تحذير للمتجه الي حلوان عن طريق الأوتوستراد!

**Osama_soliman** · 17-11-2008 12:50 PM

لا حول ولا قوة الا بالله

يارب اصلح حال مصر

**essa** · 17-11-2008 03:31 PM

ايوه فعلا المطب مش ظاهر بس لما بتاخده واحده واحده بيسمع بردو فى العربيه انا الحمد لله خدت بالى منه وانا رايح ووانا جاى فى واحد برضو زيه بس اللى خلانى اخد باللى ميكروباص تيوتا والحمد لله ربنا ستر ده غير طبعااا السبع مطبات وغير طبعا الكمين اللى عند صقر قريش وانت رايح على حلوان و و و
بجد موضوعك مهم جدا يااستاذ نادر ومشكور جداا على اهتمامك بينا .....

**essa** · 17-11-2008 03:32 PM

معلش نسيت اقولك على الفاتحه اللى بتودى على حلوان بدل ماتكمل وتمشى على مدينه 15 مايو ياريت الحذر لما تاخدوا الملف علشان فى ناس كتير بتطلع فوق الرصيف والفاتحه مش ظاهر وملحوظه كمان فى فتحتين يعنى لو فاتتك الاولى فى واحده تانيه وراها يعنى ماتخفش داخل داخل
ياريت يحطو شمعه حتى على اول الرصيف علشان الناس تشوف الفتحه ويهمتمو شويه بالفحته دى لانها مليانه حوادث .........

**Ahmed_Elkhateb** · 25-11-2008 12:18 AM

عيسى ونادر وانا من حلوااااااان ايه الهنا ده والله الحلوانيه منورين فى كل حته

**essa** · 25-11-2008 12:49 AM

المشاركة الأصلية كتبت بواسطة toteman

عيسى ونادر وانا من حلوااااااان ايه الهنا ده والله الحلوانيه منورين فى كل حته

ده احنا محتليين البلد

**ahmadabdelgalil** · 25-11-2008 09:40 PM

و الله ده المسئولين دول حسبى الله و نعم الوكيل فيهم و أولهم محافظ حلوان
و علشان الكلام يبقى و اضح
المطبات اللى عند المعصرة فى الإتجاهين توجد يوفط مطب صناعى لكن فييييين؟؟
فى نص مجموعة المطبات مش قبلها بمسافة كافية .
كذلك مدخل حلوان من الأوتوستراد م إنت جاى من المعادى المدخل ضلمة و مفيش أى علامات و حاجة زفت .
كذلك الإنارة من بعد المعادى كورنيش و أوتوستراد لحلوان مفيش نور و ربنا ينورلك طريقك يا فندى.
و البيه المحافظ ماسك اللى الكورنيش و بيعيد أسفلته و هد الجزيرة و عملها ديقة جداً و كأن اللى بيعدى مش هيقف فى النص.
و الله بهايم يا بن عمى
يروح يشوف شارع الجامعة قبل إعداد القادة الورش كلت الشارع و بقى زفت و هو نايم و اللا أهبل و لا فيه إيه؟؟
يروح يشوف شارع أطلس قبل مزلقان الترماى هو فاكر الناس عميو زى جنابه
الله يخرب بيت البقر
جايب تخطيط حلوان بعد سنين (المتخطط بالتخطيط العمرانى ) و بيقول هيعمل جاتو نيلة.
حاجة تقرف
يبقى البتاع فى البتاع و يقولو مش شايفين.

**Ahmed_Elkhateb** · 26-11-2008 12:30 AM

المشاركة الأصلية كتبت بواسطة ahmadabdelgalil

يروح يشوف شارع أطلس قبل مزلقان الترماى هو فاكر الناس عميو زى جنابه
.

انا ساكن فى المشروع وبمشى من شارع اطلس اللى بيدخلك على مايو كتييييييير والشارع ده والله دغدغلى العربيه شارع زباله وشارع صالح صبحى بعد ما سفلتو حطو فيه مطبات وارف وبوظو تانى والمشروع عندنا بعد ما سفلتو كلو بيكسرو اللى سفلتو أل ايه بيدخلو الغااااااااااااااز حاجه بقت تقرف وربنا معانا