الموضوع: نويت اشترى هيونداي اكسل 98 1300 cc

بسم الله الرحمن الرحيم

معاكم اخوكم هيثم محمود
بصوا يا شباب انا ان شاء الله ناوي اشترى هيونداي اكسل 98 1300cc بس دي اول عربيه ليا هركبها انا اول علامى كان على فرنا 2012 ومازلت بروح واجي بيها بس انا محتار شويتين لان صاحب الفيرنا بيقولى متشتريش مستعمل لانه هيتعبك وانا بصراحه ممعاييش اجيب المستعمل علشان اشترى جديد بس قلت لازم اسال حضراتكم لان انا عارف انكم هتدلونى على الراي الصح لان انا ربنا يعلم انا هجيب فلوسها منين وعجبتنى قوي الاكسل كانت مع واحد صاحبي مستعمله وربنا كرمه وجاب فرنا حاليا وشكرلى فيها كتير بس انا متخوف ايضا لانى مش عايز ادخل فى شجره واضحك الناس عليا المهم كنت عايز اعرف عنها بعض الحاجات زى:-
1- اسعار قطع الغيار ومدي انتشارها
2- العربيه ايه ظروفها لو حالتها حلوة يعنى مريحه زيها زي الفيرنا ولا محتاجه صحه زي اللادا وال128
3- العربيه دي لو حالتها حلوه ومفيهاش غلطه تعمل فلوس قد ايه ويبقى قد ايه اخرها علشان ميدحكش عليا فى الشراء
4- عمرتها تكلف كام علشان لو لاقدر الله حصل فيها حاجه
5- هل هي موفرة فعلا للبنزين ولا لا
وياريت يا شباب لو اللى يعلق يكون مختص او ركب العربية دي يعني فاهم فعلا لان الموضوع ده عامل زي البطيخه وانا ان شاء الله هاخد منكم الخلاصه وعلى اساسه هقرر
ومعلش اخر حاجه ايه الفرق بين الهاتشباك والسيدان وايهم احسن ولماذا واعذرونى على الاطاله

وشكرا لكل اللى هيشارك واحترامي للجميع وتقبولوا مروري