كوريا امريكا
    واحنا بيجلنا التقفيل الكورى اللى بيروح للشرق الاوسط كلة واوروبا كلها
    مكونات العربية اغلبيتها اوروبي وامريكي وبعض الاجزاء كوري طبقا لبلد التقفيل.
    والعربية الدايو لاسيتي هى الكروز ولكن كانت شركة جنرال موتورز وقتها لم تأخذ حق وضع العلامة التجارية الخاصة بها على العربية وكانت بتنزل بعلامة المصنع الكورى الدايو لحد ما اشترتها كلها واصبح لها الحق وضع علامتها التجارية عليها
    .
    .
    .
    سؤال4: العربية فعلا ماتور و فتيس استرا او فتيس جديد
    اجابة: الماتور فعلا من اول 2013 هو ماتور الاسترا الجديدة اللى بتنزل عندنا لحد النهاردة
    الفتيس اتعدل 3 مرات عن 2010 لحد 2013 كان بأخر تعديل وكودة 6t40.
    من اول 2014 فتيس مختلف في اجزاؤة ( تورك كونفرتور مختلف وكارتة مختلفة و تصميم مختلف وكارتة الكمبيوتر الرئيسية للعربية مختلفة ) مش مجرد تعديل بكود 6t30 ودة فعلا اللى نازل حاليا المفروض في الاسترا 2014 و 2015
    طب هل العربية بتجيب فتيس ! اى عربية في الدنيا معرضة للاعطال المهم متابعة غيارات الزيت بدري بدري بالطريقة الصح ولكن من اول 2013 اصبحت نادرة الاعطال واحنا حاليا داخلين ع 2016
    .
    .
    .
    سؤال: الكروز الجديدة اعلي من القديمة؟
    اجابة: فعلا الكروز من 2013 اعلى من ما قبل بحوالى 2 سنتى و نص نتيجة اختلاف اليايات , القديمة يايات ارفع فبتاخد ثقل العربية وتنزل بية لتحت على عكس الجديدة يايات اتخن مش بتهبط بثقل العربية
    .
    .
    .
    سؤال: تكلفة تغيير الفتيس في التوكيل كام ؟؟؟
    أجابة: تكلفة تغيير الفتيس لموديلات 2010 (عدي على الضمان 3 سنين بفرض اننا في 2016) بالضبط 15الف جنية ... اما بالنسبة لا قدر الله موديلات حديثة حصل لها اى عطل كان من اول 2012 وخرجت من الضمان مثلا تكلفة التغيير 10% من ثمنة اى حواللى 6500ج بالضبط طبعا بضمان التوكيل لمدة عام
    وللعلم هناك مراكز متخصصة لاصلاح الفتيس مذكورة في البوست المثبت
    .
    .
    .
    معلومة:
    العربيه يا جماعه الخير سرعتها اخرها ٢٠٠ مع الحرق يعني للي بيحب يجري او يطلع فوق ال ٢٠٠ العربيه مش هتنفعو العربيه مريحه وفيها نسبه ثبات عاليه مقارنه بعربيات كتير من نفس الفئه سحب العربيه بالموتور والفتيس الجديد متجرب كذا مره من صفر ل ١٠٠ في ١٠ ثواني العربيه مش بتكسر سرعه ال ٢٠٠ وفي ناس اخرها معاهم ١٨٥ هيا العربيه كدا والعربيه كوري وموديل ٢٠١٦ الفيس ليفت برضو كوري
    .
    .
    .
    س ..وسائل الامان في الكروز
    ج.. 2ايرباج
    abs
    ebd
    تركشن كنترول tc
    نظام الثبات الالكتروني esp
    مفتاح مشفر
    تحكم في فتح الابواب من زرار فتح اللوك في الريموت
    .
    .
    .
    س: العربية دي عفشتها اية؟
    ج:
    العفشه امامي ماكفرسون عباره عن سوسته في قلبها المساعد ومقصات اماميه الومنيوم وراكبه على سب فريم راكب على الشاسيه علشان يقلل الاهتزازات والضوضاء الباور ستيرنج زيت والعفشه الخلفيه تورشن بيم
    .
    .
    .
    س.نوع الكوتش
    س.مقاس الكوتش
    س.نوع الجنوط
    ج.كومهو .او .هانكوك
