السلام عليكم
انا مبتدئه سواقه وعندى مشكله فى ابعاد العربيه وخاصه فى الاماكن الضيقه وعاوزه كمان تدريب علشان الدركسيوت بيحدف منى ممكن حد يقولى اعمل التدريب ده ازاى
عرض للطباعة
السلام عليكم
انا مبتدئه سواقه وعندى مشكله فى ابعاد العربيه وخاصه فى الاماكن الضيقه وعاوزه كمان تدريب علشان الدركسيوت بيحدف منى ممكن حد يقولى اعمل التدريب ده ازاى
تمسكى الدركسيون بايدك الاتنين
اما تلفيى تفضلى ماسكة
اليد ناحية الاتجاه اللى راحة عليه تنزل تلف الدركسيون لتحت
والايد التانية تلف لفوق
الإبعاد محتاجة ظبط مرايات
وجلوس فى السيارة من غير سواقة علشان تعرفى ابعاد الجنب
ابعاد الكبوت محتاجة انك حد يكون واقف امامه علشان تحفظى بعده بالنظر
او تقيسيه على حائط مثلاً
+ بالنسبة للرجوع للخلف ممكن تركب أي assisting systems زي الكاميرا الخلفية أو الsensors مثلاً و ممكن من الأمام تركبها برضه تساعدها في الركنة و المشي بس هتبقي مزعجة جداً زي الكورولا الجديدة ... يستحسن يا فندم تتبعي الطريقة اللي قال عليها العضو الفاضل A.saad و ممكن كمان تحطي حاجة تعلي الكرسي شوية علشان تقدري تشوفي و لو جزء من الengine hood و عموماً اطمني كلها أسبوع بالكتير و هتحفظيها و أي حاجة عموماً بتيجي بالممارسة
بالنسبة للعربية من قدام ممكن تحطي حاجة بارزة على الكبوت من قدام زي علامات المرسيدس القديمة زي كدة
http://www12.0zz0.com/2015/05/30/17/848796269.jpg
بس طبعا تكون حاجة كبيرة شوية عن دية
او استيكر بعرض الكبوت طبعا يكون لونة مختلف و بعيد عن لون العربية و الحركة دية انا كنت عاملها لزوجتي
http://www8.0zz0.com/2015/05/30/17/149149285.jpg
اما بالنسبة للخلف فهو افضل حل حساسات الركن ال praking sensors و الجناب لازم تكون مراياتك مظبوطة
يا استاذه الناس بتسوق من سنة 1900 , الموضوع ابسط مما تتخيلى اهم حاجه تهدى اعصابك خالص و متخافيش
السواقه ممارسه , طالما عندك الاساسيات شوفى اخوكى او حد من قرايبك يطلع معاكى فى منطقه تكون واسعه و فاضيه
تظبطى زوايا و تاخدى احساسك بالدريكسيون و تركنى اكتر من عشرين مره و تلفى بدهرك زيهم فى دايره مثلا اغلطى لحد ما هتلاقى نفسك ظبطى العربيه تحت اديكى , اهم حاجه فى العربيه الدركسيون و الفرامل و المرايات بعد كده حاولى تطلعى فى مكان فيه عربيات و ناس لكن مش كتير , اخدتى الاحساس ده و بقى الموضوع عادى هتلاقى نفسك بقيتى بتسوقى فى اى مكان , لو حضرتك مقتدره هاتى عربيه اوتوماتك هتريحك كتير جدا , لو مينفعش دلوقتى فالسواقه المانوال هتعلمك اكتر و كله مصلحه
يا سيدتى الفاضله الاماكن الضيقه بتسببلى مشكله انا كمان و بتسبب لاى حد بيسوق مشكله :grin02:
امشى سلانسيه خالص و وسطنى عربيتك تقلى ايدك على الدريكسيون , السواقه ممارسه و اللى مخنوقه منه دلوقتى هتعرفى تتعاملى معاه كويس بعد فتره من السواقه
بصى انا اختى بتسوق بقالها عشرين سنه و لحد دلوقتى لو سواق تريله جه من وراها و ضرب سرينه او نور عالى ممكن تعيط و تصوت , و عمرها ما ساقت على سرعه فوق 70 كم , المهم انها بتسوق و العربيه بتقضى الغرض منها بالنسبه لها
بالتوفيق ان شاء الله.
