هو ايه الفرق بين المازدا الخليجي و العادية و مين افضل من حيث الوكيل وكل حاجه
عرض للطباعة
هو ايه الفرق بين المازدا الخليجي و العادية و مين افضل من حيث الوكيل وكل حاجه
الخليجي بدون ضمان.
كنت عند الليثي بسأل على حاجات و سألته عليها قالى الخليجي الهاى لاين كماليات اقل.
مافيهاش كراسى جلد ولا كراسي كهربا
والخليجى كمان يقال انه بييبوظ بسرعه مش عارف ليه لان جاى مواصفات دول الخليج فقط مش زى الى يجى عندنا يعنى
اه بلاش من خليجى والهندى ومش عارف مين خليك مع توكيل بلدك احسن حتى لو كانو توكيل البلد شله صيع بس شويه اهون من الخليجى
مفيش الكلام دة يا باشا الخليجي هو هو المصري بس الفرق اوبشنز و معظم الخليجي بينزل من غير فلتر تكييف بس ممكن تجيب فلتر و تركبة عادي
انا ماشوفتاهاش بعينى بس ده اللي اتقالى عند الليثى.
و قالى كمان ممكن ينزلى شويه عن سعر التوكيل الرسمى.
انا كنت هناك بشترى سيات توليدو بس مش لى و سألته على مازدا عشان عايز اجيبها اخر السنه.
انا الحمدلله لسه جايبها من غبور عربية بجد ماشاءالله حلال فيها الفلوس
الف الف مبروك انشالله تكون فرحان ومبسوط فيها ويكفيك شرها وشر طريق يارب
هي ماشاءالله يعني تحفه بجد و موضوع انها ضعيفه دا مش هتحس بيه خالص انا كنت محتار قبل ماجبها و جربت كذا عربيه هي كويسه في سحب مش تقيله و دوست البنزين بتعتها حلوه لكن مش لدرجة كبيرة بس هاتها و انتا مطمن و من ناحية الثابت مازدا اصلا احلي حاجه فيها الثبات
الخليجي منها تقفيل تايوان
اما وكيل تقفيل ياباني 100%
انا اضطرت اكتب الرد لاني شوفت ردود كتيير من ناس مش ملاك العربية محدش يزعل انا جبت المازدا هنا في الخليج نهاية 2014 الشكل الجديد طبعا موديل 2015 ثانيا حد كاتب الخليجي بتبوظ بسرعة بصراحة موت من الضحك لان العربيتين من نفس المصنع غير ان الحرارة هنا باليل 47 يبقى هاتبوظ اسرع من مصر ازاى مش عارف وفي حد كاتب انها تقفيل تايون العربية معايا ويباني اجزاء وتجميع اليابان باختصار كل الفروق هي في الاوبشن كل وكيل بيغير الاوبشن حسب السوق عنده مثلا هنا تلات فئات اعلاهم 2000 سي سي وانا معايا الفئة 2 اللي بيتقال عليها ااقل مواصفات في مصر بس بتزيد عن اللي في مصر ان فيها مثبت سرعة ورنجات 16 وكشفات ضباب والعكس في الهايلاين اللي في مصر بتزيد عن الخليجي في الاوبشن كراسي جلد وتدفئة وهكذا فالفروق كلها اوبشن فقط