    ج.16-60-205
    ج.جنوط اسبور ..الاستبن حديد نفس المقاس
    .
    .
    .
    سؤال انا اشتري كروز ليه
    علشان جروبها يخليك مطمن طول الوقت smile emoticon
    .
    .
    .
    سؤال: العربية وانا مشغل التكييف ساعات بحس انها عايزة تبطل عالسرعات البطيئة
    أجابة: تأكد من جودة البنزين اللي في العربية لانها حساسة للبنزين الردئ و التبطيلة دى لأن نسبة الحرق غير كافية لتدني رقم الاوكتان ,حط بنزين من محطات محترمة وكل 5الاف كيلو حط منظف دورة البنزين
    .
    .
    .
    سؤال : وانا بدور الصبح بحس ان الموتور بيترج او العربية بتترج
    اجابة: الموتور الجديد فعلا في الcold start بيترج خفيف ودة في كل الكروز مع التدويرة .. لتقليل نسبة الرج دي انتظر اللمبات انها تطفي
    .
    .
    .
    معلومه عن البوجيهات Before 2013 njk bkr6 heat range 6 size 16 mm iridum or platinum or v power
    :2013-2015. Njk. Zfr6 heat range 6 size 16 iridum or platinum or copper size 16Electrode gap 0.9 for both models
    .
    .
    .
    س : ما انواع وخواص السوائل في السياره .
    ج: زيت الموتور يفضل استخدام زيت تخليقي بالكامل Fully synthic 5w30 or 5w40 زيت الفتيس Dexeon VI fully synthic مياه التبريد تحتوي على مضاد للتجمد جليكول الايثيلين بتركيز ٥٠ في الميه لون احمر مواصفات gl12+
    .
    .
    .
    س: هل ممكن تركيب اى كماليات في الكروز ام لا وهل التوكيل يعترض ام لا
    ج: يمكن تركيب كماليات بكل سهولة شرط الخبرة في التركيب والتوكيل لا يعترض طالما العربية بخير ! مثال: اذا حدث عطل كهربي وكنت مركب زينون سيرمي اللوم عليك ويحملك السبب بسبب الزينون
    .
    .
    .
    س: احيانا مع التدوير بنسمع زنة كدة في التابلوة
    ج: دة صوت بوابة التكييف بتعمل تيست و تفتح مع الدوارة دايما في كل الموديلات
    .
    .
    .
    س: هو موتور العربية كورى ؟ 2013 و طالع
    ج: موتور العربية صناعة اوروبي و بلد المنشأ هنجارى - سويسرا وبالتحديد St.Gotthard
    وهو كودة بالتحديد 1.6L I4 fam1 Generation3 LDE
    قوتة 116حصان صافي بنسبة انضغاط 10.8:1
    .
    .
    .
    س: هي كل موديلات الكروز نفس الموبينة بتاعت الكهربا ؟
    ج:
    موبينه العربيه لحد ٢٠١٢ عباره عن قطعه واحده وطالع منها اربع اسلاك لكل بوجيه سلك وفوق ٢٠١٣ عباره عن موبينه خاصه لكل بوجيه ودي طبعا اقوى وافضل القديمه
    .
    .
    .
    معلومة:
    كوعه الثيرموستات عباره عن جزئ ميكانيكي بيفتخ لما الحراره تعلى والضغط يزيد دا في موديلات لحد ٢٠١٢ ومن اول ٢٠١٣ ثيرموستات كهربائي التحكم بالكامل
    .
    .
    .
    معلومة:
    فلتر الزيت في موديلات لحد ٢٠١٢ فلتر حشو تقليدي بعلبه معدنيه اما من اول ٢٠١٣ عباره عن حشوه فقط
    .
    .
    .
    س: العربية دى بتاعت شد
    ج: العربية بتجري وسريعة وتمام ولكن الاوتوماتيك واى فتيس اوتو مش بيحب الكيك داون الكتير عمال على بطال لأن الزيت بيشخن جامد والتورك كونفرتور بيتعب
    .
    .
    .
    معلومة:
