فاميه جانبي وخلفي فابريكا ده المثبوت علي الرخصة لو فيمت العربيه كلها يبقي فيه مخالفة ارجو الافاده من حضراتكم
عرض للطباعة
فاميه جانبي وخلفي فابريكا ده المثبوت علي الرخصة لو فيمت العربيه كلها يبقي فيه مخالفة ارجو الافاده من حضراتكم
بص حقولك على حاجه وباختصار شديد جدا لو عربيتك فيها جايه من الشركه المصنعه اى كانت نوعها لوجايه كلها فاميه او زجاج الخلفى فاميه بيتعرف عند المرور وبيعرفوها دى فيها فاميه من شركه مصنعه ام لا اما لو مساله انت تحطلها فاميه من عندك سواء قبل تجسل او بعد تسجيل دى عندك انت بقى ممكن تاخد فيها سحب رخص وممكن غرامه انما لو كانت من شركه مصنعه بتتحط على طول على الرخصه قبل ما تسجل العربيه وبيبقى مكتوب كده نوع العربيه مثلا هيونداى النترا 2016 مع فاميه يبقى كده مكتوب
السلام عليكم,
علي حسب علمي,
لو العربية جاية متفيمة الجوانب الخلفية و الزجاج الخلفي,
بيبقي مكتوب في ورقها (زجاج ملون للجانبيين الخلفيين و الزجاج الخلفي)
وده نفسه اللي مفروض يتكتب في الرخصة
ساعتها ماتقدرش تفيم انت الجزء الأمامي للسائق
---
ساعات بيبقي متفيم الجزء الخلفي بردو و بيبقي في الورق بتاعها (زجاج ملون) وبس, مابيذكرش ايه اللي ملون بالظبط
يبقي فيم كل العربية وروح سجلها و وريهاله من بعيد كدة قوله انا عاوز لون الزجاج مكتوب زي ما في الورق عندك بالظبط
تجربتي الشخصية:
الورق مكتوب فيه: سيارة جيلي ام جراند 2015 زجاج ملون
الباشا كتبها: سيارة جيلي ام جراند 2015 وتجاهل الزجاج تماما
وقفت في لجنة لقيت عسكري غلبان كدة بيقولي مفيم ليه, قلتله مفيم ايه العربية هي جاية كدة
قالي طاب ليه مش ثابت الكلام ده علي الرخصة, قلتله والله انا مش مختص في الموضوع ده و ورق العربية مكتوب فيه انها مفيمة وزميلك اللي في مكتب المرور هو اللي غلط وماسجلهاش
قالي طيب نزل الزجاج الخلفي كدة,
و حكه بضافره عشان يشوف ده فاميه ملزوق ولا الزجاج هو اللي ملون فعلا
وقالي يبقي تروح علي المرور وتغير الرخصة و تثبت فيها الفاميه
قام الموظف اتذاكي و كتب:
سيارة جيلي ام جراند 2015 زجاج فاميه فابريكة
كدة هو زنقني ان اي زجاج ملون يبقي فابريكة مش ملزوق,
لكن انا روحت لزقت فاميه علي الزجاج الامامي للسائق علي مسئوليتي ومعرفش عواقبها بتبقي ايه وربنا يسترها
مفيش عربية بتنزل بزجاج امامي ملون ، فبالتالي اي تفيم هيبقي ممنوع