حد عنده معلومات عن الموديلات الجديده 2015/2016 هتنزل بنفس الفتيس ولا هيغيروه وهل فعلا الفتيس ظبطوه و مبقاش يعمل مشاكل ولا ده كلام علشان يبيعوا وخلاص
عرض للطباعة
حد عنده معلومات عن الموديلات الجديده 2015/2016 هتنزل بنفس الفتيس ولا هيغيروه وهل فعلا الفتيس ظبطوه و مبقاش يعمل مشاكل ولا ده كلام علشان يبيعوا وخلاص
طيب هل المواصفات الخليجى بفتيس dsg فيه نفس المشاكل بردو ولا ايه النظام ,,,
فى كلام عن ال dsg اعرفه من السنه اللى فاتت و معرفش مدى صحته
ان فى نوعين واحد رخيص بيسموه dry dsg و ده اللى بتستخدمه فولكس و اودى فى العربيات الشعبيه لانهم لو حطو الغالى مش هيكون فيه مكسب , و واحد غالى بيسموه wet dsg و ده بيحتوى على وحدتين زيت للتبريد منفصلتين و ده اللى بتستخدمه فولكس و اودى فى العربيات الغاليه a5 و انت طالع.
المهم ان الفتيس حلو اكيد كفاية انه فتيس البوجاتى هو و المحرك من فولكس بس الرك على النسخه
ابعد عن ال dsg خااااااااااالص. عربيات باسات و اوكتافيا a7 و سيات ليون جابوا فتيس و كلهم فيهم ال dsg اللى المفروض انه محسن و معدل زى ما كانوا بيقولوا. و الفكرة بقى فى التوكيلات اللى بتخلع ايديها من اى حاجة و مش بترضى تتحمل تكلفة تغييره حتى لو جوا الضمان. و برضه علشان المصداقية مش كل العربيات حصل فيها كدة لكنه حصل بالفعل فى موديلات 2014 و 2015. فالأحسن ابعد عنه.
طيب ازاى مع انه فتيس على كلام ناس كتير فيه مشاكل ليه الشركة مصممة تنزله تانى فى موديلات 2015
الفتيس نفسه مفيش منه مشاكل
المشاكل بتاعته بتظهر عندنا نظرا لطبيعه القياده في مصر
الفتيس مصمم ان فيه ٢ كلاتش واحد بيكون متعشق علي السرعه الحاليه ودي بتكون العربيه ماشيه عليها والكلاتش التاني بيكون محضر لتعشيق النقله الاعلي
اللي بيحصل طبيعي عندنا ان ممكن تكون ماشي علي التاني او التالت وبعدين تمشي شويه والطريق يقف
او ماشي علي سرعه بطيئه لمده ربع ساعه ودي سرعه الطريق خلاص مش محتاج نقله اعلي
في الحالات دي الفتيس بياخد جزء من الثانيه لتعديل وضعه والغاء تحضير تعشيق النقله الاعلي وتحضير او تعشيق نقله مختلفه تناسب ظرف القياده الحالي
في اللحظه دي بتحس ببرجله او تنتيش
ده لو حصيل عشر مرات في اليوم عادي مش مشكله لكن لو بيحصل معاك ١٠٠ مره مثلا لو طريقك اغلبه زحمه فدي مشكله
ده غير مشاكل اخري بيتم حلها بتحديث سوفتوير الفتيس زي مثلا انك تكون ماشي علي سرعه بطيئه مثلا لمده مش طويله تلاقه الفتيس بينقل لنقلات اعلي لحد ما يوصل لd7 فتلاقي العربيه بتسقف وتضطر انك تجيبها علي s عشان تظبطها
واكيد الشركه مش حتلغي الفتيس ده وتعمل واحد جديد عشان بلد حتبيع فيها ١٠٠٠ ولا حتي ١٠٠٠٠ عربيه
كدة مالناش نصيب فى العربيات ديه للاسف و اليابانى يكسب
معايا ابيزا 2014 بقالها سنة ونصف بفتيس dsg وماشية زى الفل ....والتوكيل عامل دلوقتى ضمان 5 سنين