عايز اسقط موتور لابيزا 2001

**mido tarek** · 31-05-2015 01:44 AM

السلام عليكم
انا لسة جديد فى الجروب وكنت عايز آخد رأى حضرتكم فى انى معايا ابيزا 2001 وكنت عايز اسقط موتور للعربية كنت عايز اعرف انهو افضل موتور ومن عند مين وهيتكلف كام واسقطه عند مين ياريت تفدونى عشان لسة جايب العربية من كام شهر فمعرفش صنايعية كويسين وكل الى كنت بروح عندهم عشان اعمل اى حاجة فى العربية برده مش مستريحلهم مع انهم كويسين
وياريت يكون فى اسكندرية ولو مفيش عادى انا عندى استعداد انزل القاهرة
وشكرا ليكم

**pepo2011** · 31-05-2015 10:34 AM

في جسر السويس الفوال او سيد عبدة

**mido tarek** · 31-05-2015 03:59 PM

المشاركة الأصلية كتبت بواسطة pepo2011

في جسر السويس الفوال او سيد عبدة

طب هيتكلف كام وافضل موتور ايه
معلش عشان انا اول مرة اركب ابيزا

**zokazok** · 31-05-2015 07:45 PM

الاخ mido tarek
اولا الميكانيكي اللي ف اسكندريه عندكم اللي اسمع عنه سمع خير و شهرته كبيره هو هريسه عنوانه مش متزكره بس ممكن حد من الاخوه ف المنتدي يقولك عنوانه
ثانيا تجيب موتور من عند يسري عبد العال بسمع عنه انه كويس و ف حد تاني بيبيع للتجار دول كان حد من الاخوه قال عنه و ممكن يدخل يفيدك برضك و موبيل يسري عبد العال 01006756780
ثالثا الموتور اللي ممكن تسقطه انت عندك كذا موتور ممكن تركب 1400cc..8v و ده انا سقطته ف عربيتي ابيزا 98 و هو كويس جدااا و استهلاكه للبنزين محترم و تسقطه ع العفشه بتاعتك من غير ماتغير حاجه و فيه عندك موتور 1600cc..8v و ده اعتقد انك هاتغير بس الشكمان و ممكن حد من الاخوه يأكدوا لك المعلومه دي برضك بس الاحسن اللي ممكن يفيدك اووووي هو هريسه الميكانيكي و ف عندك بقا الموتور اللي كان نفسي انا اركبه بس منفعش عندي عشان البوابه عندي بواير لكن انت تقريبا عندك البوابه كهربه و ده هايبقي عندك تمام و هو موتور 1400cc..16v بس برضك ف النهايه الميكانيكي هو هايفيدك اكتر

**mido tarek** · 01-06-2015 03:47 AM

المشاركة الأصلية كتبت بواسطة zokazok

الاخ mido tarek
اولا الميكانيكي اللي ف اسكندريه عندكم اللي اسمع عنه سمع خير و شهرته كبيره هو هريسه عنوانه مش متزكره بس ممكن حد من الاخوه ف المنتدي يقولك عنوانه
ثانيا تجيب موتور من عند يسري عبد العال بسمع عنه انه كويس و ف حد تاني بيبيع للتجار دول كان حد من الاخوه قال عنه و ممكن يدخل يفيدك برضك و موبيل يسري عبد العال 01006756780
ثالثا الموتور اللي ممكن تسقطه انت عندك كذا موتور ممكن تركب 1400cc..8v و ده انا سقطته ف عربيتي ابيزا 98 و هو كويس جدااا و استهلاكه للبنزين محترم و تسقطه ع العفشه بتاعتك من غير ماتغير حاجه و فيه عندك موتور 1600cc..8v و ده اعتقد انك هاتغير بس الشكمان و ممكن حد من الاخوه يأكدوا لك المعلومه دي برضك بس الاحسن اللي ممكن يفيدك اووووي هو هريسه الميكانيكي و ف عندك بقا الموتور اللي كان نفسي انا اركبه بس منفعش عندي عشان البوابه عندي بواير لكن انت تقريبا عندك البوابه كهربه و ده هايبقي عندك تمام و هو موتور 1400cc..16v بس برضك ف النهايه الميكانيكي هو هايفيدك اكتر

شكرا جدا اخى العزيز zokazok
بالنسبة لهريسة انا عارف مكانه فى محطة الرمل بس انا كنت عايز اعرف برده الاسعار عشان لما اروح اشترى ابقى فاهم وعارف بتكلم فى انهو سعر
ومعلومة كمان بعد اذنكوا هو الموتور بيجى بالقاعدة بتاعته ولا لا
وجزاك الله خيرا

**zokazok** · 01-06-2015 06:16 PM

استاذ mido لا شكر ع واجب انا تحت امرك
و بالنسبه لسعر الموتور كامل1400 cc هايعمل 4500 ج كامل بفتيسه و ضفيرته و كونتروله و المارش و الدينمو و الاسبيراتير و طلمبة الميه
و الديسك و الاسطوانه و ممكن كمان قربة المياه لكن بالنسبه لقواعد الموتور دي بصراحه مش عارف