ياجماعة بالنسبة لسير الكاتينة هل ممكن انوا ياثر علي الصباب ولا لاء انا سمعت راين من 2 ميكانيكية واحد قال ان الكامة تحت والصباب مش ممكن يتاثر اذا السير اتقطع والتاني قال ان الكامة فوق وان السير اذا اتقطع ياثر علي الصباب اية رايكوا انتوا يا جماعة ؟؟؟
عرض للطباعة
ياجماعة بالنسبة لسير الكاتينة هل ممكن انوا ياثر علي الصباب ولا لاء انا سمعت راين من 2 ميكانيكية واحد قال ان الكامة تحت والصباب مش ممكن يتاثر اذا السير اتقطع والتاني قال ان الكامة فوق وان السير اذا اتقطع ياثر علي الصباب اية رايكوا انتوا يا جماعة ؟؟؟
المعلومات اللى عندك صحيحه بالنسبه لانواع الكامات
لكن انت لم تذكر نوع عربيتك علشان نقدر نحدد كامتها فوق ولا تحت
هيا عربيا تويوتا 93
انا اعرف ان ال 93 كتينه جلد لكن كامه فوق ولا تحت مقدرش افيدك الا لما اشوفها
وموتور الكرولا من 2001 كتينتها حديد
والياريس ايضا كتينه حديد ودى احد الاسباب التى جعلتنى أفضلها عن اللانسر
لكن لى سؤال فضولى شويه
انت عايز توصل لايه بالضبط من سؤالك فى النقطه دى ..!!
انا اصلي لسة شاري العربية دي وبصراحة معرفش اي حاجة عن الياباني فنا يعني بحب اسئل علشان المعرفة وفي حاجة كمان كنت عاوز اسئل فيها يا اخ ابو شريف امبير الحرارة وانا ماشي بينزل لغاية تحت عند ال c ولما اقف في الاشارات يعلي لغاية النص فهل دا طبيعي ؟
مبارك عليك العربيه ربنا يعطيك خيرها ويكفيك شرها
الصح انك تسأل المالك السابق للسياره عن تاريخ تغيير سير الكاتينه
واذا كان مشى بيه من 30الى 40 الف كيلو لازم تغيروا أسلم وءأمن ليك
بالنسبه لسؤالك التانى طبيعى ان الأمبير يعلى فى الاشارات
وطالما ان الامبير بيعلى ويوطى يبقى طبيعى
لكن المهم ميعديش النصف وتتأكد دايماان المروحه تكون بتشتغل