    فلتر هواء الموتور والتكييف مشترك بين كل موديلات الكروز والاوبل استرا وكذالك المقصات والمساعدين والسوست
    .
    .
    .
    معلومة:
    زيت الباور لديه ماسوره تبريد في كل الموديلات وزيت المكنه في في موديلات من اول ٢٠١٣ له دوره تبريد
    .
    .
    .
    معلومة:
    موديلات الكروز لحد ٢٠١٢ تعمل بنظام تقليدي للكامات بمعنى ان زوايا الفتح والغلق ثابته مسبقا على سير الكاتينه في المقابل موديلات من اول ٢٠١٣ تعمل بنظام الكامات متغيره التوقيت ودا افضل وبيدي عزم اكتر وبيقلل استهلاك البنزين VVT
    .
    .
    .
    س: هل يوجد فرق في العفشة بين الشكل القديم و الشكل الجديد؟
    ج: اة في فرق ، يايات الشكل القديم تعتبر اقصر فالعربية بتكون اوطي ، و مساعدين الشكل القديم انشف من الشكل الجديد ولكنهم نفس البارت نامبر و بيركبوا علي بعض عادي جدا
    .
    .
    .
    س : أعراض تلف علبه البيئه ؟
    ج: كذا حاجه بتعرفك ان علبه البيئه فيها مشكله منها حساس الاوكسوجين رقم ٢ في حاله تكسر الماده الفاعله في العلبه او انتهاء صلاحيتها وفي حال انسداد العلبه هتلاحظ ضعف سحب العربيه ومترضاش تجيب سرعات خالص ممكن متعديش ال ١٠٠ كيلو واحيانا نتش في الفتيس وتوصل لمرحله ان العربيه تطفي متشتغلش خالص.
    .
    .
    .
    س: هل الكــــروز استهلاكها عالى فى حرق البنزين
    ج: الكروز حساسه جدا فى ضغطت رجلك على دواسة البنزين وموفره جدا فى طرق السفر الطويله بتوصل فعليا 7.5 لتر لكل 100 كيلو اما مابين داخل البلد فى الزحمه ومابين الطرق السريعه فمتوسط الاستهلاك 9.5 لكل 100 كيلو ده مش كلام نظرى ده استهلاك عربيتى من الزيرو والى الان (عربيتى كروز 2013 بالموتور الايكوتك الجديد) يعنى التانك بيوصل معايا الى 650 كيلو من اول تفويلة الزور الى حد ما لمبة تنبيه نفاذ الوقود ماتنور والتانك 60 لتر وهو الاكبر فى فئتها ولا منافس فى حجمه فى فئتها وبيريح بالك فى السفر وفيه كمان احتيطى مقدر ب 8 لترات بعد مالمبة البنزين تنور تمشيك الى اقرب بنزينه.
    .
    .
    .
    س: هل عزل الكروز جيد
    ج: عزل الكروز من افضل مايمكن فى فئتها لباد فى كل زاويه ومكان ... قوايم ... سقف بلستيكات صغيره فى الاركان ... والارضيه سمك العزل فيها 3 سم تقريبا بفوم عازل تحت طبقة الموكيت والموكيت نفسه هو افضل خامه لمستها عن قرب فى فئتها بعد مقارنات كتير فى خلال رحلتى قبل الشراء
    .
    .
    .
    س : ماهى الملحقات مع السياره
    ج: الملحقات هيا اريال وطفايه وولاعه (فى 2013 وماقبل فقط) و4 دواسات موكيت من افضل الخامات فى فئتها وقاطره تستخدم عند جر السياره فى اوقات الاعطال لاقدر الله وكتالوج وكتيب ضمان من منصور
    .
    .
    .
    س: هل من الافضل للفتيس اني اسيبه علي N. وابطل العربيه ولا الافضل. علي البارك
    ج: يفضل طبعا على البارك فى الركنات ولكن لو على مرتفع او منخفض شد فرامل اليد كويس جدا وبعدين عشق والعكس لما تيجى تتحرك.
    .
    .
    .
    س: ازاي بقي اجيب بالفتيس السادس
    ج: الفتيس بيجيب السادس بكل سهوله لو انت عودت العربيه على نمط القياده الاقتصادى يعنى رجلك تكون خفيفه جداااا انا الفتيس عندى بيتلكك يجيب السادس
