هل الصني 2015 بها فلتر تكيف ام لا
عرض للطباعة
هل الصني 2015 بها فلتر تكيف ام لا
السلام عليكم و رحمة الله و بركاته
اللى أعرفه أن الصنى ال2011 مالهاش فلتر هوا تكييف.
مش متأكد من ال2015.
مين قال ان النيسان سواء قديم او جديد مافيهوش فلتر بالعكس الجميع فيهم فلتر ومكانة ورا درج التابلوة وعلشان توصل له بتفتح درج التابلوة وهتلاقي تيلتين يمين وشمال تلفهم وتشدهم للداخل بالراحة وبعدين تنزل الدرج خالص لتحت هتلاقي مكان الفلتر
السلام عليكم و رحمة الله و بركاته
أنا كنت رحت مع واحد صاحبى معاه 2011 صنى عشان نعمل أول صيانة لعربيته أيام ماكان شاريها جديد و التوكيل اللى فى طنطا هو اللى قال أن مفيهاش فلتر هوا للتكييف !!!!!
و مش كل النيسان فيها فلتر هوا للتكييف. أنا معايا ماكسيما 99 فى كندا و نازلة منغير فلتر هوا للتكييف. عادى يعنى !!!!!
:E_braces[1]::E_braces[1]::E_braces[1]:
طيب هو الفلتر حيفرق في حاجه
عدم وجود فلتر له فائده وحيده فالاول ان الهواء بيخرج اسرع من لما بيكون راكب
فالاول بتحس بالهواء الساقع بسرعه وبتعجب بفيضان الهواء الساقع ده
بس دا احساس مؤقت لحد مالتراب يلزق على التلاجه الداخليه (السربنتينه الداخليه) ومن هنا كفائه التبريد تقل وتنظيفها بعد كدا وجع دماغ فى فك الطابلوه وتنظيفها, غير كدا بيقلل رائحه الطعطين بسبب التراب اللى لازه على المواسير الساقعه,
تخيل معايا انك اعد بتشم تراب مبلول , كانك قاعد جوه سجاده معطنه.
وجود الفلتر مهم, ومحتاج يتنظف كل شويه عشان احنا عندنا التراب كتير.
العربيه ليها مكان لفلتر التكييف فعلا زى ما قال العضو الاول ولكن الانتاج المصرى مانزلشى الفلتر مع العربيه وبعدين جت التوكيلات سنه تقريبا ٢٠٠٨ وزعوه علاى العملاء مجانا وبعدين اختفى لكن هوه بيتباع فى محلات قطع الغيار بره عادى وسعره حوالى ٤٥ جنيه كورى وفلتر الهوا كورى برضه ب ٣٥. جنيه يعنى كل شيئ متوافر والنوعيات والاسعار دى خامات كويسه جدا وكمان تيل الفرامل الامامى بيتباع بره بس نوع كورى ممتاز ممتاز اسمه جولد ليس منه اى مشاكل اطلاقا واى سؤال انا فى الخدمه
تاكيد,
فعلا عربيتى موديل 2015 ليها مكان لفلتر التكييف لكن الفلتر مش راكب
مكان الفيلتر: من عند الراكب الامامى, ورا الكونسول , هتلاقى كافر ابيض, له زى رجل من تحت تشدها ,الكافر يتخلع علطول. لازم هتوطى جامد وتدخل راسك تحت الطابلوه عشان تشوف العطاء الابيض ده.
انا هجيب الفلتر وهركبه وهبلغكوا بالاسعار وادا التكيف, انا هتوقع انه هيضعف او هيتكتم
الحلو ان التلاجه الداخليه لقتها لسه نظيفه, الحق اركبلها الفيلتر قبل متلم تراب
انا كنت في التوكيل المهندس قالي من نفسه قات زرار التكيف يمين بحيث تبق دوره التكيف داخليه ميجبش هوا من بره
سألته ليه قالي عشان العربية مفيهاش فلتر تكييف
فهل لو جت الدراع كده نحيه اليمين ( مع اتجاه الراكب الامامي ) تتحل المشكله
كلمت نيسان اليوم عشان اقدم شكوى لعدم وجود فلتر تكييف بالنيسان صنى
بلغونى ان جالهم قرار من نيسان اليابان بان العربيات بتنزل من غير فلتر تكييف
وتركيب الفلتر بيتم على حساب العميل فى مركز الصيانه
ولم يتم تسجيل الشكوى لعدم وجود مشكله
مش عارف اقول ايه
كنت في التوكيل انهارده وقالي 'فيها فلتر تكيف ولو عايز ارتكبه بيعمل 500 جنيه . :_Alshmokh08[1]::B4_592:
هو ممكن اركبه بره
اشتريت فيلتر تكيف من ورشه الحج بكر فى المنيل
فلتر صينى ماركه lefong
موديل ft 6058
اب 60 جنيه
العلبه مكتوب عليها ل كاشكاى واكس تريل
الراجل كاتب على العلبه بخط ايده تيدا
المهم الفلتر طلع اكبر ب 5 سم، اطريت اقس من عرض الفلتر 5 سم وركب زى الفل
االانطباعات، الهواء اسقع من الاول بحاجه بسيطه، غير كدا مفيش ملاحظات