الدريكسيون بيحدف ازاي؟
المسكة بالايد الاتنين دي بحس انها بتلغبط لو باور امسكيه بايد واحدة بس و خليه ثابت طول ماانتي ماشية قدام و امشي براحة
الكلام ده عمليا صعب لان اول حاجة الطريق نفسه مش مستقيم ثم انتي امسي الدركسيون من حتة ميتحركش منها كتي انا عن نفسي لو ماشي و الطريق مستقيم عادي لو اتحرك سنة بسيطة يمين او شمال انا عن نفسي بمسكه من اليمين تحت كدا و عادي خدي الموضوع ببساطة ولازم تكوني مش متوترة يعني ايدك نفسها مبتتهزش بسبب التوتر ثم متقلقيش الحركة يمين او شمال مش هتسبب اي مشاكل لو علي بسيط يعني
لو سمحتي ايه نوع وموديل العربية الي بتسوقي عليها؟
بالنسبة الأبعاد والأماكن الديقة حتيجي بالتعود والممارسة..
انا فاكر اتعلمت السواقة في 3 ساعات وتأتي يوم روحت الشغل من الهرم لمدينة نصر عادي جدا لكن كل يوم كنت بحك طقم باكيتات الجنب في باب الجراج وانا خارج لحد متعودت علي أبعاد العربية.
انا كان عندى نفس المشكلة دى وخصوصا لو فى طريق سريع زى شارع رمسيس لو فاضي
والتوبيك هنا http://www.nilemotors.net/Nile/466472-a.html
والحمد لله اعضاء المنتدى وقفوا معايا اهو بقالى سنة الا شهرين بتعلم والحمد لله من كتر الممارسة بقت خبرتى بتزيد كل يوم عن الاول وبقيت احفظ ابعاد العربية بس لحد دلوقتى بتعلم من الخبرات عشان متنفاجئش باى مشاكل لاقدر الله (طبعا الخوف قل اوى عن قبل كدة)
اهم حاجة حضرتك خلى بالك لتكون العربية عايزة ظبط زوايا جربى تمشي بيها وتثبتى الدريكسيون لو العربية حدفت شوية لوحدها وحضرتك ماسكة الدريكسيون يبقى العربية محتاجة ظبط زوايا ب50 جنيه قدام وورا لان الموضوع دة حصل معايا
اهم حاجة ساعات بنلف مثلا يمين ونلاقى ناس راكنة غلط واللى راكن عربيته بميل واللى مصدر العربية كلها ف الشارع فاللف يبقى براحة وع الاول انا دايما بدخل يوتيرنات وملفات حتى لو الطريق فاضي وانا على الاول وماشي براحة جدا عشان اعمل حسابي, بالتالى حضرتك محتاجة تتدربى ع ابعاد العربية لان دة اهم حاجة ف السواقة وكمان تعرفى تتعاملى مع الجنب اليمين لانه كان عاملى مشاكل كتير اوى والحمد لله اتحلت بفضل ربنا ثم مساعدة الاعضاء
ف التعامل مع الجنب اليمين وابعاد العربية والتدريب على المرايات دول مهمين جداااااا وحضرتك هتلاقى الموضوع سهل جدا والعربية هتبقى عاملة زى كتاف الانسان اللى بيتحرك بيهم وعارف المنطقة هتعديه ولا لا
تانى حاجة انا عمرى ما انسي نصيحة مهمة جدا مع انها بسيطة وهى (انت اللى بتتحرك بالعربية مش هى اللى بتحركك)
وعلى فكرة برغم انى شاب يعنى بس مبمشيش اكتر من 70كم ومبجيبش الا التالت لان شوارع مصر وطبيعة السواقة فى مصر مع الناس العجيبة دى (الا من رحم ربي) الواحد لازم يبقى سايق وعامل كل احتياطاته عشان يعرف يقف بسرعة فى اى حاجة مفاجاة او اى غلطة يعنى انا مبمشيش الا ع التالت اخرى ولو الطريق فاضي بجيب اول الرابع
اهم حاجة المرايات والابعاد وربنا يستر طريق حضرتك ويستر طريقنا جميعا
الموضةع ممارسه
ابعاد الكبوت محتاجة انك حد يكون واقف امامه علشان تحفظى بعده بالنظر
او تقيسيه على حائط مثلاً .................ياريت توضيح اكثر لهذة النقطة