    .
    .
    .
    س: ما هي مقاسات لمبات الكروز للفانوس الاصلي
    ج: اللمبات الاصلية مقاسها h4 و الفوج h8
    .
    .
    .
    س: هل يمكن وضع لمبات ذات وات عالي 100 وات و 200وات بدل من اللمبات الاصلي
    ج: لا يمكن و حتحرق الفيوز في صندوق الفيوزات
    .
    .
    .
    س: ما معني لمبة الاعطال البرتقالي مضاءة في التابلوة بشكل مستمر بدون فلاش
    ج: معناها ان هناك عطل غير عاجل يتطلب وضعها لما تيجي فرصة علي جهاز الاعطال ولكن لو اللمبة بتنور و تطفي ذي الفلاش دة عطل خطير و يجب حمل العربية الي التوكيل
    .
    .
    .
    معلومة:
    ...العربية وهي علي الp او N لما تدوس بنزين مش بتعدي ال 3 RPM واعتقد ده حماية للموتور من الهاي ريفج
    .
    .
    .
    سؤال : مروحه السياره تعمل باقصى سرعه فقط دون تشغيل باقى السرعات وانخفاض فى منسوب مياه القربه بشكل مستمر دون ارتفاح مؤشر الحراره ؟
    اجابه : عطل بالثرموستات ويجيب تغيره فورا
    توابع اهمال العطل : شرخ فى قربه مياه وتشقق خارطيم التبريد والجيوان وكولر تبريد المياه
    .
    .
    .
    معلومة:
    سنسور حرارة الجو مرتبط ارتباط مباشر مع التكييف ، اذا الحساس بتاع حرارة الجو الخارجية بايظ غالبا التكييف مش حيقوم ومكان الحساس قدام ورا الفوج الشمال.
    .
    .
    .
    سؤال : التكيف بيشتغل بس بيطلع بخار ومياه القريه ينتقص جامد بدون إي تسريب في حوض الموتور ?
    اجابه : التسريب جاي من مواسير التدفئه داخل صالون السياره وفي الغالب هتلاحظ ظهور المياه في ارضيه الصالون
    .
    .
    .
    سؤال : عند تغير فلتر مكيف الهواء داخل السياره أو الكشف عليه نجد آثار مياه ?
    اجابه: دي مياه المطر او الغسيل أو المساحات تراكمت نتيجه انسداد فتحه الصرف الخاص بيها في حوض المساحات وفتحه التكيف ومع ارتفاع المنسوب وحركه السياره قد تتسرب المياه إلى الفلتر
    .
    .
    .
    سؤأل : هل تركيب لمبات الزرقاء على لوحه النمر الخلفيه مضر وهل نفس الكلام ينطبق على اللمبات الليد ؟
    اجابه : تركيب لمبات غير لمبات العربيه مضر جدا وبتسبب قفله وبتسيح الدوايه ... اما عن اللمبات الليد فهى غير مضره ولكن لا تعطى اشاره للكمبيوتر عند احتراق اللمبه وبالتالى لا يستطيع الكمبيوتر تنبهيك بوجود لمبه محروقه بسيارتك وذالك لان الاشارات تعتمد ع المقاومه وهنا المقاومه تختلف فيجب تركب اللمبات الاصليه وان اردت تغير الاضائه عليك بوضع لاصق فوق زجاجه اللمبه
    .
    .
    .
    سؤال : وانا ماشى بالعربيه ودايس ع الدواسه عادى من غير حرق احيانا بسمع صوت زنه جاى من الجمب اليمين فى التابلوه ؟
    اجابه : الصوت ده جاى من عمه الهوا ضغط الهواء جواها شديد جدا وده بيكون نتيجه ان قاعده الهوا مش راكبه صح او القواعد بتاعتها الجلد مش مضبوطه او مقطومه فالباتالى الصوت بيرد فى العربيه من جوه
    .
    .
    .
    سؤال : لما باخد مطب عادى بسمع صوت طقه ودام مبتظهرش فى النقراو الطرق المتكسره ؟
