الموضوع: رجاء لاصحاب اللوجان الجديدة

الاعضاء الكرام برجاء الرد فقط ممن تمكن من ركوب اللوجان الجديدة او اي سيارة من الاتي
دلوقتي النيو لوجان انتشرت بشكل كبير وثمنها زاد بشكل كبير جدا برضه وخرجت من منافسة الفئة اللي كانت مخصصة ليها بطبيعه انها معفاة من الجمارك بس طبعا التاجر المصري استحالة يقبل بانه يبيع عربية ثمنها 70000 او ازيد شوية فوصل بينا الحال ان العربيه وصل ثمنها 116 الف ودة رقم خيالي لعربيه جديدة علينا خصوصا ان العربيه بتتقفل في شركه داتشيا صاحبة السمعه السيئة في الشارع المصري ولكن حب الناس في الرينو خلاهم ميبصوش علي النقطة دي
طيب دلوقتي العربيه ثمنها 116 الف هل تستاهل ثمنها؟؟ يعني ايه اللي يخليني اسيب مركات زي سيتروين سي اليزيه او بيجو 301 او ميتسوبيشي اتراج او سوزوكي سياز او بروتون جين خصوصا ان كلهم ماركات واسعارهم متقاربه
انا واحد من الناس هدفع تحويشه عمري وهكمل قرض علشان اجيب عربيه تكون معمرة وماسكه نفسها من حيث التقفيل وقطع الغيار والعزل وكفاءة الموتور والتكييف والعفشه يعني بمعنى انا وغالبية الشعب المصرى نفسه في عربيه يجيبها وينساها ويحس ان فلوسه ادفعت في حاجة حلال مش بعد كان اسبوع نسمع مشاكل غريبة بتتقال عن اللوجان ولا السيتروين ولا البيجو
السؤال لملاك العربيات دي هل انتوا راضيين عن العربيه بتاعتكوا وحاسين ان فلوسكوا مترمتش في الارض وان العربيه كفاءة تعيش معاك مستريح 3 او 4 سنين بدون مشاكل خصوصا ان ما شاء الله العربيات اللوجان. والستروين والبيجو بيتباعوا زيرو ولاسف لما تسال حد يقولك ظروف وطبعا محدش عايز يقول العيب علشان العربيه تتباع وميوقفش سوقها
انا واحد من الناس بفكر بين اللوجان لان اخرى اوي 115 الف فهل دة هيبقى اختيار صح ؤلا برمي فلوسي في الارض

على فكره حضرتك قلت اللي جوايا بس يا ريت الناس اللي ترد تقول بالامانه لاني فعلا ملاحظ ان الناس عماله تبيع الزيرو وتقول ظروف

انا كنت زيك وجبتها وعامله 1500 كيلو دلوقتي والحمد لله كويسه وباذن الله مش هبيعها ومش ناوي ولو هختار تاني هجيبها برده .. ده رايي بكل امانه

المشاركة الأصلية كتبت بواسطة ibrahim777

انا كنت زيك وجبتها وعامله 1500 كيلو دلوقتي والحمد لله كويسه وباذن الله مش هبيعها ومش ناوي ولو هختار تاني هجيبها برده .. ده رايي بكل امانه

ميرسي لذوقك وربنا يكفيك شرها هي العربيه اللي مع حضرتك مانيوال ولا اوتو ؟

شكرا استاذ ابراهيم علي اهتمامك بالموضوع والرد عليه وربنا يكفيك شرها
وشكرا برضه للناس اللى دخلت ومردتش

الناس بتبيع كتير عشان كلوا استعجل و اشتري المنايول و كله عاوز يركب الاوتوماتيك دلوقتي

