رخصتي اتسحبت وغالبا هادخل فحص
السلام عليكم ورحمه الله
امس كان عندي كورس فى مدينة نصر وفي عباس العقاد قابلتني لجنة بحجة اني بتكلم في الموبايل وانا عندي سماعة بلوتوث بس كنت طلبت من الموبيال وانا متاكد انه ماشفنيش (وكنت بكلم واحد معانا في المنتدى-ربنا يسامحك يا فقرى:2guns:)
المهم قاللي اركن وخد الرخص قولتلة ماكنتش بتكلم في الموبيال ووريتلة الموبيال التاني المطفي
قاللي الفامية الاسود قولتلة دي ستاير سوداء كبس ومبينة اللي جوا ومركبها عشان الشمس ولو مش عايزها اشيلهالك وطلعتهالة رميتها في شنطة العربية
قاللي لاء هاسحبها فامية قولتلة كدة هاتدخل فحص
واقفين نتناقش مخالفة فورية ولا فحص وكان ملازم
طلعلي مقدم من تحت الارض وشاف الرينجات وقاللي نور النور قوتلة ليه قاللي غالبا زينون ضحكت وقولتلة اه
المهم من هنا لهنا عملها تصريح فحص ومصمم تدخل فحص طبعا مسكت القلم من ايدة قولتلة الله يكرمك بلاش زينون دي انا مش ناقص لعب في ضفيرة العربية وقرف الكهربائية
قولتلة ما الاوكتافيا الخليجي والمازدا والجيتا والمرسيدس المصري كلة زينون اشمعنى قاللي لو شوفتهم هاشيلهم ومصمم
اللي نجدني لقيت سيفك مفيمة كلها اسود دار بلاك والملازم عداه اكيد ظابط زيه
قولتلة شوفت الكوسة سكت قاللي خلاص عشان خاطرك مش هاكتبها زينون هاكتبها فحص ستائر سوداء وفامية
المهم الستائر تتشال ومعنديش فامية
ايه الاجرائات
هل هادخل فحص من تاني ولا اروح ادفع المخالفة واجيبلة شهادة اني شيلت المخالفة ولا ايه
انا مرور شبرا واتسحبت في عباس العقاد
تفتكرو تيجي في قد ايه
لو نيل مصر صلصة .. ميكفيش كوسة مصر