    اجابه : ده نتيجه تأكل مسامير الكليبر ومع الوقت وعدم الاستخدام السليم بيحصل بوش ويعمل الصوت ده
    للمحافظه : تغير التيل فى مواعيده - تشحيم وتنظيف المسامير عند تغير التيل - الاستخدام السليم
    .
    .
    .
    معلومه : عند تغير التيل الخلفى برجاء مرعاه ان وضع البستم الخلفى يختلف عن وضع البستم الامامى
    البستم الامامى يعمل عن طريق الكبس المباشر
    البستم الخلفى عباره سن يقوم بدوران يمين وشمال حسب اتجاه الخروج وعند تغير تيل يجب استخدام الاداء الخاصه بيه
    .
    .
    .
    س: لما بفتح الباب مش بيجبلي في التابلوه ان في باب مفتوح
    ج: اللمبة بتنور مع المفتاح و زرار المنيو لو مكتوب fill fuel مش حيجيب حاجة غيرها
    ************************************************** **************
    ‫#‏قطع_الغيار‬ ‫#‏اسعار_قطع_الغيار‬
    التوفيقية (شكرا للعضو الفعال احمد وجدي )
    ودي أسعار من هناك
    اكصدام أمامي تايلاندي 375
    اكصدام خلفي تايلاندي 450
    واحد تاني
    اكصدام امامي تايلاندي 390
    اكصدام خلفي تايلاندي 420
    تيل هاي كيو كوري أصلي 175
    اكصدامين امامي وخلفي صيني 550
    اكصدام خلفي أصلي 1250
    أسعار شارع دمشق 2/9
    اكصدام امامي وخلفي تايلاندي 500 جنيه
    تيل أصلي أمامي وخلفي 1100
    رفرف 275
    تيل ايطالي 300
    تيل أسباني 200
    اكصدام أمامي وخلفي كوري 700
    تيل هاي كيو 150
    لمبات أوسرام نايت بريكر 170
    نيكل زجاج 450
    اوكر نيكل 90
    سبويلر صيني 275
    دي أسعار قطع الغيار من عند عادل حنفي في التوفيقية 01220233230
    1-تيل كروز امامي اصلي 450 جنيه
    2-تيل كروز امامي كوري 175 جنيه
    3-تيل كروز خلفي اصلي 400 جنيه
    4-تيل كروز خلفي كوري 120 جنيه
    5-طنابير كروز امامي اصلي 1300 جنيه
    6-طنابير كروز امامي كوري 600 جنيه
    7-تيش ميزان امامي تركي 140 جنيه
    8-فلتر هواء كروز كوري 60 جنيه
    9-سير مجموعة كروز اصلي 180 جنيه
    10-سير مجموعة كروز كوري 75 جنيه
    11-سير كاتينه كروز اصلي من موديل 2010 ل 2012 300 جنيه
    12-سير كاتينه كروز كوري من موديل 2010 ل 2012 125 جنيه
    13-طقم بلي شداد او كاتينه اصلي 520 جنيه
    14-طقم بلي شداد او كاتينه كوري 175 جنيه
    15-موبينة كروز اصلي 1150 جنيه
    16-سير كاتينه كروز اصلي موديل 2014 و 2015 350 جنيه
    17-فانوس امامي كروز صيني 215 جنيه
    18-فانوس خلفي كروز صيني 165 جنيه
    19-فانوس شابورة كاملة صيني 250 جنيه
    20-فانوس شابورة فقط صيني 150 جنيه
    21-حساس شكمان كروز اصلي 400 جنيه
    22-حساس شكمان كروز كوري 200 جنيه
    دي قائمة الاسعار الي Godz Waheed قدر يوفرها والجهد في الاول والاخر ليه وشكرا على تعبه وان شاء الله هيكون فيه قائمة تانية ان شاء الله ببقيت الاسعار ان شاء الله
    المراية الاصلية 1200 من التوكيل
    الفوانيس صيني الواحد ب 215 الامامي
    الفوانيس صيني الواحد 165 خلفي
    اكصدامات الامامي كان تقريبا 380
    جروب كروز موتورز تيم Cruze Motors Team اقوى وافضل جروب لمالكي الكروز
    معا لخدمة بعض

