برتون جين 2 ولا سوزوكي سياز
ارجو الرد
عرض للطباعة
برتون جين 2 ولا سوزوكي سياز
ارجو الرد
سياز وش....
طيب ليه يا جماعة سياز وش ... انا محتار برده جدا بين نفس الاثنين .. ممكن توضيح اكتر
سياز أوسع و أعلي عن الأرض و شكل جديد غير شكل البروتون اللي لسة موجود من 2005 بدون أدني تغيير ... السحب في صالح البروتون و الثبات مش فارق كتير و الكماليات في صالح السياز و القيمة مقابل السعر لصالح السياز
اختيار صعب و محير ..... السياز عربية "باين" عليها كويس .....حد جربها ؟ ماعرفش طيب الناس بتقول رايها على اساس ايه مش عارف برده :)
سريعا لحين تجربة السياز
-ماتور و سحب و ثبات و تكييف البروتون صعب تلاقى حاجة مشابها ليهم فى الفئة السعرية ديه :) ماتور ال 301 ممكن يكون اشد من البروتون ..
-اوبشن السياز مش اكتر من البروتون ولاحاجة ! ديه فيها مرايات كهرباء و ستارت ستوب و البروتون فيها كروز كونترول وحساسات خلفية ....مش عارف ازا السياز فيها بلوتوث ولا لا ...بس نفرض .....الكماليات متسواية تقريبا الى بينقص هنا بيزيد هنا و العكس
-توكيل وقطع غيار و انتشار السياز عليهم علامات اسفهام !!
-تقفيل و خامات السياز واضح طبعا انها افضل من البروتون ...تعتبر افضل خامات و تقفيل فى الفئة السعرية ديه .
-استهلاك البنزين اكيد فى صالح السيازالى ماتورها 1400 سى سى ال 95 حصان !
-جنط ال 16 السموكين بتاع السياز شيء عظيم الحقيقة
-اعتمادية و متانة السياز مجهولة....
-ممممممممممم ايه تانى
___________
ديه نقاط عشوائية مش مرتبة نتيجة عدم تجربة السياز حتى الان !
راى لو مرتاح للسياز .....دوس فيها و ربنا يكرمك و تتطلع قد مستوى امالك و تطلعك :)
بالتوفيق
سياز نجمه الفتره القادمه
العربيه باعت في فتره قليله
بسم الله الرحمن الرحيم
اخى الفاضل طالب النصح الرشيد
حقيقة انك اثرت مقارنة بالغة الصعوبه و هى حيرة انا واقع فيها منذ فتره و لم اصل لقرار اخير بشانها. السيارتان متقاربتان جداً و ان كانت لكل منهما مجالات تفوقهما.
ساهديك ما عندى ربما تصل انت لقرار.
تتفوق البيرسونا فى المجالات الاتيه:
1 - قوة المحرك و بفارق 10 حصان
2 - شهد كل ملاك البيرسونا لها بالثبات العالى جداً فى حين لم يبثت بالتجربه الفعليه مدى ثبات السياز
3 - امكانية عمل الصيانات الدوريه لها خارج مراكز صيانة الوكيل فى الحين الذى يضل ملاك السياز محرومين من ذلك بسبب السوفت وير للسياز
تتفوق السياز فى المجالات الاتيه:
1 - انخفاض صوت المحرك الذى يوشك ان يكون صامت تماماً
2 - جودة الخامات الداخليه
3 - جودة التقفيل و التشطيب
4 - الجمال و الاناقه و الفخامه (الداخليه و الخارجيه) افضل بكثير من البيرسونا التى لم تتغير منذ 10 سنوات (الا تغييرات طفيفه)
5 - التوفير فى استهلاك الوقود
و تتساوى السيارتان فى الاتى:
1 - الاعتماديه (كل ملاك البيرسونا شهدوا لها بالاعتماديه عن تجربه و اعلم ان السياز جديده و لم يختبرها ملاكها بالقدر الذى يظهر قوتها و اعتماديتها و لكننى امنحها اعتماديه عاليه استناداً على تاريخ السوزوكى العريق الذى لم يسجل ولو فشل واحد لاى من موديلاتها و انا بشكل شخصى اشهد للسوزوكى بالاعتماديه حيث اننى من ملاكها و لكننى لست من ملاك السياز)
2 - فشل الوكيل
هذا ما لدى. . . . . وارجو ان يكون مفيداً لك
تستطيع التوجه لقسم اليروتون لطرح كل استفساراتك و انا عن تجربة شخصيه اخبرك بانك ستجد ود و ترحيب من اعضا كرام كما تستطيع التوجه لقسم السوزوكى لجمع المزيد و المزيد عن السياز
هداك الله لارشد امرك و اقومه
السلام عليكم ورحمة الله و بركاته