الموضوع: تشطيب الشقه بمعرفه مقاول او متخصص

رأيي ..شطبها بمعرفتك أحسن ..عشان تبقى فاهم الدنيا ماشيه إزاي ..وتحاسب كل واحد على شغله اللي هو عمله بنفسه وميبقاش في وسيط بينك وبين الصنايعي في الحساب سواء وإنت بتستلم منه الشغل أو وإنت بتحاسبه ..ودرءا لمشكلة ..أهدر دمه بين القبائل ..أقصد أهدر دمه بين الصنايعية ..يعني لو في حاجه مش عجباك في الشغل هتلاقي المقاول يقولك ماشي ما أنا هجيبلك الكهربائي مثلا عشان يضبطها ..ويقوم مدخلك دي في دي في دي ..وتلاقي نفسك مستلم الشقة فيها كذا ملاحظه ..أنا أصلا شايف إن مقاول التشطيبات ده أكل عيشه على الناس اللي عاوزه تكبر دماغها ومش عاوزه تتابع حاجتها بنفسها ..ده رأيي بصراحه ..أنا كان عندي شقتي شطبتها بمعرفتي من كله ..أنا جبت سباك وجبت بتاع سيراميك وجبت نقاش وجبت كهربائي ..كل صنايعي على حده وأتفق معاه بمزاجي وإستلم منه بمزاجي

احيانا قلة المعرفة
بتخلى واحد زييى يفضل انه يدور على حد ياخدها مقاولة احسن ما ( ينضحك عليا او يتنصب عليا من الصنايعيه والبائعين )

غالبا بيتم البحث عن حد ثقة وسمعته كويسه

المقاول او المتخصص يفترض انه مش بيكون غالى لانه مشش مكتب ديكور او تشطيبات وديكور


فى البداية عايز اعرف طريقة الاتفاق و متوسط الاسعار

انا مجرب الأتنين:
لو مقاول لازم تكون عرفة ومتجرب قبل كده وشوفت شغلة وما يهمكش الفلوس قوي مع أعتبار أن الي تكسر مش ممكن يتصلح.( مش هيرجع في حاجة اتعملت إلا لو هندفع تمن إعادة عميلها) فبيكون الحل أن لآزم تبص دوريا. احنا في مصر يابا الفتي سمه المصري الأصيل.
لو أنت بنفسك هتتمرط بس التكافة أقل وتلحق الفتي من أولة

المشاركة الأصلية كتبت بواسطة ali ashraf

اتفق مع الاستاذ ابو مازن تماما و ان كنت فى الحقيقة بكبر دماغى ( يمكن بحكم سنى ) و بحكم انى اعرف مقاول "صغير" من اكثر من 20 سنة كان موظف و سباك فى نفس الوقت و يتمتع بالذكاء و النشاط و الامانة و الان ما شاء الله يشطب شقق و فيلات, الحقيقة اعتمدت عليه فى تشطيب اكثر من شقة و بقول حتى لو أخذ اكثر من المفروض لو انا اللى شطبت بقول ده حقه و مجهوده و دى ارزاق بتتوزع بين العباد. ......بالنسبة لشؤال حضرتك المحارة و السيراميك و الحيطان الزيت او البلاستيك بتحسب بالمتر , و يتم تضريب المساحات الحوائط كذا متر و الارضيات كذا متر و الكرانيش كذا متر طولى , الشبابيك الالوميتال كذا متر و هكذا ......لو هتعمل فى شركة تخلى بالك علشان النصب على ودنه لو هتعمل بنفسك لازم تستعين بذوى الخبرة معاك , لو عاوزنى اكلملك الراجل اللى بتعامل معاه بلغنى و انا اسهل الموضوع ده و تحت امرك و ربنا يوفقك.

زى ما حضرتك قلت
كبر السن
مواعيد العمل
بعد المسافة

--

شاكر لحضرتك - بس انا مش فى القاهره
انا فى البحر الاحمر


-------

كنت سمعت عن متوسط سعر بيتم بحساب قيمة تضرب فى مساحة الشقة

واللى بسال علية
القيمه متوسطها كام
وتشمل ايه
وتتحسب على الصافى ولا الاجمالى

الغردقة
وحضرتك تشرف فى اى وقت

المشاركة الأصلية كتبت بواسطة ali ashraf

حضرتك ادخل على موقع اليوم السابع بتاع النهاردة بالصدفة كاتب عن الموضوع ده بس الاسعار اللى كاتبها اقل من الواقع و بالمناسبة فين فى البحر الاحمر ياريت تطلع الغردقة علشان نبقى نتقابل . انا قاهرى بس بحب الغردقة

خطوة بخطوة.. أسعار تشطيبات الشقق لعام 2015 |اليوم السابع

أسعار المصنعيات • تتراوح أسعار بناء حوائط وإعادة تقسيم الداخلى للشقة 350 جنيها لعدد ألف طوبة • أسعار مصنعيات محارة الحوائط "ميزان" من 12 إلى 15 جنيها للمتر حسب جودة بناء الحوائط، أما عن أسعار مصنعيات (المصيص) للأسقف 10 جنيهات للمتر. • أسعار مصنعيات الكرانيش 15 و20 سم للريسبشن والغرف 25 جنيها للمتر. • أسعار مصنعيات تأسيس الكهرباء للشقق 60 جنيها للنقطة أو 3000 جنيه للوحة الرئيسية و10 مفتاح جهد عال و30 مفتاح إنارة وفيشة ودائرة إنترنت ودائرة دش. • أسعار مصنعيات تشطيب الكهرباء 500 جنيه. • أسعار مصنعيات تأسيس السباكة والصحى للحمامات 900 جنيه للقطعة • أسعار مصنعيات تشطيب السباكة والصرف الصحى 200 جنيه للقطعة • أسعار مصنعيات الدهانات والنقاشة بدون ديكور 10 جنيهات للمتر • أسعار مصنعيات الدهانات والنقاشة ديكور للحوائط 20 جنيها • أسعار مصنعيات وخامات الالموتيال 300 جنيه للمتر شاملة الألوان والزجاج 6ملى والشيش والاكسسورات والتركيب والنقل • أسعار مصنعيات وخامات الالموتيال بى أس صغير 450 جنيها للمتر شاملة الألوان والزجاج 6ملى والشيش والاكسسورات والتركيب والنقل • أسعار مصنعيات وخامات الالموتيال بى اس وسط 550 جنيها للمتر شاملة الألوان والزجاج 6ملى والشيش والإكسسورات والتركيب والنقل • أسعار مصنعيات الدوارن للشبابيك 150جنيها لكل شباك أو بالكونة • أسعار مصنعيات النجارة للشقق 2500 • أسعار مصنعيات لزق وتركيب السيراميك للحوائط والأرضيات 15 جنيها للمتر حسب المساحة • أسعار مصنعيات تركيب وزر الارضيات 7.5 جنيه للمتر • أسعار مصنعيات تركيب الرخام للحوائط 30 جنيه للمتر • أسعار مصنعيات تركيب الرخام للارضيات 25 جنيه للمتر • أسعار ومصنعيات السقف الساقط ( اعمال حديد وشبك ) 350 جنيه للمتر • أسعار ومصنعيات السقف الساقط ( بيت نور ) 100 جنيه للمتر • أسعار ومصنعيات السقف الساقط وبيت نور جبسون بورد ( الالواح ) من 90 الى 150 جنيها للمتر "حسب التصميم" .

خطوة بخطوة.. أسعار تشطيبات الشقق لعام 2015 |اليوم السابع




========

بس انا عايز رد على موضوع المقاولة