    اللى حيضيع بلدنا : الفهلوة و كلمة باشا و معلش و أصل



  2. #42

    الصورة الرمزية محمد جمال صلاح

    رقم العضوية : 184265

    تاريخ التسجيل : 06Feb2016

    المشاركات : 2

    النوع : ذكر

    الاقامة : المنيا

    السيارة: شيفورليه كروز

    السيارة[2]: كيا سيراتو

    الحالة : محمد جمال صلاح غير متواجد حالياً

    افتراضي -

    طيب لو سمحت انا معايا كروز ٢٠١٥ وعندي عطل في البوجيهات او الموبينه


  3. #43

    الصورة الرمزية amrokhafagy

    رقم العضوية : 557

    تاريخ التسجيل : 09May2007

    المشاركات : 263

    النوع : ذكر

    الاقامة : Alexandria

    السيارة: كروز 2010 LS A/T

    السيارة[2]: فيات 128-لانوس2

    دراجة بخارية: قريبا

    الحالة : amrokhafagy غير متواجد حالياً

    افتراضي -

    Amro Khafagy


  4. #44

    الصورة الرمزية Tamer_Fares

    رقم العضوية : 157086

    تاريخ التسجيل : 08Mar2014

    المشاركات : 35

    النوع : ذكر

    الاقامة : الجيزه

    السيارة: لا يوجد

    السيارة[2]: Chevrolet Cruze

    الحالة : Tamer_Fares غير متواجد حالياً

    افتراضي -

    موضوع غاية فى الروعه و الابداع و التميز
    محتاج بس اعرف هل قطع غيارها متوافره و فين و ايه الاسعار
    و شكرا مره تانيه على الموضع الرائع


  5. #45

    الصورة الرمزية aya mahmoud

    رقم العضوية : 193405

    تاريخ التسجيل : 20Oct2016

    المشاركات : 4

    النوع : انثى

    الاقامة : الهرم

    السيارة: ميجان

    السيارة[2]: كروز 2010

    الحالة : aya mahmoud غير متواجد حالياً

    افتراضي -

    انا معايا كروز 2010 وفيها نتشه في الفتيس ما بين ال 20 و ال 40 وروجت لواحد قالي طقم سرفيس وواحد قالي حساس فتيس وحد قالي زيت وفعلا زود زيت هل كده النتشه هتختفي استني عليها يوم ولا كده في مشكله جامده في الفتيس يا جماعه الله يخليكو عايزه ردانا فعلا مش عارفه اعمل ايه


