مشكلة رينو سكالا اتوماتيك - فصلت اكسلاتير

السلام عليكم
انا مش عارف المشكلة دي مكررة ولا لأ بس انا حاولت اسيرش ومبقتش حاجة

ادخل في الموضوع

العربية سكالا ٢٠١١ عاملة ٩٥ الف كل الصيانات في التوكيل

فجاة وبدون مقدمات على طريق النصر الصبح على سرعة ٨٠. بدوس بنزين مفيش اي استجابة مع العلم ان العربية مبطلتش

الحمد لله ربنا الهمني اجيب n واخد يمين بالهداوة وساعدني ان الطريق فاضي وبطلت العربية وانا واخد سرعتي ودورتها. دارت وكله تمام بزود الار بي ام شغال وفيه استجابة كملت وقلت احجز صيانة.

المشكلة حاليا ان معاد الصيانة بعد اسبوع والحركة اتكررت تاني

لو سمحتم لو حد عنده فكرة ايه السبب او اقرب مركز خدمة او صيانة ثقة اروحله في نطاق التجمع مدينة نصر اكون شاكر جدا