والله ياأخي أنا في نفس الحيرة والخوف وياريت الناس فعلا تفيدنا لأن انا كل يوم باسمع كلام شكل
انا حاجز لوجان اوتو فئة تانية من التوكيل بقالي شهرين تقريبا بس حاسس بتردد فظيع وقلقان واخر حاجة كنت هاسحب فلوس الحجز واجيب اتراج من اسبوعين بس رجعت تاني في كلامي بعد ما ناس خوفتني من الاتراج

المشاركة الأصلية كتبت بواسطة adel_edrees

دلوقتى يا جماعة أنتوا عايزين رأى محايد مش كده طيب أنا زيكم بالظبط لو حأجيبها دلوقتى أقسم بالله ماحأفكر أجيبها لأنها غليت قوى زيادة و بوخت فى ظل منافسة شديدة جدا بين سيارات من فئات تانية خالص زمان من ثلاث أربع سنين كنا بنقارنها بالفيرنا و اللانوس و البروتون ساجا أما الصينى فالبى واى دى و الإسبيرانزا 516 فهى كانت أحسنهم على الأطلاق أما الأن علشان أدفع فى عربية 123 ألف جنيه مش 116 ألف جنيه و أنا بأتكلم على الرينو نيو لوجان أوتوماتيك هاى لاين بالأوفر برايس حألاقى نفسى دخلت دخلة تانية خالص و مش حشتريها لكن فى ظل المشاكل اللى مسوء سمعة البيجو 301 و غلو قطع الغيار و العربية السوبر النيسان صنى اللى حرام يتحط عليها أسم نيسان و الميتسوبشى أتراج اللى هى أسمها أطران مش أتراج لا أجد للرينو لوجان منافس ألا السوزوكى سياز الى هى لسه ما أنتشرتش و بالتالى قطع غيارها حتبقى نار لكن يبدو أن هناك خيط رفيع يجبرنا جميعا على أننا نزود شوية فلوس و نجيب أول فئة أوتو ما تيك لانسر شارك 130000 أما أصحاب الرينو لوجان الجديدة فلهم منطق يحترم
و هى أن العربية القديمة و أكرر القديمة كانت أعتمادية ألى حد كبير مشاكل ميكانيكية قليلة أو نادرة عربية ثابتة ألى حد كبير على السرعات العالية تكييف حلو مش زى اليابانى لكن حلو لما نزلت الجديدة بنفس المواتير مع أوبشانز كتيرة و شكل أحدث من القديمة بكتير و قاعدة عجلات و بالتالى عفشة هى هى القديمة الناس أستبشرت خيرا دى وجهة نظر تحترم لكن السيار ة بسعرها الحالى أصبح لها منافسين يقطعوها زى الشارك و أكرر هذه وجهة نظرى لأا داعى للسخرية أو الأستهزاء و أعتبرونى ما قلتش حاجة
ملحوظة : الناس بتبيع الجديدة مانيوال علشان عايزين يجيبوا الأوتوماتيك ليس ألا العربية كويسة يا جماعة لكن ظهور منافسين أحسن منها هو ده اللى خلاها ما بقتش أختيار أول و لا تانى و لا ثالث و بأكرر مرة تانية ابعدوا عن النيسان صنى و الأتراج و البيجو 301 و ألأوبترا

أسمحي أني أضيف أن شركة داتشيا معروفة بالجودة في عربياتها بالنسبة للكتلة الشرقية و كانت بتتصدر لدول كثيرة و يكفي أن اللوجان عربية الرسمية للشرطة في رومانيا و دا شهادة علي الجودة و المتانة إضافة إلي نجاحها الشديد في إوروبا و أمريكا اللاتنية و بيتم تصنيعها في إكثر من دولة و أحتمال تجمعيها في مصر !!
نقطة السعر دا غباء من التجار المصممين على تدمير سوق السيارات بأيدهم !!! طبعا في أزمة في الدولار و التضخم بيزيد و هما كدة بيشجعوا على وجود سوق رمادية لآن كل العربيات دي موجودة في الخليج بمنشأ أوروبي و بسعر أقل كثير !!! غباوة بعيد عنك !!!