  6. #46

    الصورة الرمزية mohamed20202

    رقم العضوية : 193865

    تاريخ التسجيل : 05Nov2016

    المشاركات : 1

    النوع : ذكر

    الاقامة : البحيره

    السيارة: لا يكن

    السيارة[2]: شفروليه كروز

    الحالة : mohamed20202 غير متواجد حالياً

    افتراضي -

    صباح الخير
    لو سمحتم انا معايا شفروليه كروز 2010 لسه شريها من اسبوعين اول فئه .
    ظهر في الشاشه الي فوق الكاسيت كلمهphone والكاسيت مش راضي يشتغل ، الي شغال بكره رفع وخفض الصوت .
    ياريت الافاده.
    شكرا


  7. #47

    الصورة الرمزية سيف سامح

    رقم العضوية : 193620

    تاريخ التسجيل : 27Oct2016

    المشاركات : 11

    النوع : ذكر

    الاقامة : القاهرة

    السيارة: افيو

    السيارة[2]: فيرنا

    الحالة : سيف سامح غير متواجد حالياً

    افتراضي -

    اى الفرق بين الكروز 2017 واللى قبلها
    واى الافضل الكروز ولا الاوبترا الاتنين 2017


  8. #48

    الصورة الرمزية ahmed1975

    رقم العضوية : 11418

    تاريخ التسجيل : 24May2008

    المشاركات : 92

    النوع : ذكر

    الاقامة : cai

    السيارة: 128

    السيارة[2]: 128

    الحالة : ahmed1975 غير متواجد حالياً

    افتراضي -

    مطلوب ميكانيكي وكهربائي يعملون في التوكيل ولديهم ورش بره للضروره القصوي من واقع تجربه واشكركم للتعاون


  9. #49

    الصورة الرمزية Yahyac

    رقم العضوية : 147765

    تاريخ التسجيل : 26Aug2013

    المشاركات : 17

    النوع : ذكر

    الاقامة : القاهره

    السيارة: دايو/نوبيرا

    السيارة[2]: لادا

    الحالة : Yahyac غير متواجد حالياً

    افتراضي -

    موضوع زي الفل يا باشا


  10. #50

    الصورة الرمزية Ahmed J Khalaf

    رقم العضوية : 199727

    تاريخ التسجيل : 16Jul2017

    المشاركات : 2

    النوع : ذكر

    الاقامة : HARAM

    السيارة: Accent RB 2017

    السيارة[2]: Cruze 2017

    الحالة : Ahmed J Khalaf غير متواجد حالياً

    افتراضي -

    hasad">

    لو سمحت ممكن اعرف بالنسبة للكروز 2017 هل فيها اختلافات عن المعلومات اللي انت قايلها ديه ؟؟؟
    و بتنصحني اجيبها ولا ايه رأيك ؟؟



 
صفحة 5 من 6 الأولىالأولى 1 2 3 4 5 6 الأخيرةالأخيرة

المواضيع المتشابهه

  1. الاسئلة الشائعة عن الريو واجابتها
    بواسطة Ahmed.Essam في المنتدى كـــــيا
    مشاركات: 19
    آخر مشاركة: 09-05-2014, 03:15 PM
  2. فرش جلد للكروز
    بواسطة ahmed elsherif في المنتدى شــيفـرولــيه
    مشاركات: 7
    آخر مشاركة: 28-03-2013, 11:22 AM
  3. صوت الباور للكروز
    بواسطة amrokhafagy في المنتدى المحركات
    مشاركات: 2
    آخر مشاركة: 19-02-2013, 02:44 AM
  4. فلتر زيت للكروز
    بواسطة Dr. Osama في المنتدى شــيفـرولــيه
    مشاركات: 4
    آخر مشاركة: 18-01-2013, 02:00 AM
  5. جنط 17 للكروز
    بواسطة Ahmed R08 في المنتدى شــيفـرولــيه
    مشاركات: 10
    آخر مشاركة: 28-01-2010, 07:52 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2