موبينة النيو اكسنت

**mohamed** · 29-05-2015 10:15 PM

ياريت يا جماعة لو حد عارف سعر موبينه النيو اكسنت 2011 الشكل القديم مش ار بى . بس الاصلى يقولى منين افضل مكان وبكام عشان سالت ف التوكيل قالى مبلغ كبير فقلت اغيرهم بره.
حاجة كمان هل الموبينة بتاثر على استهلاك البنزين؟ وايه اسباب تغيير الموبينة عشان اخر صيانة هما اللى قالولى موضوع الموبينه ده.
اسف ع الاطالة.

**svneleven** · 30-05-2015 08:55 AM

كانت الواحدة ب حوالي 400 جنيه من برا التوكيل و شغالين بقالهم حوالي سنة. اعراضهم ا العربية كانت اكنها ماشية 3 سلندر و بالذات مع السخونية. واحدة بس كانت بايظة و الكل نصح بتغيير ال اربعة.

**mohamed** · 30-05-2015 11:45 AM

ممكن اعرف منين انا سالت واحد قالى الاصلى الواحدةب250 جنيه.

**michohat** · 30-05-2015 12:20 PM

المباين بره التوكيل سعرها من 175 ل 225 حسب ما التاجر وحسب ما بيقول اصلي ولا كوري ولا موبيس
الموبينه تعرفها انها بايظه لو الموتور بيترج معاك او والموتور داير تشغل التكييف وتلاحظ عداد ال ار بي ام لو العقرب رقص فوق وتحت ومش ثابت بتكون كده موبينه
والدارج انك بتغير ال طقم كله مع بعض (4 مباين ) لانهم بيقولوا انهم بيتأثروا ببعض ولو حطيت واحده جديده وسط مجموعه قدام هتعدى فتره وهتلاقي موبينه تانيه ضربت
بس في تجارب لناس غيرت واحده بس وتمام

**mohamed** · 30-05-2015 09:45 PM

الف شكر للرد الوافى بس هل ده ليه علاقة باستهلاك البنزين عشان ف التوكيل برضو قالولى كده

**michohat** · 31-05-2015 10:34 AM

اكيد هتأثر على البنزين لانك هتلاقي الموتور مش مضبوط وماشي متلت
هما قالوا لك الموبينه ولا حساس الشكمان لان برضه حساس الشكمان له تأثير على البنزين
في جروب على الفيس عاملينهhyundai new accent egypt club

**samihanwar** · 01-06-2015 11:28 PM

طبعا ليها تأثير على استهلاك البنزين
هتلاقى العربيه غوووول بنزين
وكده انت بتحمل جامد على الماتور لانو شغال 3 سلندر
ومن اعراض ان الموبينه اتحرقت انك هتلاقى صوت العربيه اكن الشكمان مخروم