شقة ولا عربية

**wael61** · 29-05-2015 11:50 AM

الموضوع ببساطة انا من الصعيد وبنزل القاهرة كتير قوى بحكم شغلى مع مستوردين كاميرات المراقبة لانى عندى شركة على قد الحال
معنديش عربية وفكرت كتير اشتريها وترددت خوفاً من مصاريفها وبعتمد احياناً على عربية اخويا بس ده فى الظروف الطارئة
وبدأت افكر بدل ما انا بنزل عند قرايبى فى القاهرة او فى فندق ادور على شقة صغيرة واخد قرض واكمل اشتريها وتكون فى حدود 100 الف
وبرضو عندى تفكير تانى انى اجيب عربية بيجو 405 خصوصاً انى شفت واحدة فبريكة دواخل 96 اتباعت ب 28 الف تساعدنى فى سفرى المتكرر وترحمنى من المواصلات وممكن احط فيها بضاعتى لان احياناً بيبقى اماكن التركيب بعيدة
محتار ولان ارائكم تهمنى ارجو افادتى

**rotanamasoud** · 29-05-2015 02:37 PM

الشقه للسكن والعربيه للتنقل والبضاعه اعتقد العربيه وانت ادرى بظروفك

**hugan** · 29-05-2015 02:41 PM

الشقه افضل
العربيه سهل جدا تعويضها في اي وقت

**punisher** · 29-05-2015 03:00 PM

ع حسب كلامك يبقي العربيه اللي ب 28000 احسن

اولا : عربيه بالسعر ده يبقي متتقارنش بشقه
ثانيا : العربيه تعتبر ف حالتك من متطلبات الشغل وضروره مش جايبها رفاهيه
ثالثا : الاسعار ف القاهره اكيد شقه ب 100 الف هتكون ف حته بعيده
رابعا: بلاش تفكر ف القروض الربويه عشان ربنا يباركلك ف تجارتك

عربيتك تحت رجلك وباقي الفلوس استثمرها ف شغلك ومن استثمارك للفلوس دي هتقدر تطلع مصاريف عربيتك والفندق ف القاهره

**punisher** · 29-05-2015 03:02 PM

بس مش معني اني قولتلك عربيه انك تجبها زيرو وقسط

انتا تجيب حاجه تستحمل البهدله والسفر ومصاريف صيانتها تكوون رخيصه

**Mecha** · 29-05-2015 03:32 PM

العربيه ام 28 الف جم هتستحمل 700 كم رايح جي اسيوط مصر متكرر وهتحمل فيها كمان والحر جاي؟؟ , مظنيش, هتطب بسرعه .
القرص دا عاوز عربيه ماسكه نفسها وياريت فان .والبيات في لوكندات باب الحديد .

**Bassem Youssef** · 29-05-2015 08:06 PM

مفيش شقق ب 100 الف جنيه

ممكن تدفع المبلغ ده مقدم في شقه في المدن الجديده

بس بعيده عن وسط القاهره

لو ناوي تشتري الشقه كأستثمار

يبقي توكل علي الله

لكن عشان البيات يبقي ملوش لزوم

بالنسبه لموضوع العربيه

البيجو القديم خلاص طلع عين اهله

ممكن تشوف لادا موديل حديث حاله نضيفه

اهه رخيصه و تستحمل مشواريك الطويله

**A_H_M_A_D** · 29-05-2015 08:22 PM

العربية طبعا مهمه لشغلك ، والشقة ليه تمليك ، ممكن تاخد واحده ايجار جديد في منطقة مش غاليه ، فيه شقق بتتأجر ب ٦٠٠ جنيه في الشهر

**ayaamna** · 29-05-2015 10:33 PM

العربيه اكيد ها تصرف بس الاهم من المصاريف هو وقت حضرتك يعنى دايما العربيه لما تكون معاك مش ها تتردد فى اى مشوار او منفعه للشغل واعتقد ان العربيه اهم لانها هاتكون جزء من مشروعك اللى المفروض انك بتنميه او بتكبره وخاصة انها مش هاتخليك تاخد قرض ربوى وفى ظروف البلد الصعبه
اعتقد صعب السداد والله اعلى واعلم
والافضل ان حضرتك تصلى استخاره

الموضوع: شقة ولا عربية

LinkBack

أدوات الموضوع

عرض

-

-

-

-

-

المواضيع المتشابهه

ازاز بيبقى شاشة و عربية بتختفي و عربية بتغير لونها بالفيديو

قدامى عربية نسيان صنى 2004 عربية فبريكة بالكامل اشتريها ولا لا

حادثة: عربية نقل بتاعت بيبسى دخلت فى عربية اخويا بهدلتها

عربية عربية ( قصدي سيارة عربية من المغرب )

الكلمات الدلالية لهذا الموضوع

المفضلات

المفضلات

ضوابط المشاركة