طلب مساعده من اهل الخبرة :)

**ShekoT** · 31-05-2015 05:12 AM

السلام عليكم ... طبعا سعيد لانضمامي لجروب الابيزاوية من اقل من شهر بعد ما جبت اول عربية لي "لله الحمد " وبصراحه حبتها من اول نظرة بس كالعادة خدت شوية نصائح من ناس قريبين مني عن الحاجات الي ضروري تتغير مع شاء عربية مستعملة زي السيور "كاتينة ومجموعه " والزيوت " فرامل / فتيس / متور "
طبعا كل دة جميل بس انا ساكن في مدينة نصر ومعظم محلات قطع الغيار في التوفيقية والحرفيين فا كنت حابب اعرف لو في حد قريب مني ويكون تاجر امين وثقة بخصوص موضوع السيور بالاخص لاني مش عايز اتحرك بالعربية من غير ما يتغيرو واكون في الامان افضل . مشكورين علي المساعده مقدما

**pepo2011** · 31-05-2015 10:21 AM

المشاركة الأصلية كتبت بواسطة shekot

السلام عليكم ... طبعا سعيد لانضمامي لجروب الابيزاوية من اقل من شهر بعد ما جبت اول عربية لي "لله الحمد " وبصراحه حبتها من اول نظرة

بس كالعادة خدت شوية نصائح من ناس قريبين مني عن الحاجات الي ضروري تتغير مع شاء عربية مستعملة زي السيور "كاتينة ومجموعه " والزيوت " فرامل / فتيس / متور "
طبعا كل دة جميل بس انا ساكن في مدينة نصر ومعظم محلات قطع الغيار في التوفيقية والحرفيين فا كنت حابب اعرف لو في حد قريب مني ويكون تاجر امين وثقة بخصوص موضوع السيور بالاخص لاني مش عايز اتحرك بالعربية من غير ما يتغيرو واكون في الامان افضل . مشكورين علي المساعده مقدما

في ناس كتير عندك في السابع والسادس خلف قسم تاني

**zokazok** · 31-05-2015 09:41 PM

استاذ شيكو
اول حاجه اغلب التجار للاسف نصابين قليل منهم اللي بيخاف ربنا و يديك الحاجه الصح او المضمونه

عموما انا هاقولك ع نوع سير الكاتينه اللي ممكن تركبه و هو نوع محترم هما بيسموه ف السوق كونتاك او كونتاكت و تمشي عليه 35000 الي 40000 كم
ثانيا زيت الباكم هات زيت أتي Ati و دا زيت الماني للفرامل و البيجوهات Ngk الماني او ياباني المتاح عندك و زيت الموتور ناس بتشكر ف شل الاصفر و انا عن نفسي اول مره اجربه و فيه كمان زيت كاسترول زيت كويس برضك و فلتر الزيت هات الهاي كوبي بيعمل تقريبا 45 ج و سير الدينمو اعتقد انك ممكن تركب اي سير

**ShekoT** · 01-06-2015 12:02 AM

[QUOTE=pepo2011;3875954586]في ناس كتير عندك في السابع والسادس خلف قسم تاني[QUOTE]

فين بالظبط لو سمحت ؟؟

المشاركة الأصلية كتبت بواسطة zokazok

استاذ شيكو
اول حاجه اغلب التجار للاسف نصابين قليل منهم اللي بيخاف ربنا و يديك الحاجه الصح او المضمونه

عموما انا هاقولك ع نوع سير الكاتينه اللي ممكن تركبه و هو نوع محترم هما بيسموه ف السوق كونتاك او كونتاكت و تمشي عليه 35000 الي 40000 كم
ثانيا زيت الباكم هات زيت أتي Ati و دا زيت الماني للفرامل و البيجوهات Ngk الماني او ياباني المتاح عندك و زيت الموتور ناس بتشكر ف شل الاصفر و انا عن نفسي اول مره اجربه و فيه كمان زيت كاسترول زيت كويس برضك و فلتر الزيت هات الهاي كوبي بيعمل تقريبا 45 ج و سير الدينمو اعتقد انك ممكن تركب اي سير

خالص الشكر علي النصائح بس متعرفش انسان محترم اقدر اتعامل معاه حتي لو برة مدينة نصر علي الاقل يكون ثقة ؟

**zokazok** · 01-06-2015 06:34 PM

و الله انا م المنصوره و بعمل شغلي هناك و بشتري حاجتها برضك من هناك

**SYD** · 05-06-2015 11:33 AM

الأليلي في السادس
اسمه هيثم الأليلي
في السادس
عنوانه في الموضوع المثبت في قسم أهم الموضوعات

وردي عليك بكل حاجة في العربية هتلاقيه بردو في المواضيع المثبته في قسم اهم الموضوعات

تحياتي