السلام عليكم
تواجهنى منذ فترة مشكلة فى فتيس السيارة (النترا 2007 hd) أوتوماتيك
المشكلة بدأت فى أواخر الصيف اللى فات بعد ما العربية رجعتلى بالسلامة (أصلها كانت مسروقة 5 شهور ورجعت)
المشكلة بإختصار إنى ببقى ماشي عادى جداً ومرة واحدة ألاقى العربية نطرت نطرة غبية كأنها بتنتش وبعدين مبتنقلش غيارات يعنى أخرها التالت ومبتجيبش الغيار الرابع يعنى بعد ال 80 ال rpm بيعلى جامد
ولما بقف فى اشارة ولا حاجة وأجى طالع تانى على السالنسيه سحبها بيقبى ضعيف جداً وصوت المكنة بيعلى جامد.
ولازم فى الحالة دى أبطل العربية وأشغلها تانى عشان أبدأ الرحلة من أول وجديد - وشوية وبتعمل نفس الحركة.
المهم رحت توكيل معتمد لهيونداى وكشف عليها بالجهاز وقالى فيه مشكلة فى البودى فالف ولازم يتغير ومفيش منه جديد فى مصر وهنعملك أوردر ونجيبه من برة
وطبعاً كان لازم أروح لحد تانى عشان أاكد الكلام فرحت لميكانيكى كشف عليها على الجهاز اللى عنده وبردو قالى فيه مشكلة فى البودى فالف وعملى ريستارت للبرنامج بالجهاز.
وبمجرد ما الشتا دخل المشكلة إختفت تماماً فقولت الحمد لله الريستارت جاب مفعول.
إنما من أول ما الصيف هل علينا والحر إشتد المشكلة رجعت ببشاعة وأكتر من الأول فرحت للميكانيكى اللى كان عملى ريستارت للعربية فقالى مستحيل المشكلة دى يبقى ليها صلة بالحر وعمل ريستارت تانى لكن المرة دى ملحقتش أروح البيت بيها ورجعت المشكلة فى الظهور تانى.
أفيدونى بالله عليكم عشان مبقيتش بعرف أروح أى مشوار بالعربية خالص.
المفضلات