مساء الخير .. انا لسه جايب لانسر شارك 2015 وكيل و المفروض انه بيجهزلي الورق يومين او تلاته لحد و بعد كده هبدا فى اجراءات ترخيص العربيه .. انا دى اول تجربه ليا مع الزيرو و عايز اعرف ايه الاجراءات اللى اعملها من الاول خالص عشان موضوع الترخيص ده و شكرا
عرض للطباعة
مساء الخير .. انا لسه جايب لانسر شارك 2015 وكيل و المفروض انه بيجهزلي الورق يومين او تلاته لحد و بعد كده هبدا فى اجراءات ترخيص العربيه .. انا دى اول تجربه ليا مع الزيرو و عايز اعرف ايه الاجراءات اللى اعملها من الاول خالص عشان موضوع الترخيص ده و شكرا
ولا حاجة بالورق اللي معاك ومخالصة البنك تطلع ع المرور
مبروك الف مبروك
صور كل الورق كذا نسخه (ورق اللى هتستلمه من الوكيل, رقم قومى )
تطلع علة المرور- اجراءات ترخيص سياره اول مره 3 سنين
تشترى ملف فاضى- ورق فحص 3 سنين
ترفع بصمات العربيه
تشترى تامين اجبارى مع شركات التامين اللى جوه وحده المرور
تشترى طفايه (وممكن مثلت الخطر وشنطه الاسعافات دو انا مشتريتهمش)
تقدم الورق كله (ورق الوكيل-الفحص- التامين-الطفايه- صوره الرقم القومى)
الورق يتراجع
تدفع الترخيص
تسلمهم وصل الدفع
تستنى ينادو عليك
تستلم الرخصه واللوحات المعدنيه
كدا تقدر تروح
المبلغ المدفوع اجمالى تقريبا فى حدود 1500 جنيه
شهاده البيانات بتطلب فى حاله ان العربيه ليها رخصه , والرخصه منتهيه, وبتطلب وقت تجديد الرخصه او نقل الملكيه
غير كدا هى مش مطلوبه من حضرتك
في شهادة بيانات بتجي مع الافراج الجمركي وبتستلمها من المعرض اللي حضرتك شاري منه السيارة ومدون بها كافة بيانات السيارة مثل رقم الماتور والشاسيه والموديل
ولون الزجاج وخلافه
أيوا طبيعي، وممكن توصل لأسبوع
والف مبروك
عفوا وتحت امرك - امر طبيعي في خلال اسبوع بالكتير والمفروض تستلم صورة من الافراج الجمركي مدون به رقم الشاسيه وتاريخ دخول السيارة مصر وشهادة البيانات مؤمنة وفاتورة الشراء مختومة وخطاب موجه للمرور للترخيص علي ما اتذكر وشكرا