بيع سيارة بعقد ابتدائى

**mody112** · 31-05-2015 01:55 PM

ماذا يحدث لو تم بيع السيارة بعقد ابتدائى فقط ؟
يعنى عربيتى بعتها لواحد بموجب عقد ابتدائى وكان فيه اقرار استلام السيارة وحددنا اليوم والساعة واخدت فلوسى ما عدا مبلغ صغير لما اجيب المخالفات واعمله الوكيل وهو استلم العربية والرخصة كمان وكان الاتفاق انه بعد يومين هنتقابل علشان اعمله التوكيل والمخالفات الا انه اعتذر وقال انه عنده ظروف وحددنا معاد تانى لكن انا حاسس انه مش هييجى برضه ودلوقتى انا اللى بزن عليه علشان اعمله التوكيل مع انى انا البايع واخدت فلوسى كمان .
دلوقتى هل يوجد اى ضرر يقع عليه انا من عدم عمل التوكيل له ؟
او لو هو عمل مصيبة بالعربية وحب يرجع فى كلامه او اى حاجة هل يقع ضرر عليه انا ؟
هو كان كلمنى انه هيبيع العربية لحد تانى لانه تاجر وطلب منى انى اعمل للراجل الجديد التوكيل مباشرة فهل لو انا عملت كده هبقى بيعت العربية مرتين مرة للمشترى الاول بعقد البيع ومرة بالتوكيل للراجل الجديد ؟
هل فى اى داعى للقلق اللى انا فيه ده ؟
ولو حبيت اعمل شهادة بيانات للعربية من غير الرخصى ايه الحل ؟

**Abo_Mazen** · 31-05-2015 03:39 PM

كده العملية وضحت ..الباشا اللي إشترى منك العربيه تاجر ..فقال بدل ما حضرتك تعمله توكيل وبعدين يقوم هو عامل توكيل لواحد تاني لما ييجي يبيع ..وطبعا هيبقى العربية وقتها فيها توكيلين بدل توكيل ..فهو قال لما أبيع أخلي المالك اللي الرخصه بإسمه يعمل توكيل مباشرة للمشتري ..على فكره ..دي ميزه في البيع ..عشان هو لما بيعرض العربية بيقول للمشتري العربية مفيهاش توكيلات ..البيع من المالك مباشرة ..عموما ..سيبه ..هو اللي محتاجلك ..أهم حاجه إنه ماضي على إيصال بإستلام السيارة ..قبل ما أنسى ..ما تعملش توكيل للمشتري اللي هيشتري من التاجر اللي إشترى منك غير لما تاخد منه العقد اللي معاه ..غير كده سيبه براحته ..هيجيلك هيجيلك ..هيروح فين ..؟؟؟