الموضوع: مشورة ف موضوع زواج

قولوا له شرطكم الأساسي إنكم محتاجينه يغير مكان الشقة و تكون في منطقة أقرب (بلاش تقولوا أحسن علشان مايتجرحش) و لو وافق يبقي شاري لو ماوافقش بناءاً علي ظروف معينة ممكن يتعذر عليها يبقي تعذروه أصل عمر ما المقام كان بمكان السكن و يمكن هو قاعد هناك علشان يكون قريب من شغله مثلاً ... مادام الراجل شغال في مكان كويس و هيقدر يفتح بيت و يصرف علي أختك و يخليها معززة مكرمة يبقي ليه لا ؟!
لو المبدأ مرفوض تماماً يبقي حاولوا تفكروا في أسباب مقنعة لرفضه لأنه ممكن يصمم يعرف هو ايه الغير مناسب فيه و إن كنت أفضل إن هو يقعد مع صاحبة الشأن يتناقشوا لربما يحدث وفاق و في الأول و الآخر هي صاحبة القرار وحدها ... ربنا يوفقكم لما فيه الخير إن شاء الله و يرزقكم ب ابن الحلال اللي يصون بنتكم

المشاركة الأصلية كتبت بواسطة moody_687

هو بالفعل قعد مع اختى فالبيت واتكلموا واختي مرتحاله بس قالت الرأي لوالدى ووالدتي
الشقة بتاعته بعيدة عن مقر عمله
ف منطقة اسمها عبدالوهاب فالاسكندرية ( مش منطقة قرية عبدالوهاب ) لو حد يسمع عنها
انا نفسي اللي من الاسكندرية عمري ما سمعت عنها
وبالمناسبة عنده خال وخالة ساكنين ف منطقة المتراس والشمعدان والمنطقتين دوول من اوحش مناطق الاسكندرية ودوول بخلاف الاخوال اللى ساكنين جنبه ف عبد الوهاب
انا كده قلت كافة معلومات الموضوع

صدقني أنا عمري ماسمعت عن المناطق ديه لأني مش بأروح إسكندرية كتير بس شكلها من كلامك مناطق معدومة ... أنا وجهة نظري في إن العريس لا بمكان سكنه ولا بنوع عربيته ولا بأي ماديات خالص و أهم حاجة الأخلاق و الطباع و الأصل لأن لو أهله ناس مش كويسين أخت حضرتك هتتعب جداً معاهم و لو أخلاقه مش كويسة هيأثر سلباً علي أخلاق الأولاد فيما بعد لأن "من شابه أباه فما ظلم" و لو طباعه وحشة علي سبيل المثال ممكن يكون بخيل أو مش حكيم في تصرفاته أو مش open minded هتتعب معاه برضه ... اسألوه بس الأول لو هيقدر يغير مكان السكن و ييجي يسكن جنبكم مادام انتم ساكنين في منطقة كويسة و علي فكرة ماتقلقش من موضوع أخواله و خالاته لأنه بعد الفرح مايخلص كل حي هيروح لحاله و مش هيشوفهم غير في المناسبات ف أعتقد في إمكانية إنه يعزل ... بالتوفيق إن شاء الله

هتبقى مبسوط لو عيال اختك اتاثروا بتقافة العشوائيات من خطف وشتيمة والانشغال بحال غير هم عن حالهم والتدخل فيما ﻻ يعنيهم..والتسرب من التعليم والعمل فى اى حاجة تجيب فلوس والبعد عن الدين وكراهية اصحابة والتعامل من المراهقين مع من يحاول يكمل تعليمة باستعﻻء ﻻنة بالنسبالهم عالة وهم يملكون القرش..انا مش عاوز اوضح اكتر بس خلى بالك ان المناطق الى مفترض تسكن فى احداها اختك ممكن تتعرض لمواقف بايخة من قطع مستمر للكهربا ومياة ملوثة وتعامل امنى فج.. هتبقى مبسوط وانت خايف على عيالك من عيال اختك ؟ وﻻ هتبقى مبسوط وانت بتقولهم لو ابن اختى جة يسأل عليا متفتحوش الباب وقولولو مش موجود..بصراحة انا خجﻻن جدا انى اقف فى موقف زى دة ﻻن الجواز خير و اختك ممكن ميجلهاش بعد العريس دة فرص احسن وعشان كدة اتخاذ القرار من اصعب ما يكون اكيد مش هتكونوا مبسوطين لو اختك فضلت قاعدة جنبكم عشرة خمستاشر سنة كمان ودة واقعنا واكيد كنتوا هتقولوا ياريتها كانت راحت مع الى طلبها .. ربنا يهديكم للصواب ويسترها على بناتنا

السلام عليكم ورحمة الله وبركاته
اخى الكريم اهم شى واول شى انه يكون عنده دين وخلق لانه اذا احبها اكرمها وان كرهها لن يهينها
ثانيا اسال عليه وعلى المكان اللى هو قاعد فيه
ما يمكن يكون ناس كويسه ومحترمه
ثالثا ودا الاهم استخير ربنا هو اعلم بالغيب منكو
ما يمكن يكون سبب سعادة اختك وده اهم ما فى الموضوع
رابعا لو الفرق الاجتماعى كبير جدا جدا متهيالى شرعا والله اعلم ها يبقى صعب شويه
وربنا يسترها و يستر جميع نساء المسلمين