هل تعطي المتسولين أم ترفض إعطاءهم ؟

**ahmedwagdy03** · 01-06-2015 12:41 PM

لا أعتقد إن أى واحد من المتسولين فى الشارع محتاج فعلا و ظنى أنهم بالكامل يمتهنون التسول .

ببساطة كدة البلد كلها مقسمة لمناطق نفوذ بين كبار البلطجية و لو فعلا واحد محتاج و يستحق الصدقة جرب يقف فى أى مكان فى الشارع يسأل الناس سيجد صبى بلطجى يمنعه بحجة إن دى منطقة أكل عيشنا و عايز تشتغل (هم يعتبرونها مهنة و عمل لهم ) يبقى تدفعلنا أو تشتغل من خلالنا و إلا مش حيحصلك كويس .

**EgyArmy** · 01-06-2015 02:21 PM

أنا بدى إلى حاسس أنه مش قادر يشتغل
يعنى رجله مقطوعة أيده مقطوعة ست كبيرة ماشيه فى الشارع مش بتشحت أساسا
لكن إلى واقف على رجله و صحته تمام مش بفكر فيه لأنه ممكن يشتغل

من كام يوم كدة عيل صغير عنده حوالى 10 سنين و أنا قاعد على القهوه أديته فلوس
تانى يوم عرف أسمى و جاى يندهنى و يقولى أنا عايز عشره جنيه
أقسم بالله العلى العظيم كنت عايز أدبحه فى نص الشارع و اليومين دول فيه شوية أوضاع فى البلد بتحسسنى أننا هبقى أرهابى فى القريب العاجل

**ahmedfor3** · 01-06-2015 06:39 PM

الا قربون أولا بالمعروف لو عندك
حد فى عيلتك حالته تعابنه فهو اولى

**volociximab** · 01-06-2015 08:15 PM

-----------------

**Elkordy2000** · 02-06-2015 01:52 AM

لما عرضت الشغل علي بعضهم ورفض وسبني ومشي عرفت انهم مش محتاجين والتسول بالنسبه لهم مكسب كبير
ولما شوفت واحده ست قاعده علي الرصيف ومسرحا العيال وبتقولهم انت تمشي كده وانتي كده وتعملي كذا وكذا ..., كل ده خلاني أرفض اديهم اي فلوس بعد كده .., اللي عايز يدي ممكن يدي لحد يعرفه يكون فعلا محتاج غير كده لا والف لا

**طارق _عبد السلام** · 02-06-2015 05:52 PM

سمعت رأى من قبل ان من يعطى محترفى التسول ان عليه اثمين
الاول انه اخرج الصدقه لغير مستحقها والاثم الثانى اته شجعه على التسول

انا اعرف جمعيات معينه توزع الصدقات واموال الزكاه لمستحقيها بعد دراسه حالتهم واتعامل معم مباشر .. وبقول لهم كلمتى التى اتعامل بها دائما بينى وبينكم ربنا

**niceworld** · 02-08-2015 04:10 PM

الشحات اللى فى اشارة المرور بياخد فى كل اشارة بتقف 2 جنية و فى اشارة كل دقيقتين بتفتح و تقف ياعنى 60 جنية فى الساعة فى اليوم ال8 ساعات 480 جنية ,قول 400 جنية لو هيريح شوية و يروح ياكل , لو اشتغل 22 يوم فى الشهر ايام العمل العادية هيطله تقريبا 9000 جنية , الرقم ده عشان تتطلعه فى مصر يا اما انت عندك وسطه كبيرة فى شركة multinational ياما انت ليك شغل خارجى و بتعمل خمسين شغلانه و مهارات و مواهب اشتغلت عليها كذا سنة , فا الكابتن الشحات اللى انت بتديله الحقيقه هو اغنى منك ومفروض هو اللى يديلك , لو عايز تساعد الفقرا روح جمعية خيرية زى رسالة او مرسال او اى حاجة معروفه لكن غير كده انت بتشارك فى تأسيس ثروة لناس عديمة المهرات و عديمة المجهود , بتخطف عيال عشان تشحت بيها

منقول

**Mohamed.Muslim** · 06-08-2015 05:48 PM

كنت مرة ماشى فى الشارع لقيت واحد عجوز بينده : يابنى يابنى
قربت منه و قلتله: خير ياحاج
قالى : طلعنى على الرصيف , طلعته
قالى : شكرا يابنى و دعالى
قلتله : الشكر لله , و لسه حمشى
قالى : ممكن أطلب طلب منك
قلتله : اتفضل
قالى : ممكن تساعدنى فى مصاريف العلاج
قلتله : أنا مش بدى فلوس لأى حد , فى مسجد فى المكان الفلانى أعرف فيه ناس بيساعدوا الحالات التعبانة روح و قولهم أنا من طرف فلان - اللى هو أنا - و هم حيبحثوا حالتك , راح شاورلى بايده انو كفاية كلام و مشى

**الاسد المهاجر** · 06-08-2015 08:50 PM

النهاردة الساعه8ص بجوار الشارع الي جمب معرض الابيض اول فيصل شفت حاجة غريبة
واحدد بيزق كرسي معاقين اول ماقرب من الشارع الرئيس لقيته ساب الكرسي ومشي مش ساند عليه طبعا وقال ايه قعد علي الكرسي وبيزق ولقيته ايه بيشحت